لا تفوتكم تجربتي مع غسالة الصحون

مرحبا فراشات هذا اول موضوع لي واتمنى لكم الفائده
الحمد لله بعد تجربتي لغسالة الصحون ارتحت كثير وصار مطبخي نظيف على طول ولا فيه صحون ولا كاسات على المجلى ؟؟ ولا تكسير ولا جفاف ايدين
نوعها ويربول
وتحتالج لصابون خاص وملمع وملح طبعا الصابون على كل غسله واما الملمع والملح اذا اضاء النور الخاص به وانا استخدم فانش
انا لي شهرين شاريتها وما حطيت ملمع غير مرتين والملح مره وانا تقريبا شبه يومي اشغلها واحيانا ثلاث مرات باليوم اذا كان عندي ضيوف
وانا اغسل فيها كل شي بيالات فيها لمعات فضيه وكمان الدلال والاباريق الفضيه والملاعق والكاسات والصحون وملاعق الخشب يعني كل شي استخدمه بالمطبخ..
والقدور استيل او تيفال بس وبعد البايركس
وبعد رف البراده وعلب البهارات والقهوه
ولها درجات للاواني العاديه استخدم برنامج نص ساعه اما اللي فيها بقايا طعام لاصقه او دهون شديده استخدم درجة 50 تقريبا ساعتين وشوي
وتنظيفها ممتاز انا بس اشيل بقايا الطعام وادخلها وتقدرين تجمعين فيها طول اليوم وباخر اليوم تشغلينها بس شغلي البرنامج الاول ربع ساعه بدون صابون عشان ماتنشف كثير ومايجي لها ريحه بالغساله
مدري وش كنت بسوي برمضان بدونهاا الحمد لله ماراحت خساره..
حتى زوجي مبسوط منها
حبيت افيدكم بعد التجربه
واي سؤال انا حاضره ؟؟؟