لحظ وداع ه اولى مشاركاتي رايكم مهم

~~**الفصل الثاني**~~
::من الجزء الاول::
4بنات يتراكضون عالدري يزوي الي شعرها مفتوح كان يتسابق وياها من فيهم يوصل اول .. اما مريوم فكانت تركض بسرعة لين طاحت طقعو له البنات يبون يلحقون بامهم
اليازي وايد خوافه فكانت تركض عالدري ودموعها على خدها
ومريوم كانت الافكار توديها وواتيبها
دشوا بسرعة الدار
اليازي علىطول رمت نفسها على جانب السرير وهي تصيح وماسكة ويهه امها
اما مريوم فتصنمت عند الباب من جافت امها
امون كانت تصيح بقوه لان امون وايد متعلقه بامها .. اما فطوم الصغيرة فكانت تجوف البنات كل علامات الدهشه فويههم والدموع تارسه عيونهم اهي بعد خافت على امها
اليازي: يمه يمه شفيج؟؟؟ يمه (كانت دموعها تتساقط على خدها وتتساقط على ويه امها) .. يمة والي يسلمج اذا تحبين ربج .. ردي علي .. ماما ردي علي ماما (وتمت تصيح من قلب .. كانت وايد خايفه على امها ) مريوم اتصلي لابوي
مريوم لازالت تحت تأثير الصدمة واقفه مكانها متجمده
صرخت عليها اليازي بكل هلع وخوف على امها : اتصلي فيه .. اتصلي ..
مريوم توها تستوعب الوضع .. قربت من امها وهي تقول : يمة ردي علينا .. يمة ردي ارجوج .. لو لنا معزة بقلبج .. دمعة ساخنه تجارت من عيونها
اليازي تقوم حتى يجوفون امهم شفيها .. ركضت للصاله وشعرها يتطاي مع ركضها وصلت للتيلفون بدون ماتناظر الارقام عدل بسبه الدموع الي تارسه عيونها .. لكن شلون وهي رقم ابوها عارفته قبل .. اضربته بسرعة .. وهي تنتظر الاجابه .. ماتقدر تتحمل .. بضربات توتر كانت اصابيعها تضربها على طاوله التيلفون .. ماهي الا دقايق ويرد ابوهم
اليازي بصياح كبير: بابا الحقنا .. ماما مااعرف شفيها ؟؟؟؟؟... بسرعة بابا .. انشالله .. صكرت التلفون وبسرعة راحت لغرفة امها
وهي تقول هالايه القرأنيه : امن يجيب .. المظطر اذا دعاه ويكشف السوء ... وهي تصيح بحرارة ..
^^^^^^^^^^^^^^
&&**في دوله الامارات العربيه**&&
في الصاله
..: امايه .. امايه
الام : اشو بلاج تزاعجين؟؟
..: امايه بسير اليوم عند الغوي
الام : اشو؟؟؟ لالا ماتسيرين
..(بترجي): امايه .. عسب غلاه بوحمدان بقلبج
الام : شو هالرمسه بعد؟؟؟؟
...: امايه بسير الهم .. يرانا تراهم وبعدين اهلنا .. بيت عمي تراهم
الام: حشرة هالبنت حشرة ..
.. وهي تقطع كلام امها : امايه .. بتخاويني
الام: بخاويج لكن ياويلج لو قلتي بيلس زيادة
.. بملل: جي تراني بيت عمي
الام: يابنيه استحي ع ويهج
..: انشالله بستحي ع ويهي وع خشمي بعد .. بس انتي وافقي
الام: يابويه قلنا لج لا
..: ياربيه منج .. انا ليش خبرتج لو خبرت ابويه مابيمانع
الام: هاي الي ناقص ترفعين صوتج عليه بنت محمد
يدخل حمدان الصاله
حمدان : اشو هالحشرة ؟؟؟ ريموه بتسيرين بيت العم
ريمو : هيه بس امك ماتباني اسير
حمدان : جي هي هب امج؟؟؟ لا بتخليج
ريموه وهي تلم المخدة الصغيرة مالت الكنب: اسألها ماتباني اسير
حمدان : ليش امي؟
ام حمدان : ريمو انا قلت لج سيري بس هب تتاخرين شرات كل مرة
حمدان : اشو فيها اميه؟ ترانا يران واهل قبل ها ؟
ام حمدان : ابويه حمدان شو بيقولون الناس ع اختك؟؟؟؟ .. بيقولون تسير الهم كل يوم وتيلس ويا عيال عمومتها .. وعيال عمومتها ماشالله ريايل بس غايه
حمدان : عيال عمومتها هب غرب!!! وبعدين الريايل ييلسون فالميلس لاتخافين
ريموه حز في خاطرها كلام امها يعني تبا توصل الكلام بطريقه هب مباشرة .. يعني قصدها اني ايلس فيا هزاع وفهد؟ انزين هم هم ...
قطع تفكيرة صوت حمدان: يلا تلبسي انا بةديج بس بشرط تين البيت الساعة 7
ريموه : شوه؟؟ بس 4 ساعات ؟؟؟ مايكفن
حمدان : تبين ولا اخلي امايه تين الساعة 5
ريموه : خلاص خلاص بسير بسير
سارت ريموه تتلبس وتتزهب عسب سيرتها لبيت عمها
نزلت من ع الدري
وهي فنص الدري
حمدان: سيري غيري عباتج اشو ها متسبحة انتيه بالعطر
؟؟؟؟؟؟؟؟؟؟؟؟؟
ريموه: لا ها اصلا ريحته قويه
حمدان : قويه وانتي متسبحتن فيه اذا تبين تسيرين غيريه ولا ماشي سيرة سامعتني
ريموه وهي تصعد لدارها وتتحلطم ع امها وحمدانوه الدب
نزلت تحت وما لقت حمدان ":: اشوه كذب عليه"؟؟؟؟؟؟؟؟؟؟
ام حمدان : سيري له فالسيارة
ريموه راحت تحب امها وترضيها : امايه والله مهب القصد انزل كلمتج بس شو اسوي ابا ايلس وياها
ام حمدان : عنبو ماتشبعون من بعض للي ونهار فيا بعض؟؟؟
ريموه : الله لا يفرقنا
ام حمدان : ربي يخليكم لبعض
ابتسمت ريموه وسارت السيارة
حمدان:ليش شرفتي حضرة جنابج جان يلستي اكثر ؟؟ مو انا صبي عندج
ريموه : السموحة حبيبي حمداني بس اشو اسوي بجابل الغوي (وهي تشدد على الغوي)
حمدان في خاطره : اه يالغوي ريتج تحسين فيه
ريموه : ماتباني اوصل سلام لعموه (وهي ترفع حاجب واحد) ولا لهزاع ولا لل ...
