كيكة الربيع بعجينة الفوندان من ايديني وبالصور

ما شا الله….. لاقوة الاباالله
سهله وماتبي فن ولاجهد سوي الكيكة وهذي
المقادير
2 كاس طحين
1 كاس سكر
نص كاس زيت
ملعقة متوسطه فانيليا
ملعقة أكل بيكنغ باودر
ربع كاس ماي
4 بيضات
الطريقة
طبعا نخلط الزيت والسكر
نضيف البيض وحدة وحدة مع الأستمرار بالخفق
نضيف الفانيليا وبعدها الطحين والبيكنغ باودر المنخول
نصب العجينه بصينيه مدهونه
وندخلها الفرن لين تستوي
وبس في ابسط من جذي؟؟؟
جينا لتلبيسة الكيكه
طبعا فوندان وطريقته معروفه
يعني دهني قالب زجاج بزبدة اوسمنه
وحطي فيه المارميشلوالأبيض يعني كيس
واحد يكفي ويزيددخليه الميكريويف
لثواني راح تشوفينه انتفش
طلعيه وحركيه بالملعقه
يكون انتي محضرة السكر البودرة على الطاوله حطي المارميشلو على السكر
وأبتدي بالعجن
وكل مااحتاجت للسكر زيديها
عشان تتماسك عندج لاتنسين تدهنين يدج بالسمنه عشان ماتلزق فيها وتعذبج
المهم قسميها وابتدي لونيها بالألوان اللي تحبين بملون الطعام
دهني الكيكة بأي كريمة تحبينها وبعدين
رقي العجينة البيضاء ولبسيها الكيكة
وباقي الألوان استعملي القطاعات الشكل اللي تحبينه انا أستعملت أشكال الورد
وهذي شكل القطاعات اللي عندي
وزينتها بالورودالملونه من الفوندان
وهذي الشكل النهائي
وسلامتكم
وعوافي على قلوبكم