لايفوتكم معمول لرائحة الفم عطري انفاسك

أهلين بنات هذا الموضوع ناقلته للافاده وارجو الدعاء لصاحبته
دوسريه كول جزاها الله خير
السلام عليكم ورحمة الله وبركاته
(( دخون سري جدا ))
هذي طريقه لدخون الفم دخون دوسري درجه اولى بس يتاكل مايتبخر به
وهذي الطريقه انا شاطره مره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر
الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان
وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه
هذي الطريقه
تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله
وطبعا تنفع للكل .. ومكوناتها لها فوائد عظيمه
نبدا بالمكونات بالصور
1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي ...او عادي
:::::::::::
تخلط جميع ماذكر بزبديه .. حتى تتجانس
وتحرك حتى تكوني قادره ع تكويرها اذا كانت العسل قليل باإمكانك وضع ملعقه عليه
وتكورينها بايدك مثل المعمول وتكون صغيره كثير.. وكل يوم خذي حبه
شوفي كيف انفاسك بتصير
دخون
حتى عرقك بيصير
دخون
:::::::::::::::::::::::::::::: ::::
اتمنى تعجبكم .. وتدعون لي بالخير