حمدان يقاطع كلامها : هزاع وبشوفه ينطرنيه تراهو وعموه بشوفها بعدين ونحنا رادين
ريموه بمكر: بس ماتبا اوصل سلام ثاني ؟؟؟؟ حق الغ
حمدان : مدام انج تعرفين شحقه تسألين
ريموه : ابا اطمن ع مستقبل ربيعتي
حمدان : صدق حمارة بدل ماتقولين اطمن ع مستقبل اخويه حبيبي الي متعب نفسه ويايبنيه؟
ريموه : يوه شرات بعض .. اخبرك .. بكرة بنسير انا والغوي وهزاع وفهد للسينما بتسير ويانا
؟؟؟
حمدان : ها ..شو ؟؟
ريموه : الاخ هب وياي
حمدان : يا يلا سيري حشرة فكل مكان .. اخبرج قللي حشرتج انتي هب فالبيت
ريموه : انا مااعرف البيت بلايه شو طعمه؟؟؟؟
حمدان : عسل
ريموه وهي تفره بقوطي الكلينكس : عسل ها؟
حمدان ببراءه : انتي سألتي وانا ياوبتج
ريموه : امحق اجابه
تطلع من السيارة وتصكر الباب ورها بقو
حمدان وهو ينزل الدريشه ويرفع نظارته الشمسيه: اشو فيج ينيتي؟؟؟
ريموه وهي تتلفت يمين ويسرة : شو بلاك تزاعق تخبلت؟
حمدان : انا ولا انتيه
هزاع وهو يظهر من البيت ويلبس نظارته الشمسيه : هلا بولد العم اقرب اقرب حياك
حمدان : لا خلنا نسير ع طول
ريموه وهي تتدخل: ع وين؟؟؟
هزاع : اوه الريم هني شخبارج؟
ريموه وهي تطنشه : اوريكم
تدخل داخل البيت وتسير تسلم ع مرت عمها وتيلس شوي تتدلع ع عمها
الغوي : وخري وخري ها ابويه هب ابوج يالسه تتدلع عليه وانا مرميني ما يباني
ريموه : طبعا اذا حضرت الملايكة شردت الشياطين .. وانا يت مايباج
الغوي : الحين انا شياطين؟
بو فهد : بس ياعيال اشو فيكم تتناقرون هب عوايدكم
ريموه : عطونا عين عميه
كلهم تمو يضحكون ع سوالف الريم وحجيها وبعد شوي سارن البنات حيرة الغوي ويلسو يسولفون
بو حمدان :: رجل كبير فالسن عنده 3 بنات وولد واحد .. طيب وايد
ام حمدان :مرة كبيرة مادرست تيوزت وهي صغيرة .. ووايد تضخم الامور
حمدان : ريال وسيم طويل عريض عمره 23 سنه اكبر اخوانه
عليا : بنت حبوبة متزوجة ولد عمها فهد وهي مخلصه الثانويه وماعدها شهادة جامعيه .. عمرها 21 سنه
نجلا : بنت اولى جامعه محيرة لولد خالها يابر .. عمرها 20 سنه وخجوله وايد
اما اصغر وحدة فهي الريم : بنت طويله هب وايد عمرها 18 سنة بثالث ثانوي
عايله بو فهد
بوفهد : انسان كبير حليو ..يحب عياله وايد .. ويموت عالريم عسب هالشي يباها هزاع
ام فهد : انسانه هب مكمله تعليمها .. طيبه وتحب يلسات الحريم
فهد : عمرة 28 سنة متزوج عليا ويشتغل فاحدى الشركات وهو اسمراني طويل
هزاع : عمره 23 سنه ربيع حمدان .. حبوب وايد .. يحب الريم .. وخجول شوي
غايه : كبر ريموه ووياها فالصف
^^^^^^^^^^^^^^^^^^^^^^^^
وهي طايحة عالسرير ومصكرة عيونها وتحلم باحلام حلوة تتمناها كل بنت فتحت عينها شوي .. وهي تتخيل اللحظة اذا مرت فيها .. حمرت خدودها وقالت : ياترى بيي يوم ويملجون علي؟؟؟؟؟ ولا لاء؟؟؟؟؟
انطق الباب : جواهر امي تبيج
جواهر: انزين الحين بايي
نزلت جواهر وهي تتمرجح عالدري
جواهر: هيلو مس ماماي
ام خليل: شنو هاي بعد مس ومامي؟
جواهر: ولا شي ولاشي ..( وهي تتلفت يمين ويسار) .. الا وين المعرس
ام خليل: ليحين ماصار شي وانتي خليتيه ملج وعرس ,, توها خطبه؟
جواهر: نفس الشي خطب ولا ملج ؟؟ المهم انه بيتزوج .. ويروح بيت ثاني ويفكنا من شره
ام خليل: يواهروه حد جي يقول عن اخوه؟؟؟؟؟؟؟ وبعدين خطيبه اخوج تبي ويانا فالبيت
جواهر : ياربي متى اعرس وافتك
ام خليل وهي تفر المخدة على جواهر: استحي يابنيه
جواهر وهي تضحك: انزين انزين ههه
ام خليل : اقولج روحي نادي اخوج خل ايي يتغدا فديته والله ماتريق ولا تعشى
جواهر: ماتريق ولا تعشى .. واحنا تغدينا ولا لاء بالطقاق
ام خليل : بتروحين ولا لاء
جواهر : انزين انزين باروح حتى ماترضى على حبيب القلب
ام خليل : بتتحركين ولا انادي حد يروح يناديه
جواهر وهي تصعد عالدري: لا بناديه ... الا تعالي يمة باروح ويا انوس .. اوكي
ام خليل وهي تتنهد : روحي روحي
جواهر وهي تضحك : ههه خلول خلول امي تبيك
ام خليل : اصغر عيالج خلول؟ وانا قلت لج روحي ناديه .. مب تزعجينا
جواهر: يمه فديتج ليش معصبه الحين
ام خليل: لو بقعد وياج عقلي راح من زمان
جواهر: ههه انزين .. خلول خلول (قصرت حسها لانه طلع ) خلول امي تبيك
خليل: اصغر عيالج خلول
جواهر : يعني احين ماراح تخلي مرتك ادلعك وتقولك خلول وخلولي
خليل باحراج :جب جب حشى مب بنت وين الحيا وين المستحى
جواهر: ههه خليناها لمرتك
خليل : يلا تحركي
جواهر وهي تضحك: بنتحرك
^^^^^^^^^^^^^^^^^^^^
فتحت كتابي وانا قاعدة اقرا الدروس مالي بارض ادرس ب شاسوي باجر علينا كويز .. رن تيلفوني بنغمه حلوة كلاسيكيه
عرفت المتصل على طول ورديت: هلا والله
محسن : اهلين شلونج حبيبتي
العنود: الحمدلله تمام وانته؟
محسن: الحمدلله
العنود: والله لك وحشه يامحسون
محسن : امس جايفين بعض
العنود وعيونها بدت تدمع : والله ياخوي .. مكانك فالبيت فاظي
محسن وهو ساكت مايعرف شيقول:.....
