كيكه السور الخشبي الكاكاوي

السلام عليكم ورحمة الله وبركاته
الله يسلمكم هالكيكه انا جربتها شفتها بموقع وسويتها بيوم تقديمي في مركز العمل التطوعي فعاد اللي حضر وكلاها يقولي رايه لانه ما بقى ما شاء الله شي حقي
والطريقه حيل سهله كشخوا فيها برمضان وادعوا حق صاحبه الفكره ( سمسميه ) ولي
المقادير:
ماعون التشيز كيك المتحرك اصغر واحد
0حبة كتكات بوصبعين
1 ارو
قليل من الزبده لتسييح الارو
كيكة سارالي فانيليا
2 قيمر كي دي دي
ظرف كريم كراميل
ظرف دريم ويب
6 حبات جبن كيري
التزين :
مالتيزرز
فليك
الطريقه:
تصف اعواد الكتكات على حواف اناء الشيز كيك
بعدين يصف الكيك في قاعدة الماعون
بعدين يسيح واحد ارو مع قليل من الزبده وتدهن فيه طبقة الكيك
توضع طبقه ثانيه من الكيك
يتم عمل الخلطه بالخلاط 2 قيمر+ 1 دريم ويب + 1 كريم كراميل+ 6 جبن كيري
تصبون الخلطه فوق الكيك
واخر شي يزين بالفليك والمالتيزر
يوضع يالثلاجه ليله كامله قبل التقديم
وهذي صورة الكيكه بعد ما طلعت من الثلاجه