كيف تقضين وقتك في البيت

ايوالله اختي صادقه ماعندنا تنظيم وقت انا انظم وقتي بس بايام المدارس وغيره لا كل شي ملخبط ويضيق صدري والحوسه تجتمع علي والحين لي يومين طفشانه وماطلعت اقول بنفسي شلون اطلع
صحيح ان المطبخ انظفه اول باول والحمامات تكرمين عشان ريحة البيت تصدر من زبالة المطبخ ومواعين الاكل اللي ماانغسلت ومن ريحة الحمامات لابد تظهر سواء مستخدم او لا
انا اهتم من هالنواحي
وغرفتي كل صباح انظفها واعطرها ومكان الجلوس بصراحه كل وقت صلاة انظفه ولكن مثلا الكوي والله الحين لو تشوفين غرفة الكوي كلها ملابس منثوره ومقفلتها بالمفتاح كل يوم اقول اليوم اكوي واروح اغسل وارمي بالغرفه وعلى هالحال الى درجة ان اذا بغيت اطلع اروح اكوي بنفس الوقت
والدواليب مافيها ملابس وكل شوي زوجي وين فنايلي وين ووين واروح اكوي بلحظه واجيب
يمكن اني مااحب الكوي اه بس
وتمسيح اثاث البيت الاقي كسل وكل شي مغبر بالاسبوع مره امسح
وودي ارتب دواليب المطبخ من داخل وامسحهن بس كل يوم بكرى ودي ارتب دروج ودواليب غرفتي من داخل
انا من برى الله الله ومن جوى يعلم الله
ولو ابتكلم اكثر لصارت صفحات بس ان شاء الله البنات يفيدوننا

جبتيها عالجرح ....... آآآآآه ياقلبي من الكوي وما ادراك ما الكوي والله كل يوم اقول بكره وشوفيه مكوم لاني ما اطيق شي اسمه كوي ...
بالنسبه للغسيل اموت في الغسيل أحبه وتلاقيني اغسل واكوم ما اكوي << خ
والمطبخ لما اسوي الغداء على ما يستوي ابدأ انظفه واوقات اخلص منه والغداء ما جهز فتلاقيني اجلس عالتلفزيون شوي..
والكنيس والتمسيح هذا يوميا اصلي المغرب وسريع سريع اكنس وامسح وارتب لان بيتي ثلاث غرف ومدخل صغير وحمامين ومطبخ يعني مره صغير ..
بالنسبه لمجلس الرجال انظفه مره في الاسبوع مع حمامه ومغسلته واقفله والحمدلله يجلس نظيف بس..
اما الغرفتين اللي هي غرفة النوم وغرفة الجلسه اللي استقبل فيها حريم كمان هي اللي يوميا اكرف فيها وياليت اخلص ..
حتى خلاص الاسبوع الجاي دوام ابغى ابكي والله مو عارفه كيف راح اقدر اوفق لاني ادرس في الجامعه وما ودي الدراسه تبدى تهئ تهئ ...
لاني دايما وقت الدراسه تعالي شوفيني انواع الحوسه......