العنود تصيح وهي تمسح دموعها: ههه محسنوه نصور امس سألني عنك
محسن وهو يبتسم : تدرين اني اشتقت لجوفته وايد
العنود ودموعها مرة ثانيه بدت تنزل وصوتها مخنوق حدة : ههه تدري كل هالي فالبيت تغيروا
محسن : ريت ابوي يسامحني وارد عندكم .. لين متى بنتم نتلاقى بالسر ؟؟؟
العنود وهي تصيح : والله ياخوي مب بيدي
محسن وهو يبتسم وقلبه حن على اخته الي يحبها وايد : عنودي حبيبتي لاتصيحين
العنود وهي تصيح : شلون ماتبيني اصيح .. وانا اجوفك من اسبوعين لاسبوعين .. هاي وانته اخوي وجذي؟؟؟؟؟؟
محسن ودمعه هزة كيانه نزلت من طرف عينه مسحها بسرعة كانه خايف حد يجوفه : عنودي حبيبتي شلون ابوي وامي؟
العنود وهي تصيح : امي حالتها حاله .. وابوي ؟؟؟ ابوي مايعرف وين دارك
محسن: ياحبيبتي ياامي بس والله مب بيدي ... صعبه والله العظيم صعبه .. انطرد من بيت ابوي من 8 سنين ومحد يسأل عني تعتقدين هالشي سهل علي؟؟؟؟؟
العنود: انزين ارجع مرة ثانيه مافيها شي
محسن : الامور اكبر من جذي بوايد
العنود ساكته وهي تسمع اصوات نفسه :...
محسن : عنودي حبيبتي ...
العنود:لبيه
محسن وهو يبتسم : مشي دموعج عشان خاطري
العنود وهي ساكته صعب عليها هالشي: محسنوه والله العظيم انك غالي
محسن وهو يغير الموضوع لانه يعرف اخته عدل بتحن عليه وبتلين قلبه عشان يرد بس هالشي صعب عليه صعب صعب : عنودي حبيبتي رفيجي ياايني يلا باروح وسلمي على امي واب
العنود : وشلون اسلم عليهم لو دروا اني اكلمك اكيد بيذبحوني
محسن وهو ناسي مخاطره اخته: عيل خلاص حبيبتي روحي بدلي ودرسي ونزلي تحت عن د ام ي (قالها وفكه يرجف ) يلا مع السلامة
وبسرعة صكر عنها لانه بتحن عليه توك متصل وماشبعت من صوتك .. وهو مايقدر يطول المكالمة وايد
العنود بنت عمرها 17 سنة بثالث ثنوي رفيجة يزوي وجمول لانها وياهم بالصف .. طيوبة وحبوبة .. ومتعلقه باخوها محسن وايد .. وماعندها اخوان غير محسن وناصر
محسن : عمره 25 طرداه ابوه من 8 سنين لانه كان يروح ويا شله فاسدة .. وماتعدل .. وزخوهم مركز الشرطة وهم يغازلون كان مراهق يعني كان يحتاج للنصايح والارشادات لكن اهمال ابوه له وصله للحاله الي كان فيها يوم عرف ابوه بانه فالمركز خلوهم 3 ايام فالمركز لان ابو البنت اشتكى عليهم .. ومن بعد ماطلع وتادب طلب السماح من ابوه لكن ابوه صدة صد كبير وطردة من البيت .. كان السبب الكبير في حزنه وحزن العنود ...
ناصر : عمره 9 سنين كان متعلق وايد باخوه محسن من وهو صغير لكن بعد ماكمل السنه طرد ابوه محسن والحين كل مايسال ابوه يزفه ويهاوشه .. امس سال اخته العنود لانه كان يحس محبه جياشه يحملها قلبه الصغير للانسان الي جافه امس فالكوفي شوب
^^^^^^^^^^^^^^^^^^^^^^^^^^^^
برجفه قلب ورجفك فك ويد كانت تمشي اليازي فالبيت اقصد فالمرر الي عند الباب
مريوم تسوي نفسها مو مهتمه على رغم هالشي الاا نها كانت تهزز ريلها بتوتر
امون تطالع اختها اليازي ودموعها تتصبب بحرارة
فطوم كانت نايمة على طرف الكنبه
اليازي جفت خواتها بحنيه وراحت تقعد عندهم
مريوم: يزوي شتتوقعين يصير بامي؟؟؟
يزوي بخوف كبير رغم محاولاتها بانكارة : ما م ا اعرف
يزوي تروح لعند اختها فطوم مسحت على راسها بحنيه وهي تتخيل حال اختها فطامي اذا صار شي بامي : انا بوديها الدار مب زين اتم ويانا متوترين
مريوم : ليش بتتعقد ههه
امون : ههه كفج كفج
مريوم وهي تضرب كفها على كف امون : هههاي .. حمار يلفج
يزوي وهي تتدارك الوضع : بس انتي وياها
مريوم: ترا شسوينا
يزوي : سلامة راسج
يزوي وهي تهز راسها وتتحمحم : احم احم الله يسلمج
شلت اليازي فطامي وودتها ونيمتها عالسرير كانت تطالع اختها فطوم وعيونها غرقانه بالدموع
مسحت دموعها وقالت : تفائلو بالخير تجدوه
ابتسمت : اكيد ماراح يصير شي لامي .. لان اهي تحبنا واحنا نحبها
مهما يصير بتبقين امي الغاليه
^^^^^^^^^^^^^^^^^^^^^^^^^^^^^^^^^^^
من زمان وهو خاطره يدش هالغرفه .. لاكثر من مرة يجوف يزوي تدخلها وتطلع وتقفل الباب وراها
راح يحاول يفتح الباب
لقاه مفتوح
استغرب؟؟؟؟؟؟
انا جايفها امس وهي تقفله
معقوله هي داخل الحين؟؟؟
انزين وشنو يعني؟؟؟؟؟؟؟؟
يلا عادي بدش بدش
دش فيصل الغرفه
طل براسه لقا مكان عفيسه وهادي قال فنفسه اكيد يزوي محد ولا هاذي تسكت دقيقه لو تمت بروحها سنه تحاجي الطوف ههه
دش وصكر الباب لقا المفتاح داخل الباب زاد استغرابه المهم قفل الباب وفقتح الليت
طاحت عينه
على ........
على ..........
فتحة حلجة ...
تتوقعون من؟؟؟؟؟؟؟
لالالالالاا مب اليازي
عيل منو ؟؟؟ اكيد تتسائلون
ههه وقعت عينه
على هذي اللوحة

بصراحة حطمتوني مافي ولا رد واحد !!!!!!!!

**~~&& الجزء الثاني &&~~**
ومثل ماعودتكم الفصل الاول من الجزء الثاني
ريال ابتعد عن اهله وعايش فالغربه لكنه وسط بلاده .. شلون هاي ؟؟؟؟ انا اقولكم الغربه معناتها الابتعاد عن الوطن والاحباب والاهل
..
صح اهو مب مسافر وهو وسط بلادة
لكن شالي مايخليه يحس بالغربه ؟؟؟
كان محسن يطالع منظر السما وكانه يشكي لها كلها دقايق وينضرب الجرس
راح وفتحاه
لقا(.....) واقف عند الباب
انصدم صدمة كبيرة بانت على ملامحه
وشال يدة من على طرف الباب يعني تفضل
محسن بدهشه :.. تفضل ...
