كيكة الباونتي من مطبخي

السلام عليكم ورحمة الله وبركاته
لكل عشااق الباونتي ..جبتلكم معي أحلى كيكة ولأول مرة بعملها .....
كيكة الباونتي ....
الطريقة بالتفصيل الممل :
الطبقة الأولى (الكيكة):
3 بيضات
معلقتين صغار فانيلا
تلت ارباع كوب زيت نباتي
تلتين كوب حليب سائل
كوب سكر
رشة ملح
ربع معلقة صغيرة بايكربونات الصودا
معلقة صغيرة باكنج باودر
ربع كوب كاكاو بودرة
كوبين الا ربع طحين
اخلطيهم متل أي كيكة واخبزيها بالفرن بصينية مستطيلة مدهونة زيت ومرشوش عليها طحين لمدة 40 او 45 دقيقة على درجة 180 ولما تبرد حطيها على صينية
الطبقة التانية:
كوبين جوز هند
كوب ونص حليب سائل
نص كوب سكر
5غم زبدة
5 معالق كبيرة سميد
اطبخيهم سوا على النار حتى تتماسك وتصبح جامدة شوي واسكبيها وهي ساخنة بالمعلقة فوق الكيكة
الطبقة التالتة:
كوب ونص حليب سائل
2 ملعقة كبيرة كاكاو بودرة
معلقة ونص كبار نشا اخلطيهم مع الحليب وهو بارد
5غم شوكولاتة محلاة
اطبخيهم على النار حتى تجمد واسكبيها وهي ساخنة فوق الطبقة التانية بس بالمعلقة وشوي وشوي
اتركي الكيكة بالتلاجة ليلة كاملة لحتى تتماسك الطبقات
سهلة كتير وزاكية ...بتمنى تعجبكم
جربوها وادعولي الله ينولني الي ببالي