كيكة الزبادي الهشو واللذيذة من مطبخي بالصور

1. سمسم <<< حسب الرغبه ( ما حطيته )


2. الطريقة :

السلام عليكم ورحمة الله وبركاتة
الطريقة أخذتها للأخت أنفاس الإيمان جزاها الرحمن خير الجزاء وعدلت بها تعديل بسيط في عدد البيض ( قللت ) وأضفت طبقة من التوفي فوقها
ويالله كيف لذيذة والله
الطعم عجيب وطعم الزبادي مش مبين أبداً !!
شو رأيكم بالأول تشوفونها قبل لا أكتب الطريقة
هنا من جنب حتى تشوفون كيف نفشت عندي
وهنا الوجه ( زينته بالتوفي والجوز المبشور )
وهنا قصيت منها قطعة وشوفوها كيف مبينة هشة وطرية من الداخل ومنفوخة
وهذي قطعة منها ( ما خليت زاوية إلا وصورتها ههه )
والآآآآآآآآآن هاتوا أقلامكم نكتب الطريقة
الطريقة بعد التعديل مني عليها
المقادير :
4 بيضات
ثلاثه أرباع كأس زيت
1 علبه زبادي
1 كأس ونص سكر مطحون
ذره فانيلا
2 كأس دقيق
2 ملعقه صغيره بيكنج بودر

سمسم <<< حسب الرغبه ( ما حطيته )

الطريقة :

في وعاء خلاط الكيك الكهربائي نضع البيض + الفانيليا + السكر ونخفق ثم نضيف عليه علبه الزبادي ونخفق ثم الزيت ونخفق ثم بالتدريج نضيف الدقيق مخلوط معه البيكنج بودر حتي تنتهي الكميه ( أنا صبيت الخليط السابق على الطحين وخفقت بالخفاق اليدوي )
نصب الخليط في صينيه مدهونه بقليل من الزيت رشي وجه الصينيه بالسمسم ( أنا ما رشيت )
ثم ندخلها الفرن في درجه حراره متوسطة او اقل بقليل ويكون الرف او الصاج في الوسط
( أنا حطيتها في فرن حرارته 160 مدة نصف ساعة )
تجلس نصف ساعه بالقليل قبل ها المده لاتفتحين عليها الفرن ابدا وهذا أهم شي والا بتخرب عليك وما تنفش
بعد هالمده تاكدي من انها نضجت اغرسي عود سنان او سكين اذا طلع نظيف
حمريها من فوق ثم طلعيها وخليها تبرد
والكيكه هذي كل ما جلست في الثلاجه اكثر كل ما كانت احلى
وفعلا خليتها بالثلاجة 3 ساعات وبعدين أكلناها
ويا الله ما أحلاها
والآن إلى المطبخ سر وجربوها
منقول