..: دام فضلك .. ها نستك الشهور رفيجك ولا لاء؟
محسن : افا عليك ياابراهيم شالكلاام شلون انساك وانته بمثابه الاخو ؟؟؟
ابراهيم : دام اني بمثابه الاخو .. ليش استكثرت علي اتصال هاتفي تبلغني عن مكانك؟؟؟؟ تدري انا شلون تعبت لين حصلت شقتك؟؟؟؟
محسن: السموحة ياابراهيم ... بس فهالثلاث اشهر صارت لي وايد اشياء وايد
ابراهيم بعد لحظات هدوء : محسن بصراحة انته مهب ناوي ترد لبيت ابوك
؟؟؟؟؟؟؟؟؟
انصدم محسن من ال الكلمات الي طلعت من شفاة ابراهيم : ابراهيم انته شتقول ؟؟؟؟ انته اكثر واحد تعرف شصار لي ؟؟؟؟؟؟
ابراهيم : يامحسن حرام الي انته قاعد تسويه الحين ؟؟؟ انته ماتفكر بامك
محسن كان ساكت
ابراهيم يكمل : وابوك؟؟؟ تعتقد سهل على ابوك يرقد بدون لايجوفك؟؟؟؟؟
محسن بابتسامه ساخر : وانته تعتقد سهله ال 8 سنين الي قضيتهم لحالي .. وبسبته اهو بعدني عن امي وخواتي واخواني ؟..اهو السبب .. اهو السبب !!
ابراهيم كأنه يوقف ويا محسن وقفه عتاب هاي الوقفه كانت من اصعب الوقفات على محسن .. لانه صعب يقول الكلام الي ولاشي عند احساس قلبه : آآآآآآآآآه ياابراهيم .. هالألم الي يعتصر قلبي مااتمنى ل ولى انسان يجربه .. هالاحساس الي قتل كل هالاحاسيس الي بسني يحسون بها قتلها هالالم .. شنو ياابراهيم شنو اكثر من هاي ..؟؟؟؟ .. اعذرني على كلمتي .. لكنك ماحسيت بالي انا حسيته ماحسيت بالمرار الي تجرعته .. سنين .. وسنين.. ومن يوم وانا صغير .. (دموع محسن كانت حارقه عينه وابراهيم قلبه مكسور على رفيجه .. رفيج الطفوله ) .. تعتقد هاي سهله على الانسان .. سهله عليك كونك كريال ؟؟؟؟؟؟ .. يعني انا ريال .. يعني انا ماعندي احساس .. ماعندي ؟؟؟ احساس ؟؟؟؟؟؟؟؟؟ ليش انا مو انسان ؟؟؟؟؟؟؟ ولا بس الاحساس للبنات ؟؟؟؟؟؟؟؟ .. صح البنات احاسهم رهيف وبسرعة ينجرح ؟.. بس احنا ريايل اهم شي عندنا الرجوله .. واذا الرجوله الي عندك داسها او حاول يدوسها اين كان شبيكون موقفك ؟؟؟؟؟؟؟؟؟؟
افهمني؟؟؟؟؟؟؟؟
انا انسان حرام عليكم والله حرام عليكم
ابراهيم : اتفهم شعورك يامحسن افهمه
محسن وهو يقاطعه : لكنك ماحسيت بالنار الي تشعل في يوفي .. ماذقت الي انا ذقته .. ماذقت الالم يوم تجوف نظرة امك المنكسرة .. ماذقت طعم الليالي والمرض ومحد واقف يمك ولا يحاتيك .. ماذقت شي من هالاشياء؟؟؟؟؟ .. وانا مااتمنى انك تذوقهم .. لا ياابراهيم انا مااتمنى انك تذوقهم
ابراهيم وهو يحاول يلطف الجو وهو مبتسم ويحط يده على جتف رفيجه محاوله للتخفيف عنه : شرايك اليوم نروح ويا الشباب للبر؟؟؟؟
محسن : انا وين وانته وين؟؟؟
ابراهيم : ترا انته الي تخلي هالجو جي مشحون .. وكئيب وبامكانك تغيره
محسن وهو ساكت ويناظر السما من الدريشه:..............
ابراهيم : يلا عيل روح بدل وجهز اغراضك ونتضل فيهم ونروح وانا بعد باروح
محسن وهو يبتسم شكثر ارتاح بس عشان هالكلمات الرقيقه الي طلعت من قلبه رغم انها ولاشي من الي بقلبه : بوخليل .. انطرك لاتتأخر
ابتسم ابراهيم من كل قلبه : يلا يلا كلها ساعتين ويتحركون الشباب
محسن وهو طلع من الجو كان عايشه شوي : يلا يلا يلا عيل .. يامعود مب فاظين نقعد هني ننحبس
ابراهيم : ههه يلا عيل
محسن مشى بحماس بسيط : يلا يلا تحرك ياخي ببدل واتجهز
ابراهيم وهو يضحك ويقوم : يه
وضحكو ويا بعض طلع ابراهيم من الشقه ووصل للاصنصير (اللفت ) : برهوم مشكور ويلا بسرعة
ابتسم ابراهيم لحال رفيجة
وطبعا تجهز محسن للرحله
^^^^^^^^^^^^^^
اشرقت الشمس .. لتبعث اشعتها الذهبيه للمناطق .. والبيوت .. وترسل اشاعات مخفيه .. وبسلام ... لهالبيوت ..
في بيت كبير
وفي حجرة كبيرة
قام من نومة وهو يتمغط دش الحمام (الله يعزكم ) وخذ الفوطة وهو يمس ويهه وهو طالع نزل تحت ولازالت الفوطة الصغيرة طايحة على جتفه
نزل من على الدري لقا اخته بدور قاعدة عند امه وابوه وتتحجى
باس راس امه وابوه : صباح الخير يالغالين
الام والابو : صباح النور
بدور: صباح النور يالغالي
حب يفشلها : وانتي من كلمج؟ اكلم امي وابوي انا
بدور بفشله وغيظ : يبه يبه ماتسمع ولدك شيقول حطم راسه ايوا ايوا
فيصل وهو يطنز عليها : حتم لاثه ايوا ايو .. (وهو يرد لصوته الطبيعي ) مالت عليج .. امسويه روحها كلش
بدور وهي تتحجى : كيفي
لحظة هدوء كليت لي حبه زيتون توني ابي اشرب كوب الجاي الا تحجت بدروه
بدور : يمه شنو هذا تمللنا كل يوم نفس الريوق اوف .. واذا ماكلينا هاوشتونا
فيصل : بس بس مع ويهج من صباح الله تتحجين انتي شنو بالعه راديو
بدور : الا دي في دي تصدق واههه
فيصل : مابيخج .. ماتبين تتريقين روحي قومي اخوج
بدور وهي تنطط عند التيلفزيون : مابي كيفي .. (وقعدت تفرفر فالتيلفزيون )
ام فيصل : فيصل يمه خلك منها روح انته ناده
فيصل وهو يتكيسل : لالالا خل اهي تقوم مب اهي ماتبي تتريق .. انا ابي اتريق
ام فيصل وهي تقوم : عيل انا الي بقوم لاني شبعت
فيصل : لالالا خلاص بدروه بتقوم .. بدروه بدروه
بدور: ها اوف مااتجوغني مندمجة فالمسلسل
فيصل : قومي لاافلع كوب الجاي فويهج
بدور بغضب : يبه جوفه
بوفيصل : بس يايبه بس يافيصل شفيكم تتهاوشون على كل شي
بدور: اهو الي بدا
فيصل: انا ولا انتي
نايف وهو يقعد عندهم :اوف بس من صباح الله
فيصل : هلا والله بنيوف .. وينك انت؟؟؟
نايف : فالفراش...
