لاوصيك على زوجك واهل زوجك ونفسك

1. (( مثل الذي يذكر ربه والذي لا يذكره مثل الحي والميت ))


2. زوج ك

عطر الله يومكم بالسعاده والسرور
//
لاوصيك/
على
علاقتك بالله
علاقة بالله هي من تحدد مدى سعادتك الزوجيه ان اطعتي الله انتي وزوجك لقيتي مايسرك
وان اعنتي زوجك ع الطاعات وذكرتيه باداء الواجبات كان الله في عونك
لاتنسين علاقتك بالله فهي جسر بينك وبين ربك
لاتنسين الصلوات ع وقتها والاذكار
كم من زوجه تشتكي من المشاكل والهموم وان فتشت بين نفسها لقت انها مقصره بحق الله
دائم رطبي لسانك ولسان زوجك واولادك بالاستغفار والاذكار وقراءة القران
عوديهم ع هالشي
وانتي حتى باشغالك استغفري وسبحي
لاتهملين الدين في حياتك اجعليه ركيزه من ركائز حياتك الزوجيه
اعرف متزوجات بيوتهن خاليه من القران
القران حصن لك ولنفسك
اقرئيه باليوم ع الاقل مره اومرتين
حطي القران بغرفة النوم او في الصاله او اي مكان لاتهملين وجوده بحياتك
حثي زوجك واطفالك ع قراته
اعرفي الله في الرخاء يعرفك بالشده
اجعلي بيتك عامر بطاعة الله وذكره
دائم ذكري زوجك باذكار الصباح والمساء
اقري الاذكار بالبيت وحصني بيتك كل صبح ومغرب

(( مثل الذي يذكر ربه والذي لا يذكره مثل الحي والميت ))

زوج ك

بين الرسول صلى الله عليه وسلم فضل طاعة الزوج أحسن بيان، وورد في ذلك من الأدلة ما لا يُحصى، فقد روى الترمذي في سننه عن أبي أمامة رضي الله عنه قال: قال رسول الله صلى الله عليه وسلم: ثلاثة لا تجاوز صلاتهم آذانهم، العبد الآبق حتى يرجع، وامرأة باتت وزوجها عليها ساخط، وإمام قوم وهم له كارهون. وحسنه الألباني .
وروى الترمذي أيضاً عن طلق بن علي قال، قال رسول الله صلى الله عليه وسلم: إذا الرجل دعا زوجته لحاجته فلتأته، وإن كانت على التنور. وصححه الألباني .
وروى الترمذي عن معاذ بن جبل عن النبي صلى الله عليه وسلم قال: لا تؤذي امرأة زوجها في الدنيا، إلا قالت زوجته من الحور العين: لا تؤذيه قاتلك الله، فإنما هو عندك دخيل، يوشك أن يفارقك إلينا. وصححه الألباني، ورواه أحمد وابن ماجه والحاكم الطبراني وغيرهم .
وروى أحمد عن الحصين بن محصن أن عمة له أتت النبي صلى الله عليه وسلم في حاجة ففرغت من حاجتها، فقال لها النبي صلى الله عليه وسلم: أذات زوج أنت؟ قالت: نعم، قال: كيف أنت له؟ قالت: ما آلوه إلا ما عجزت عنه، قال: فانظري أين أنت منه، فإنما هو جنتك ونارك. قال الشيخ شعيب الأرناؤوط إسناده محتمل للتحسين، وصححه الألباني في السلسلة الصحيحة 6/220
ولو تتبعنا الأحاديث الواردة في ذلك، لعجزنا عن حصرها في هذا المقام
من المعروف إذا انتقلت البنت إلى عصمة زوجها صار زوجها أملك لها من أبويها، فكانت طاعتها له أقوى وأولى.
