لا بقيت تروح روح

لابغيت تروح روح ولاتزايد في عنادك
حجتك هذي قديمه عارف وش هو سندها
لاتحملني خطاك ولا تفهمني مرادك
انتهت قصة هوانا وانطوت صفحة عددها
كل مافيني نسى حبك ولايبغى ودادك
حتى ذكر اسمك يعل الروح ويسمم جسدها
وإنت لي ذا ألحين تحسبني أحبك في اعتقادك
مادريت إني داويت جفون عيني من رمدها
تحسب إني لعبه بيديك يوم القلب رادك
تامر وتنهى على كيفك وحالي في نكدها
لا ورب البيت لبيعك ويعلن عن جهادك
والبيوت اللي بنت لأجلك نبي نهدم عمدها
منت كفو إني أحبك والغلا ماظن فادك
ازرع بذور الغلا لك مير غيري هو حصدها
روح للي حبته عينك وقلبك فيك قادك
يمكن عيونك ليا شفته تزايد في سعدها
وإلا أنا عزمت أهاجر قلعتك وادفن رمادك
وارحل لدنيا السعاده واحتسي صافي شهدها
مستحيل أرجع بعد ماذقت سمك وسط زادك
وإن رجعت اليوم قول أمي ترى ماني ولدها
ولو تحب الكوع من شاني وترهن لي فؤادك
إنت لي مثل الجنازه حولت داخل لحدها.
انشالله يعجبكم