يقطع عليهم صوت ابوهم : بس ياعيال .. فيصل شفيك يبه اليوم؟؟؟؟؟؟
فيصل وهو يتميرض: جابلت ويه بدروه من الصبح اكيد بامرض
نايف وهو يضحك: مندمجة الاخت ماتسمع شي
فيصل ك فكة من مجابل ويهها
بدور: يمة تلفون
ام فيصل : عنبو دارج تحركي شوي تلح لحي شبيفيدج هالتلفزيون ها
وام فيصل جنها تكلم طوفه بدور ابد ماتسمع مندمجة فالمسلسل شوي وتسمع ام فيصل صراخ فالصاله
تصكر من التيلفون وبسرعة تروح تجوف شنو
ولا بدور تتهاوش مع فيصل بالالكتروني ونايف يتعبث بالتيلفون ماله
ام فيصل : بدور بس خلاص روحي درسي
بدور شوي وتصيح : حتى فيوم السبت تبونا ندرس شالحاله ..(وهي تلتفت لفيصل) .. والله لاوريك يافصول ... ويزوي مابقول لك شقالت لي
فيصل : خلاص خلاص يابوج تعالي مايسوى علينا خذينا منج الالكتروني .. تعالي خذيه
يت بدروه تبي تاخذ الالكتروني من فيصل وهي زعلانه
فيصل : حبيني على راسي
بدور: مابي زين انا زعلانه
فيصل وهو يوقف جدامها : افا بدورة حبيبتي تزعل من الشيخ فيصل اخوها
بدور وهي مادة البوز : انا مااحاجيك .(وهي تفر القناه)
فيصل وهو يسحب الالكتروني من يدها : شنو؟؟؟؟؟
بدور : خلاص خلاص احاجيك بس ايب الالكتروني
ام فيصل : هاته هالريموت هاته
فيصل وهو يضحك ويحطة بيد امه
ام فيصل : بدروه يلا روحي درسي
بدور وهي توقف: وي يعل تحترق المدارس الي فالعالم كلها والسامع يقول امين
ام فيصل : يلا ذلفي .. قصورج تدعين على الي علموج القرايه والكتابه .. الي يعلمج حرف صرتي له عبد .. مب تدعين عليه
بدور: كلش من زين الي يعلمونا اياه
ام فيصل : بتذلفين فوق ولا اقص لسانج هالحزة
بدور بقهر : ايه ايه انا بنت البطة السودة العين الحمرا حقي والريج الحلو حق هاذيل
ام فيصل : لانج ماتيين الا بالعين الحمرة
بدور: خلاص خلاص باذلف فوق
فيصل :ههه وحلليج يابدروه
فيصل : عمره 21 سنه اخر سنه يدرس ويشتغل ويا ابوه .. طويل شوي اسمراني بس سمارته تينن .. عيونه وساع .. خشمة طويل .. عنده غمازتين (عكس يزوي يزوي عندها غمازة بس فخدها اليمين) .. يحب بدروه وايد ويلعوزها وايد
نايف : عمره 18 سنه اخر سنه فالمدرسه علمي .. كسول .. لعاب .. مايسمع حجي امه ولا ابوه .. غالبا مايكون فالبيت .. كله طالع
بدور: باول ثانوي .. طويله .. بيضة .. فيها شبه من يزوي .. شيطانه ... ماتحب نيوف لانه مغرور ورافع خشمه .. تموت ع فصول .. واحلا شي عندها المسلسلات
^^^^^^^^^^^^^^^^^
كانت غايصه فالاحلام .. وراسها مضموم فالمخدة .. وشعرها متناثر فكل مكان .. على المخدة .. وعلى اللحاف .. وعلى السرير ..
فتحت عينها عدال عدال .. رمشت مرتين ... استوعبت المكان .. قامت بسرعة من مكانها وهي تحط يدها على رقبتها ... انا وين؟؟؟؟
من يابني اهني
قامت من فراشها بسرعة فتحت الباب راحت لغرفه مريوم جافتها نايمة قومتها من النوم
اليازي:/ مريموه .. مريوم
مريوم بهمهمه : هم هم
يزوي: انا من يابني الدار
مريوم : اوف خليني بارقد توها الساعة 8 ونص (وهي تتثاوي)
يزوي: مريوم عاد قومي اكلمج
مريوم وهي تقوم وتقعد وعيونها منفخات : شتبين
؟؟؟؟؟
يزوي : امس انا وانتي كنا فالصاله شيابنا للدور
مريوم : يدي
وردت ترقد
يزوي وهي تضحك : مريموه يلا عاد اكلمج
مريوم : اوه يعني اكيد احنا بروحنا ينا
يزوي: لالالا اكيد صاير شي
مريوم وهي راقدة وماترد
يزوي وهي تير الفراش: مريوم احاجيج
مريوم تطنش
يزوي وردت تضحك : مريوم
مريوم: الله ياخذ مريوم قولي امين
يزوي وهي تضحك :امين
مريوم وهي تقوم من النوم : ويه يعل الله ياخذ بليسج شحقه تدعين علي من اول الصبح
؟؟؟
يزوي : انتي قلتي قولو امين
مريوم: وانتي تبين الفكة على طول امين؟
يزوي: ههه مااحب اردج
مريوم : ايه ايه خرطي خرطي
يزوي: تدرين احس اليوم نفسيتي احسن من امس
مريوم: كلوش شاسوي يعني
يزوي: رقصي
مريوم: اوف برد برد
يزوي: هع هع اونج عاد يالضعيفه بردانه
مريوم: شفيج اليوم علي
يزوي: من يومين ماتضاربت وياج ابي احين اقعد اتضارب لين ما ما ما(واهي تفكر) .. لين ماامجع شعر راسج كله
مريوم وهي تفلعها بالمخده: ههه جب جب
يزوي وهي تضحك ويقعدون يتفلعون بالمخدات .. يعني صارت حرب بالمخدة (الله يعين الغرفه خ)
يزوي: تعالي نروح نسلم على امي وابوي