قومي باداء واجباتك الزوجيه اتجاه زوجك ع اكمل وجه
اطيعي زوجك الا في معصية الله
وفري له سبل الراحه والسعاده
هو تزوجك واختارك من بين كل البنات
يبي يلمس فيك الام الحنونه
والاخت المطيعه
والصديق المقرب
كوني له كل شي وابحثي عن مواطن سعادته
اجعليه يحس بان الزواج موده ورحمه
استشعري قوله تعالى
وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ...
اشيعي جو الموده والرحمه
كوني له سكن وملجا باخلاقك واطباعك وحسن تعاملك
اكسبي زوجك باخلاقك تكسبينه بجمالك حتى لو مكنتي جميله اخلاقك تجعلك امامه كالحور العين
ماسالتي نفسك وانتي تشوفين زوجه احرمها الله الجمال وقلتي وش لاقي فيها زوجها
كم من زوجها احرمها الله الجمال لاكن كسبت زوجها باخلاقها
احسني لزوجك باخلاقك وتعاملك
كوني لطيفه معه وحنونه ولينه
مازحي زوجك وداعبيه
اضحكي وسوالفي معه
شاركيه بهمومه وافراحه
كوني عون له في كل شي
التمسي العذر له ان اخطائتي
بادري دائم بالتسامح والصفح
دلليه ودلعيه
بكلامك وتصرفاتك
الرجل اشبه بالطفل محتاج لرعايه وحنان اشعريه بالحب والعطف كوني لينه بتعاملك معه عوديه ع لمساتك وبوساتك وضماتك
اجعليه طفلك الوحيد
اهتمي فيه حسسيه بوجودك معه
حسسيه برجولته وكيانه الرجل ينسبط عندما يحسسه احد بوجوده ورجولته
اطربي اذانه بعبارات المدح والشكر
كوني قريبه منه في احزانه وافراحه
لطفي الجو عندما تحسينه انه متضايق او تعبان بنكته او موقف مضحك او كلام حلو يريح حاله
ساعديه بامور حياته حتى لو رفض خليه يتعود ويحس بوجودك
ويصير مايستغني عنك00
بعض الزوجات من تبعث في نفس زوجها الفرح حتى لو كان متضايق
تستقبله احلى استقبال والابتسامه تزين وجهها
ومنظرها وشكلها بقمة الاناقة والجمال وتثير جو المرح والضحك بزوايا بيتها
تجعل من ينظر لها يحس بالارتياح والسعاده
انتي ابعثي هالشعور فيك ولاتبخلين ع زوجك بشي
الاكل دائما يقولون اقرب طريق لقلب الرجل معدته
احرصي ع طبخ الاطباق الي يحبها تفنني بتقديمها وطبخها
نوعي بطبخك وفاجئيه باطباق جديده
لبسه وكشخته احرصي عليها
دائم احرصي ان تكون ملابسه نظيفه اعملي ع غسيلها وكويها وتعطيرها
وعوديه ان يلبس من يدينك
تعكس بداخله اشياء حلوه
حثيه ع النظافه ولبس الملابس النظيفه والحلوه
اشوف ازواج من تشوفين لبسه ومظهره تقولين ماوراه زوجه في قمة البهذله والوساخه
انتي تقدرين تخلين زوجك انيق بعيونك وعيون الناس
حثي زوجك ع استخدام العطور ومزيلات العرق ولبس كل ماهو نظيف
زوجك جنتك ونارك
اختاري طريقك للجنه او النار بتعاملك لزوجك
زوجك يشتغل ويتعب لاجل يامن لك بيتك ومصاريفك ومصاريف اولادك
ولما يجي تعبان
كيف يكون استقبالك له؟؟؟؟
مايبي منك الا كلمه حلوه تريحه من عناء التعب واكل جاهز يطفي به لهيب جوعه
