لأحذية تلق تجاربي الشخصية الله يكرمكم

1. وأكيد يهمك ويهم كل سيدة أنيقة و كلنا نعرف إن الأحذية إما ..


2. 1. رياضية ..

الله يكرم كل حلوة مرت على موضوعي ..
كيفكم أخواتي ؟؟ مع إني مو دايما ألقى تجاوب بس عادي أجري مكتوب عندالله ..
اليوم درسنا عن تلميع الأحذية >>>> الأخت معلمة !!
الأحذية ونظافتها موضوع جدا يهمني ..

وأكيد يهمك ويهم كل سيدة أنيقة و كلنا نعرف إن الأحذية إما ..

1. رياضية ..

وأسهل من تنظيفها مافي أنا عن نفسي أحط كل الجزم الرياضية الوسخة في الغسالة بعد ما أغسل ملابس زوجي البيضا ( يعني بنفس مويتها وصابونها وكلوركسها ) وألفّ الغسالة نص لفة (طبعا أنا غسالتي عادية مو اتوماتيك يعني ما أعرف كيف الاتوماتيكية ينفع ولا لأ )
وأخرجها بعد تقريبا 10 دقايق وأحطها في النشافة ( ممكن ماتستخدمي هذي الخطوة لو عندك مكان مشمس ) تحطيها ساعة في شمس الظهر بعدين أخليها تنشف في غرفة الغسيل ..
بعضكم يمكن يستغرب بس هذي الطريقة أنا أسويها بنفسي كل أسبوعين .. جربوها ولن تندموا إن شاء الله .. خصوصا جزم الأولاد المدرسية (الله يهديهم )
بس اللي مشترية الجزم من أبو 10 لا تتعبي نفسك أرميها واختصري الوقت .. لأنها طبعا بتتقطّع
لأ أمزح جربي معها الطريقة التالية ..
2. رسمية أو جلد فاتحة ..
وهذي تنظفيها بقطنة مع إضافة القليل من مزيل المكياج (أنا أستعمل نيتروجينا لونه أزرق على موف وغطاه رمادي متوفر في الصيدليات والسوبر ماركت )
3. رسمية أو جلد بس غامق ..
خذي قطنة وحطي فيها زيت أطفال شي بسيط لا تكثري وامسحيها بعد ما تزيلي الغبار منها وشوفي كيف تصير لمعتها كأنها جديدة ..
يارب تستفيدوا من موضوعي ولو استفدتوا ادعوا لي أجيب بنت كاملة الخلق والأخلاق ..
أشوفكم على خير ..