مريوم وهي توقف عن الضحك وهم نسو ان امهم فالمستشفى : ن روح؟؟؟؟
يزوي وهي تتذكر: تعالي نتطمن عليهم ونتصل لبابا يطمنا
مريوم : ام اوكي يلا
يطلعون البنات من غرفه مريوم
يزوي وهي تير شعر مريوم : يالعفسه
مريوم وهي تضحك : ماتجوفين نفسج اول مع هالكشه
ثنينتهم : ضحكو ضحك : ههه
يزوي : تعالي .. خاطر اروح غرفه ماما
مريوم: ههه يلا
يزوي بهبل: خ يلا يلا هيا بنا
مريوم: شدعوة مركبه فضائيه
يزوي: لا مكوك فضائي
مريوم: خ
يزوي : مريوم
مريوم: ها؟
يزوي: وصما
مريوم: تصمج
يزوي" تصمج قبلي .. مريوم مريوم مريوم؟
مريوم : ها يزوي يزوي يزوي
يزوي: ملل
مريوم: ادري اونج قلتي شي يديد
يزوي : ههه اشتقت حق ماما .. صار لنا يومين ماجفنها
مريوم وهي تسكت فترة: ايه .. حتى انا
دشوا الغرفه اذا هم بين الحلم والواقع
ايه بين الحلم والواقع
ثنينتهم يتخيلون عبالهم هاي امهم
يزوي: مريوم هاي بس انا الي اجوف امي ولا حتى انتي
مريوم: لاوالله حتى انا اجوفها
ثنينتهم جافوا بعض
يزوي: شلون قاعدة تجوفينها .. اقصد باي حاله؟؟؟؟
مريوم: ماما نايمة ومتلحفه فالفراش
يزوي وهي تصارخ وتطير للفراش وتبوس يد امها وتحب راسها : واي فديتج يمه شلونج وشخبارج؟؟؟؟؟؟؟ وحشتيني ماما
مريوم: أي والله هاي امي؟؟؟؟؟؟؟؟
وتروح لعند امها وتحبها : يمه طافج يزوي سوت لنا عزة فالبيت
يزوي وهي تضرب مريوم: جب جب الي يقول انتي الي ماصحتي
ام اليازي وهي تضحك: ههه فديتكم بناتي والله
يزوي : احم احم وجان نستحي
مريوم: تحجي عن نفس انا مااستحيت هاي ماماتي
يزوي: يالبواقه .. انا بس ايل اقول ماماتي
مريوم: اوه استعرتها اليوم منج خلاص
يزوي وهي تسوي نفسها زعلانه: خلاص
ام اليازي : مريوم حبيبتي ناوليني الماي
تقوم اليازي وهي تركض ومريوم نفس الشي ويتهاوشون من يودي الماي اول لامه
يزوي: مايخصني انا خذيته اول
مريوم: لا؟؟؟؟ امي قالت حقي انا
يزوي: انزين وخري
مريوم : يبيه؟
يزوي: قلت لج انا بوديه
مريومة : يبيه
يزوي: وخري
يظهر ابوهم من الحمام وهم على هاي الحاله
بو اليازي : اليازي يبا ودي الماي لامج
يزوي وهي تودي الماي لامها وتطلع لسانها لمريوم
اما مريوم فكانت معصبه حدها على يزوي
^^^^^^^^^^^^^^^^^^^^^
تونا طالعين من فلم رعب .. كان حلو وايد .. وانا ماقدرت اتحمل اكثر كل ساعة افطس من الضحك ع غايوه كل ساعة نقزت .. وبما انه نحن اخر سيد فالسينما ماخذين راحتنا ههه وعالاخر بعد .. كان وناسه تونا طالعين من هناك
ريموه : والله ههه فهود جفت غايوه الخبله شقايل تناقز
غايوه وهي تضرب ريمو : جب جب ماشالله عليج
عليا : ههه بس صدق الفيلم رعب
فهد وهو يجوف حرمته كيف مستانسه وهو يمسك يديها بدون محد يحس :اشو رايج تسيرين تتشرين ملابس
غايوه وهي ترز فيسها : ابا اسير وياكم
ريموه وهي تسحب الغوي : لالالا نحن بنسير فيا حمدان
غايوه وهي منحرجة : لالالا شو انا ابا فيا فهد
ريموه ماتبى تخرب وناسه فهد وعليا : ع كيفج هو بنسير رباعة انا وانتيه وحمدان خويه وهزاع جانه بيسير
هزاع : ابا اعرف ليش انتيه كله حاذفتني من المنيو
ريموه : ماعدنا طلب باسم هزاع
الكل ضحك ع ريم
هزاع: هيه هيه بايخة تراج
ريم: ماطلبت رايك
حمدان :ياخي خلاص فكونا من النقير بتسيرون الحينه ولا شو؟؟؟؟؟
فهد وهو يشوف حرمته : بتسيرين فياهم ولا شو؟
عليا بخجل كبير : ع كيفك
فهد : وين تبين؟
ريم: لين ماتشاورها وتشاورك نحن بنروح وبنمر عليكم اوكي
فهد وهو يضحك ع ريم: اوكي
سارت ريم فيا غايه للمحل الي يبنه اما حمدان وهزاع تريوهم برع المحل
هزاع: ياخي شو هالبنات هب هامنهم شي بس يبوت يتشرون وبس
حمدان: خلهم براحتهم اشو تبا يسون؟ ييلسن فالبيت ع ريحاتهن ماعدهن شي خلهن يستانسن (فديتك ياحمدان حاس فينا )
هزاع: هيه هيه وبعدين بنشوف منو بيقول تكسرت ايديه
حمدان وهو يضحك : شو نسوي بعد ؟؟؟
هزاع : تعال نسير الكوفي شوب لين مايخلصن
حمدان: لالالا هب فايج اسير الكوفي
هزاع: اشو الحل؟؟
حمدان : نترياهم هنا
الريم وهي تظهر من المحل بدون الغوي
حمدان مطير عيونه فالمحل : شو وين غويه؟ (خاف هزاع يشك ) .. اشو ماشريتو شي
؟؟
ريمو: لا بس .. ام؟؟؟ ماعيبني شي وغايوه قعد تدفع
هزاع : بير اشوف جان تبا شي
ريموه : اوكي
حمدان : اخبرج .