وزوجه تسره اذا نظر فيها وتهيي له جو الراحه والخلود
استقبلي زوجك باحسن صوره الصوره الي تحبين يشوفونك فيها ضيوفك لاستقبالهم خلي زوجك يشوفك فيها لاستقباله
ليش تبخلين عليه
وش ناقصه عنهم بالعكس هو فيه زود ماهو فيهم
بس حنا دائم نجحد النعم ونتهمهم بالتقصير او انهم مايستاهلون هالشي
انتي من طريقة تعاملك له تكسبينه
ان حفظتي زوجك حفظك
وان احسنتي له احسن لك
وان اساتي له اساء لك
كوني له كمايريد يكون لك كل شي
التمسي مواطن الجوع بداخله ولاتخلينه يشعر بالجوع
قدمي له انواع الاكلات والمشروبات
حتى لو شي بسيط يطفي بها جوعه
حسسيه بالحنان والعطف
من كلامك ولمساتك وتصرفاتك له
اهل زوجك
امه ثم امه ثم امه لان الام دائم القريبه للقلب ان كسبتي امه كسبتي زوجك
لانها بمثابة الجسر بينك وبينه
الرجل دائم يسمع للام اكثر امه تقدر تغيره عليك وتقدر تحببه فيك
امه عامليها مثل ماتعاملين امه لاتبخلين عليه بحسن الخلق
تطمني عليها وسولفي معها حاولي تكونين قريبه من قلبها
اكسبيها بكل الطرق
قومي بزيارتها من فتره لفتره اهدي له من فترات
بيني لها مكانتها عندك انك بمثابة امي ومن هالكلام
وبيني لزوجك انها غاليه عندك
اجعلي امه مثل امك
لاتقولين مابقى الاهي او بسم الله على امي
هالكلام ماراح ينفعك
ادري مافيه مثل امك بس لاتنسين انتي اخذتيه من امه والام مايقطع قلبها الاولدها
زوجك ان شافك تعاملين امه بكل مايسره وامه راضيه عنك ودائم تمدح فيك هنيئالك
لان سبحان الله يمكن تمر بينكم مواقف ويلجى لامه امه ان شافتك زينه معها ابشري بالسعاده راح تلين ولدها عليك
وان شافتك سيئه معه الا ابعدته عنك
وكله من معاملتك لامه واخواته
بعض الاخوات تكون بمكانته امه تلقينه يستشيرها بكل شي وهي الاقدر بتصرفه
الموهم خليك
انسانه طيبه وحبوبه وخلوقه مع امه وخواته وكل اهله
قومي باداء الواجب لهم على اكمل وجه
اسئلي عن اهله وتطمني عليه وزوريهم
اذا كنتي ساكنه معهم لاتخلينهم يشوفون منك الا كل جميل
ولايسمعون منك الا كل حلو
حتى لو واجهتي صعوبات في تعاملهم وشفتي اشياء ماتعجبك اصبري
وتحملي ماتدرين بصبرك وتحملك تكسبينهم كلهم من اصغرهم الى اكبرهم
تاكدي لابد الحق يظهر دامك تعاملينهم صح وتشوفين قصور منهم بيجي اليوم الي يعترفون لك مافيه شي يدوم ع حاله كل شي يتغير
انتي
الي عليك اتجاه اهله
=عامليهم باخلاق ولطف وطيب
=اذا كنتي ساكنه معهم اكيد عليك واجبات ومستلزمات قومي بها في احسن وجهه
من طبخ وكنس وغسل...الخ
=اصبري واتحملي
=قابليهم بطلاقه ورحابه
=امه لاتبخلين عليها شي من حسن تعامل وتصرفات
عمه اصلح لك كذا,عمه تبين كذا,عمه تروحين معي لفلانه.عمي وش تبيني اجيب لك من السوق,عمه انا مصلحه اكله لازم تذوقينها,
=خواته خليك معهم عسوله وطيبه
اكسبي اهله باخلاقك وحسن تعاملك
نفسك
