كيك محشي بالبسكويت لايفووتكم بالصور

مراحب
دائما انزل مواضيع للغدا والعشا
هالمرة غير
حلى غير شكل
شوفوا معاي المقادير
ربع كاسه سكر
نص كاسه زيت
كاستين دقيق ابيض افضل دقيق الكويت
علبة بسكويت شاي حلو مو مالح اي نوع
اصبع زبدة
3 بيضات
ملعقة بيكنج بودر ملعقه نسكافيه ملعقه قرفة ناعمه
باكيت كريم كراميل اللي لون الكيس اخضر
نص كاسه سكر بني
6 جبن كيري حبات مو كراتين هع
نص علبه حليب مركز وعلى فكرة يابنات علبة الحليب المركز نستله تكلف 6 ريال للواحده
فيه نوع حليب مركز لون نفس الطعم بالضبط ب 3 ريال !!!
كاس لبن شرب وان لم يتوفر ممكن لبن زبادي مخفف بالماء يفي بالغرض
تعالوا نشوف الطريقه
نكسر البسكويت في زبدية ونذيب اصباع الزبدة ونصبه عليه
ونحط كيس الكريم كراميل والسكر البني والقرفة والنسكافيه
في الخلاط نخلط التالي
البيض مع السكر لمده خمس دقايق يكون رغوة
ثم نضيف الزيت
ثم نضيف كاس لبن
ونترك الخليط بالخلاط لمدة دقيقتين
نصبه على الدقيق والبيكنج باودر والفانيليا
نخلط المكونات مع بعض بالمضرب اليدوي
نقسم الخليط لقسمين
القسم الاول نصبه طبقة اولى في صينيه بايركس
الطبقه الثانية طبقة البسكويت
الطبقة الثالثه هي النصف الثاني من الخليط المتبقي
ندخلها الفرن على حرارة 350 درجة مئوية
لمده تقريبا نص ساعه او الى ان يحمر الوجه قليلا مو تحرقين امها وتقولين محمر لا بس شوي
لما نطلعها من الفرن
نكون حضرنا خليط عبارة عن
ست حبات كيري + نصف علبة حليب مركز نخلطهم بالخلاط
ونصبهم فوق الكيك قبل مايبرد عشان يمتصه
وهذا هو الشكل النهائي
ممكن تزينينها بشوكولاته هيرشي السائله بس ماكان متوفر عندي
يارب تكون الكيكه عجبتكم وتحضيرها سهل مو صعب
وطعمها لذيذ لانها طريه جدا
وتقدرين تقطعينها صغار وترصينها بصينيه تقديم يطلع شكلها فخم
استناكم