ريموه : شو شو شو
حمدان : عفانا الله ليش جذه ملقوفة
ريموه: عاد انا جذه تبا تقول قول ماتبا هب عكيفك
حمدان : اش قصري حسج .. اشو فيها الغوي زعلانه
ريموه : منو قال ؟
حمدان : قصري حسج خسج الله فضحتينا
ريموه وهي تقصر حسها : منو خبرك ؟؟؟ هب زعلانه تتضاحك شرات الحمار
حمدان وهو معصب : شو حمار بعد .. ماتعرفين ترمسين رات الناس
ريموه: سوري بالغلط طلعت منيه
حمدان : علني افارق هالويه
ريموه: بتفارقه لتخاف ريلي فديته بي ياخذني
حمدان : صدق لاحيه ولا مستحى
ريموه وهي يالسه تضحك ع حمدان : ههه الحينه بنسير محل يصير تدشونه
حمدان : لاشو نبا ندش فياكن
ريموه: اف يامصخك اشتر لك شي من هناك هب لازم تتفرج
حمدان: اشتري وانا هب لابسه؟؟؟
ريموه: هب لازم تلبسه المهم تشتريه
حمدان : صدق تفكريكن يالبنات مشوه
ريموه : لاه .. عيل تفكيركم مشلول
ظهر هزاع ويا الغوي وساروا للمحل الي تباه ريم
وبعدين تلاقو فيا فهد وحرمته وساروه يتغدون
عالغدا
هزاع كان مجابل حمدان
غايه يالسه حذال هزاع وجابله ريموه
ريموه يالسه حذال حمدان ومجابله عليوه
وحمدان مجابل فهد
وعليا تتطالعهم كلهم
يعني الجلسه كانت دائريه
فهد وهو يكلمهم : احين شو تبون
ريموه : ام خل نظهر نروح مطعم ثاني منبا في نفس المكان
هزاع: لازم تتشرط حضرة جنابها
ريموه: ماتبا ايلس هني بروحك
هزاع: واذا قلنا هب سايرين مطعم ثاني
ريموه: مابا شي... زين
هزاع : احسن وفرتي
فهد : بس خلاص نحن سايرين عسب نستانس هب عسب نتضارب
ريموه ويه تسبق هزاع فالرمسه: ماتشوف اخوك
فهد: انتي بعد ماقصرتي صراحة
ريموه بزعل : خلاص مابا منكم شي .. حمدان .. ابا ارد البيت
فهد: لاحول
عليا : ريامي حبيبتي شو تبين
ريموه : علايه مابا نيلس هني
عليا : خلاص حبيبتي بنسير مكان ثاني
فهد: قرروا احينه وين تبون؟؟؟؟
وقلبت السالفه ريم ع هزاع وسارو المكان الي تباه ريم
<<ياخطيرة ياريموه
^^^^^^^^^^^^^^^^^^^^^
جواهر : اعون جمول ليش جي غرفتج وصخة
جمول وهي قاعدة تكحل عيونها : اف انتي الثانيه لاتعورين راسي
توها جمول تخلص جملتها ولا انوس ادش وياهم : هاي
جواهر: هايات .. توج مفتكرة تيين ... وانا من ساعة اتصل فيج
انوس: شاسوي .. ياي جمول كشخة دارج جي
جمول وهي تضحك : ههه ادري
جواهر: مالت عليكم .. يالوسخات
جمول: بذمتج انوس مب حلو الفراش؟؟؟ اليوم غيرته ..
انوس: لاوالله روعة وخصوصا الشكل الي انتي حاطته
جمول : هاي جواهروه الدبه ماعندها ذووق
جواهر: لا والله ؟ لفي انتي بس
جمول: قسم
جواهر: يالزطيه يالحسودة
جمول: شسويت انا ؟؟؟؟؟؟
جواهر: على الاقل كملي حلفتج اونه قسم
جمول: خرعتيني يابقرة ههه
انوس: ههه أي والله حتى انا تخرعت لهجتج جواهروه تخرع
جواهر وهي تتعبث بكتاب فطوم : جوفوا كتبهم شلون ضعيفه وكتبنه احنا الزود عندنا شدببهم كتبنا
جمول: والله كتبنا مسوين رجيم
انوس: ههه متحسفه اني دشيت علمي
جمول: لالالا ليش تبون الادبي .. جنه الادبي مب تارس عينكم
جواهر: لا والله انزين حتى العلمي مب تارس عينج
جمول: انا ماقلت شي بس العلمي يبي له شده همه ... يعني انتي تقدرين تستحملين 3 حصص كيميا ورا بعض .. اما انا نص حصه مااستحمل احس راسي انفجر
جواهر: سكتي لاتلوعين جبدي .. والله كنت بدش ادبي بس شاسوي فامي
انوس: ليش احنا امهاتنا دايما يتحكمون بقرارتنا
جمول: يمكن يبون مصلحتنا وهاي شي اكيد
جواهر: عاد فكل شي .. واله احس اني بموت ويا هالعلمي ماادري اخر شي شنو بصير؟؟
جمول: يمكن تكتشفين مكونات الذرة ههه هاي اذا مامكتشفينها
جواهر: ههه جب جب تتمصخر علي
جمول : شاسوي فيكم
انوس: الا وينها يزوي مكانها يبين
جمول وهي تطق يبتها دليل النسيان : اوي قلت باتصل لها
جواهر: يلا يلا خل نتصل فيها
..... صوت رجولي خشن : الو
جمول وهي متخرعة : السلام عليكم
... : وعليكم السلام .. ياهلا
جمول وهي خايفه : موجودة اليازي
..: من اقول لها
جمول: ا.. ا ..ا ج جميله
..: الشيخة الرقم غلط
جمول بانصدام : ه ا ؟؟؟؟؟؟؟؟؟؟
الريال : الشيخة ضاربه الرقم غلط .. و
جمول وهي تقاطع كلامه: اوكي يلا باي باي
جواهروه وهي تتعبث فعلبه المكياج : ها وينها؟
جمول وهي منصدمة وتجوف انوس
تلتفت لهم جواهر : شسالفه؟؟؟؟؟
جمول: دقيت الرقم غلط!!!!!!!!!!!!!!!
