لا تحجزوا في قاعة الشرق الأوسط اللي في جدة

الى كل مين ينوي للحجز في قاعة الشرق الأوسط لزواج او شبكه انصحو نصيحه لوجه الله انو يصرف النظر عنها
والله يابنات انو عملت شبكتي في الشرق الاوسط اللي في جدة الطريق النازل على مكه والله كانت خدماتهم سيئه لأبعد حدي .
لا تغرك القاعه وديكورها الفخم وعرضهم المميز لأني ان انغريت في طريقة الزفة ونزلة العروسة والعريس بس والله لو ادري انهم كدا ماكان حجزت عندهم وخسرت 50000 ريال فيها
اقلكم بإختصار طبعا اتفقنا معاهم على عشاء150 شخص وقالولنا انو يكفي 20 متر ووالله يابنات ياتفشلنا مع الناس الأكل كلو كان تقريبا عشره متر ومن كل نوع من السلطات واحد صحن والله شي يفشل
ومرت اخويا تقوول شافت الخادمات العاملات عالقاعه هما اللي بيشيلو الاكل تخيلو ياناس بعد ماانتهى كل شي جيت ابغ انقنق انا وخطيبي والله بيبسي واحد مافي ونص الناس مااكلو
لا وانا رايحه من البوفيه عالغرفه الاقي صرصار خارج من ناحيه مايغسلو الصحون والله ماشفتو الصريخ والجري اللي عملته من القرف ده
وغير كده الصحون اللي عالطالاولات طبعا اهلي كانو مشغولين مع الناس وبعد ماودعو الناس جو يبغو يلملمو الصحون اللي عالطاولات لاقو 15 صحن من اصلل 50 صحن
ففي النهايه ماحب اطول عليكم غير انو تجربه سيئه كانت في قاعة الشرق الأوسط العاملات حراميه الله لا يباركلهم
بالإضافه الى المطعم الدولفين اللي متفقين معاه كان جدا سيئ رغم انو ماخدين الدرجه الأولى
ولوجه الله يابنات القاعه حلو ديكوراتها وتجنن لكن للأسف البوفيه سيئ جدا والعاملات حراميه .