مايحتاج اوصيك يالغاليه ع نفسك انتي ادرى بها مني
شوفي مظاهر التقصير فيك وكمليها
اهتمي بمظهرك اجعلي زوجك يشوفك دائم بااحسن صوره واحلى كشخه واحلى لبس
لاتجلسين ع لوك واحد غيري من شكلك وصبغات شعرك
لاتخلينه يمل من مظهرك بسبب اهمالك
فاجئيه بلوك وشعر ولبس ومكياج
كوني له كل يوم امراءه اخرى من اهتمامك بشكلك وجسمك
اهتمي بجسمك ورطبيه وزعي البودرات ع جسمك وانثري الامعات
جددي من منظرك لو بشي بسيط
اهتمي باطفالك ونظفيهم واجعليهم دائم باحسن صوره واحلى رائحه
بيتك عطريه ونظفيه
اطردي الملل من حياتك الزوجيه بحفلة او جلسة رومانسيه
غضي بصره عن الحرام بمظهرك الجميل ولبسك الفتان وجسمك الناعم ورائحك الزكيه
البسي له وتكشخي وكوني دائم باجمل صوره
كوني له تلك الفنانه الي شاهده بالتلفزيون او البنت الي راها بالسوق
تجملي واحسني من مظهرك وتصيرين احلا منهم مليون مره
جملي نفسك باخلاقك وتعاملك الطيب
احفظي فرجه بتعاملك معه بالفراش وتهيئة له مايريد واحرصي ع تنظيف المنطقه وتعطيرها وتعطير جسمك وتوزيع المرطب ع جسمك
ابحثي عن اشياء تضيق اذا كنتي تحسين بوسع في المنطقه فالزوج لايحب المنطقه الوسيعه
وسائل التضييق كثيره
ابحثي عن وسائل الاغراء وجذب الزوج في الفراش واعملي بها لاتكونين بارده في الفراش فالزوج لايحب ذلك
املكي مشاعر زوجك بحسن تعاملك وبمظهرك الجميل وبتصرفاتك المنمقه
حافظي ع ميزانية بيتك فالزوج لايحب المسرفه
اطلبي ماتحتاجينه وليس ماهو فوق حاجتك
اهتمي بالاولاد ونظفيهم وعوديهم ع حسن الخلق وحثيهم ع الطاعات
ولدك تريبتك ان احسنتيها هنيئالك
عودي اولادك ع استقبال ابوهم وطاعة ابوهم
شووفي الصفه الي يكرهها زوجك فيك وابتعدي عنها
نمي بداخلك كل مايحبه فيك واظهريه له
لاتكونين ملوله بعين زوجك
من ناحية اهتمامك بنفسك ومن ناحية طبخك ومن ناحية بيتك ومن ناحية تعاملك
دائم جددي من مظهرك ونوعي بطبخك وغيري من ترتيب بيتك
عندك مشاكل بالبشره والجسم عالجيها لاتخلينها سبب لنفور زوجك منك
لاتحرمين زوجك من كشختك وجمالك واخلاقك
بعض الزوجات ماتلبس ولاتكشخ حتى اخلاقها دائم واصله معها
واذا طلعت لناس اكشخت بااحلى لبس وتزينت وضحك وسوالف مع الناس
طيب زوجك وش ذنبه تحرمينه هالشي وهو احق به من غيره
الناس ماراح ينفعونك زوجك هو الي بينفعك
اجعلي نظافتك وجسمك ونعومتك طريق الوصول الى قلب زوجك
بعضهم يتكاسلان امام اهتمامهم بانفسهم والله عجزانه لاتسبح والبس
او عذرها ولدي
ماتوقع ان هالشي بيكلف كثير وبياخذك كل الوقت كلها نصف ساعه تضبطين نفسك فيها
ليش مستخسرتها ع نفسك
وبعضهم اجسامهم خيال وجمالهم شي وماتهتم تلقينها مغطيه جمالها بقلة اهتمامها
لا ياعمري اظهري جمالك باهتمامك
وتزيني والبسي وابتسمي بوجه زوجك واضحكي له ومازحيه وسولفي عليه هنيئالك
بقلم : بنت العتيبي