كيف تستقبلين خطيبك

السلام عليكم ورحمه الله وبركاته،،
اليوم حبيت اكتب هذا الموضوع الي هو ابي كل بنت مخطوبه تكتب كيف تستقبل خطيبها اذا جاها
بذات اذا كانوا مطولين عن بعض يعني مسافر او شي
اول شي انا افتتح الموضوع:
طبعا هو يقولي قبل مايجيني بفتره يمكن اسبوعين اوثلاثه لانه هو وظيفته مو بنفس المدينه الي انا فيها.
وفي هاالفتره اهتم في نفسي اكيد.ويتركز اهتمامي على ايديني واقدامي ووجهي لان هاذي الاماكن الي تبان قدامه.
وقبل مايجي بيومين اوثلاثه ابتدي ادور حلى شكله حلو وطعمه احلى وعصيرشكله مرتب هاذي بس حتى تطلع بالعافيه.
انا ارتب كذا عشان نفس اليوم الي يجيني فيه مايبقى لي شغل كثير عشان اتفضى لنفسي.
طبعا اليوم الي يجيني فيه اقوم من العصر اجهز الملابس الي يبي يشوفني فيها واعطره وابخركل ملابسي
حتى الداخليه عشان تكون رحتي تهبل.
بعدين ادخل اتحمم واطلع استشور شعري واحط فيه المكروابتدي بالمكياج انا طبعا اول مانخطبت ماكنت اعرف اش يحب واش يكره وبعدين عاد اكتشفت انه يحب المكياج الهادي والبس الاهدي تقريبا يحبني على طبيعتي
وعرفت انه يحبني بدون مكياج مره جانا فجأه وماكان فيني حيل الطخ مكياج ورحت له كذا وبعدين يوم كلمني قال احلى يوم شفتك فيه البارح كان شكلك حلو مره ومن بعدها ماسرت اكثر مكياج.
بعدين ابدى البس وافك شعري واتبخر واعبي نفسي عطر واقابله.
وامي طبعا الله يسعدها هي الي تقوم تجيب الحلى والقهوه والحاجات الي انا مسويتها وانا اجلس اسولف معاه
وبس
يعني انا بصراحه احس مني قصورمادري ليش عشان كذا ابي اشوف كل بنت كيف طريقتها يوم تستقبل خطيبها
وامانه تكتبونها مثلي بالتفصيل الممل.
وكمان المتزوجات يفيدونا كيف كانوا يستقبلون واش الحاجه الي سوهاوعجبتهم وقال لها بعد الزواج هاذيك الحاجه سويتها لي كانت حلوه مره
تدرون الحين مقبلين على صيف والشوفات بتكثر ولازم اجدد ماخليه يطفش
يله عاد مااوصيكم""
ومشكورين