كيف تزعل المرأه الدلوعه على زوجها

السلام عليكم
لابد تصير زعله بينك انتي وزوجك
لاتقولون أنا أفاول عليكم الله يحفظكم و يهديكم لبعض
لكن هذا شي وارد بين لأي زوجين لأن الزعل اهو ملح الحياة
طبعا كلنا متفقين إن إذا كان لك حق لا تتنازلين مهما يكون
لكن عندي بعض الفلاشات : 1_إذا بدا زوجك بالصراخ لا تبادلينه نفس الأسلوب , بس طالعي بنظرة طفلة مستغربة
و وصليله معلومة إن أنا ما أمشي بهالأسلوب و ماراح أتناقش إلا لما تهدا
حذار من تبينين إنك خايفة
حذار من أن تصارخين مثله.
2_حولي يكون شكلك حلو و مرتب لما تزعلين او تتشرهين يعني مو تكونين عفيسة
و ركزي على الماسكرا تعطي اغماضة جفن ساحرة.
3_خلي صوتك ناعم و مسكين لما تبكين أو تتكلمين هذا في الحالات اللي بتكسرين خاطره أما الحالات اللي ما يحتاج كسرة خاطر صيري جدية وواثقة بس مو خشنة.
4_إذا بكيتي لا تنسين الشهقات الناعمة
5_ الجنس و ما أدراك ما الجنس
غالب الرجال أو كلهم عندهم هذه المعادلة المراضاة = الجنس
الرجال يحبون يشوفون المراه مسكينة و ضعيفة و زعلانة هذا يحفزهم للجنس
الرجل ما يطيح اللي براسه و ما يصفى مع المرأه بعد الزعلة إلا بممارسة الجنس
لا تدقرينه لما يتقرب منك و أنت زعلانة ولاتحسين إن اهو مو محترم مشاعرك أو تفكيرك .
ما راح يحس بمشاعرك أو تفكيرك إلا لما يطيب راسه بالجنس