كيف حياتكم الزوجيه انتوا مثلي والا انا عايشه لحالي بهالدنيا

1. اعطيكم مثال ..


2. صار تتش زعلتوا شوي وبعدها تراضيتوا ومشت اموركم تمام

السلام عليكم ..
كيفكم يابنات طيبين ان شالله وسعيدين ومتهنين يارب ....
ابغى اسألكم يا بنات .. هل تخلو الحياة الزوجية من المشاكل ؟؟
هل من الطبيعي ان اول سنه زواج هي صعبه وتحتاج صبر من الطرفين ؟
ولا الدنيا غير كذا وانا فاهمتها غلط ؟
انا زوجي متعلم وفاهم وحبوب وطيب معي ويحبني ولكنه مايبي مشاكل ابدا !!
تبون تقولون اكيد من حقه والكل يطمح لحياة هانئه وسعيده !
بس اثنين من بيئات مختلفه ومتربين على مبادئ مختلفه واثنينهم منعلمين ومطلعين فجأه يعيشون مع بعض ويجمعهم سقف واحد الا بيصير صدامات ولو على اتفه الاشياء !

اعطيكم مثال ..

قاعده انتي وزوجك عالتلفزيون شوي الا قمزتي وجبتي كتاب مؤلفه طبعا اجنبي وقعدتي تقلبينه شوي وينط زوجك بيناقشك بموضوع هالكتاب انتي لك رايك وهو كمان ولا واحد قدر يقنع الثاني بتقولون اختلاف الاراء لا يفسد للود قضيه ولكن يقوم زوجك ويقول لك متى اخر مره مسكتي كتاب الله وقاعده تقراين لهالحثاله و هو ماقدر يقنعني لكن يحاول يخليني اتندم واني غلطانه و و و عالعموم هذا صار وانتي الان تحسين انك غلطتي وهو ارتقع ضغطه يبيك على رايه (مرتي ولازم تجي على هواي )

صار تتش زعلتوا شوي وبعدها تراضيتوا ومشت اموركم تمام

مر كم يوم جا زوجك معصب من الدوام ارسل لك تجيبين مقص الاظافر اللي انتي ناسيه وين حطيتيه اخر مره وتدورين وتدورين وبعد طول انتظار لقيتيه الا الرجال منتفخ ! كلمه منك كلمه منه تهاوشتوا ونام ... قام راضيتيه ومشت اموركم تمام
كم يوم الا انتي سهرانه مع بنتك وما نمتي الا الصباح وشغلتي منبه تقومين ولا قمتي صحيتي الا ابو الشباب قايم من حاله لصلاة الجمعه ومتغدي برا وجا العصر اكيد معصب لأن فوق هذا عنده دوام بالليل وماله خلق اعترتي ولا عذر لك قمتي تسوين لقمه واستقرت الامور ومشى دوامه اوكي ..
مليون الف مثل ومثل من حياتنا اليوميه ممكن يصير فيها لغط ..زعل ..سوء تفاهم.. بين الاثنين هل هذا معناه حياتكم تعيسه ومش مبسوطين ؟؟
انا يا اخواتي هذي حالتي معاه زوجي انسان يفكر واجد ويتعمق وحالته زفت لما يتضايق وكانها اخر الدنيا وانا راضيه كذا مااشوف فيها شي يعني دنيا الا نتعلم فيها الواحد ما انخلق عارف كل شي بس واالله ازعل واحس اني مو مسعدته ولما اصارحه يقول لا والله انا مبسوط واحبك وتحبيني والحمدلله بس خلونا نتهاوش خلاص يقفل مره !!
انتوا يا بنات بداية حياتكم الزوجيه على طول عرفتوا كل شي ولا غلطتوا او حصل منكم تقصير بحق ازواجكم ؟؟
زوجي مره محسسني اني دايم مقصره معاه ولا يغفر لي خطأ واي كلام ياخذه علي بمحمل الجد حتى لو قلته بلحظة غضب او امازحه !!
مثل اول ايام زواجنا كل ما تزاعلنا يقول لي انتي ملاك المفروض مايحصل منك كذا وانا اطمح لحياة مثاليه وكثرها علي !!
انا وحنا نتهاوش مره قلت له انا مو ملاك مو كل ماتبيه مني بتلقاه خلاص شيل عني هالثقل طبعا كانت كلمه وانا معصبه وهو قاعد يهاوشني بس مره ماسكها علي !!
صار لنا سنه ونص وهو للان يكررها لي مع انو والله حق اني صرت احاول اصير على هواه وكثير حتى لو على نفسي وابديه على حالي دايم بس هو مايشوف ولا يقدر لي هالشي حتى احيانا اشياء يسويها غلط ما ااصححه اخاف تنجرح كرامته واداري عليه من الهوا وربي !!
وبس يتشكى من هالجيل اللي ماهمه الا التفاهات ومايعرف مسؤوليات وحريم اول احسن ولا يشتكون ولا يطلبون ويتحملون ويعرفون للزواج و و و !!
انا زوجي يبي المستحيل يبي وحده هو راسمها ومفصلها وعلى موده وانا تعبت الصراحه حاولت كثير ولازلت احاول كيف اغير تفكيره كيف افهمه كيف اتعامل معه مو عارفه وبعدين مافيه شي مثالي بهالدنيا ولا كامل الا وجهه سبحانه ..
وش رايكم يا حلوات انتوا معي ولا ضد ما اقول ؟
وكيف اول سنين زواجك اذا انتي مخضرمه وكيف حالك الحين اذا جديده ؟؟
فضفضولي وساعدوني
\\..
المايك لكم