جواهر: اويه صج فشله .. انزين شفيج جي خايفه عادي تصير وايد
جمول وهي شوي وتصيح : بس انا قلت اسمي !!!!؟؟؟؟؟
انوس وهي تحاول تخفف على رفيجتها : ويه شدعوة عاد عرفاج الريال انه انتي جمول الي جدامنا ؟؟؟ انزين خلاص عادي
جمول والدموع مجتمعه بعينها : واذا تصل وبابا رد وقال ابي جميله؟ شبيصير فيني؟؟؟؟؟؟؟؟؟؟؟؟؟؟
انوس تطالع جواهر وجواهر تطالعها
يرن التيلفون ويتنقز جمول وتفلعه بيد انوس : ردي ردي انا مابي .. (وهي تصيح) .. والله اني ماادري صج بقرة على طول قلت اسمي من دون مااتأكدت من الصوت
انوس وهي تضحك : جموله حبيبتي ماكو داعي للبجي؟؟؟؟؟ وبعدين هاي يزوي ( وهي ترد)
هلا يزوي.. اخبارج؟؟؟؟؟؟؟.. ههه ويه صج ؟؟ ... زين خلاص عيل احين احنا بنييج .. اوكي .. ههه انزين .. انزين يه .. يلا عيل نتجابل بعدين ههه .. باي
جمول: شنو قالت لج انه هاي مقلب من مقالبها
انوس: ههه لاء لاء ماتدري عن السالفه اصلا
جمول وهي ردت على مكانها وعلامات الحزن فويهها : امبيه ياربي استر
^^^^^^^^^^^^^^^^^^^^^^^
ياترى شصار بمحسن؟؟؟؟؟
وابراهيم؟؟؟؟؟؟؟؟؟؟؟؟؟؟؟؟؟؟؟؟
^^^^^^^^^^^^^^^^
فهالصباح الحلو .. كان كل من العوائل توصل عيالها للمدارس .. وبمدرسه ثانويه .. دخلت يزوي وهي تعدل شيلتها الي تفتحت من اول مادخلت وصلت لصفها والشيله على جتفها وشعرها مرفوع لفوق وعلى جنب حاطة مشباصين صغار فيهم رسمة وردة حمرة .. كان شكلها وايد حلو .. دخلت الصف وراحت لمكانها طلعت عبايتها وشيلتها وبهدوء دخلتهم الشنطة مرت على ربعها وراحت لبنات العلمي
اليازي : صباح الخي

~**~~الجزء الثاني ~~**~
الفصل الثاني
اليازي : تماظروه يمكن مب اهي يمكن انتي مشبهه عليها
تماظر: اقولج جفتها والله ويدها بيده بعد
اليازي وهي حيرانه : يمكن خطيبها
تماظر وهي تفكر: انا لازم اقولها ان الطريج الي تمشي فيه غلط
يزوي: تماظروه لتتسرعين عليها بالحكم .. يمكن مب اهي
تماظر : أي مب اهي سكتي انتي بس .. اقولج جفتها عدل ماشربت ولاشي من قهوتي من الصدمة وطول الربع ساعة وانا اطالعها.. وبعدين جفت اخوها نصور
يزوي : ام مااعرف يمكن خالها ولا عمها .. ولامستحيل ويا ريال غريب واخوها وياها
؟؟؟
تماظر وهي تفكر في النقطة الي تكلمت عنها يزوي صح يمكن مستحيل : ام مااعرف المهم اني باكلمها وباقول لها
يزوي : احنا لازم نتأكد قبل لا نتسرع بالحكم ...
جمول : يمكن قالت لاخوها نصور هاي خالها وهو رفيجها .. لانهم من زمان ماجافو خالهم بسبه ابوهم من 10 سنين يمكن
يزوي: انزين خلاص لاتحشون فالبنت .. وبعدين شدراج يمكن يكون خالها صج ومب رفيجها
تماظر : انا مو مقتنعه كلش انه خالها .. مستحيل انتي لو تجوفينهم ماتقولين خال وبنت اخته .. تقولين .. اهي تعرفه معرفه دفينه .. بس ماتبي حد يعرف.. يزوي تدرين الريال وايد حلو كله يهبل .. بس .. انا احترت من نظرة عينه لها .. والله كانه انسان يائس من شي .. وهي تحاول تشجعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
جمول وهي حاطة يدها على خدها وتسمع لتماظروه وجنها تقول قصه من القصص الي يقرونها : وشنو جفتي فعيونة بعد
تماظروه وهي تضحك وتضرب جمول: يالبايخة والله انج خايسه ..تتطنز بعد ..
جمول وهي تضحك : بعد صايرة خبيرة نظرات
تماظروه: زين زين مالت علي لاني قلت لج .. بس احنا لازم نفيدها بشي .. مايصير هاي رفيجتنا لازم ننبها
يزوي وهي توافق على فكرة تماظر: صح لازم نقول لها لان اهي رفيجتنا .. وماتهون علينا الرفجة انه احنا نخليها تطيح فخطأ واحنا بيدنا شي نسويه؟
جمول : ايه عوش مسكينه كسرت خاطري والله
يزوي وعلامات الحزن بوييهها: أي والله مسكينه .. محد كان يتوقع جي بيصير فيها
تماظروه : ايه والله .. عشان جي احنا لازم ننبه عندوه عشان مايصير فيها نفس الي صار بعووش
يزوي: مسكينه والله تكسر خاطري
تماظروه : عنبوه هاي خطيبته وجي يسوي فيها ؟؟؟ .. بس تدرون الخطا مب منه اهو .. من عوش البقرة .. ياما قلنا لها لكن اهي سوت لنا طاف والحين جوفي لون حالها
جمول: الله يبعدنا عن هالناس انشالله .. ياربي شلون جي يسوي واي مااقدر اصدق والله
تماظروه : لاصدقي .. كل شي الحين يصير
يزوي وهي تكح : كح كح .. كح كح .. اظاهر برد ازكم
جمول : ههه وانيت طول السنه مزكمه .. وكله مريضه
يزوي : شاسوي بع (ماكملت كلامها الا وعطست )
جمول : ههه
يزوي : الحمدلله .. يالدبه لتضحين علي
جمول: يرحمج الله .. يزوي والله تضحكيني ههه
يزوي : يهديني ويهدج الله .. ههه لا والله قالو لج مهرج ولابهلوان ولا ارقوز
جمول : ام الاول ينفع والثاني ينفع والثالث بعد ينفع
يزوي : جب جب انزين
جمول : مب انزين
تماظر وهي ترجع مكانها : اف شقلتو فغيابي
جمول: لحقنا نقول شي ويا هاذي كل ساعة اعطست وك (ماكملت كلامها الا ويزوي مرة ثانيه تعطس )
جمول : ههه جفتي هاي حالنا (وترد تعطس يزوي)
جمول & تماظر : يرحمج الله
يزوي : خل اول الحمدلله بعدين .. (وهي تقول الحمدلله فقلبها* يهديني ويهديكم الله
تماظروه : ههه تلاقون احين جواهروه وعندوه مافاهمين شسالفه الحصه
يزوي وجمول : ههه
وردت اعطست يزوي
^^^^^^^^^^^^^^^^^^^^
فنفس المدرسة لكن بصف غير
كانت العنود سرحانه تفكر ياربي شفيه اخوي يومين مامتصل فيني؟؟؟؟؟؟ شصاير فيه ؟.؟؟ .. انا لازم اتصل فيه اليوم . واجوف شسالفته
؟؟؟؟؟؟؟؟؟؟ ياربي معقوله صاير شي فيك محسنوه؟؟؟؟؟؟
اما من جهخ ثانيه جواهر كانت سرحانه فخط الابله عيونها عالخط وعقلها فشي ثاني ..
انتبهت لهمس عنود : جواهروه
جوهروه: هلا
عنود: من مساعة انادي فيج وفشنو سرحانه؟؟؟؟؟
جواهروه: باقولج بعدين جوفي الابله صدت لنا
ابله الفيزيا : خير ياجواهر شفيكم تتحجون؟؟؟؟؟؟ بعدين قولو مافهمنا المسائل
جواهر شوي وتنبط فويهه الابله بس ساكته لانها ماتطيق هالحصه كلش بسبه الابله
رن جرس نهايه الحصه السابعه البنات كهم قاموا يضبون اغراضهم عالبيت
انوس وهي تطلع وهي تتحجى ويا العنود وجواهر : ههه والله ولا اعرف شسالفه اصلا!!!!!
العنود تمشي بحزن وياهم : كنا نكمل درس امس
جوهروه وهي تضحك بهبل : انا نفس حالتكم ولا ادري .. قاعدة افكر شنو بيصير بملجة خلول
العنود وهي تضحك وتخبي ابحار من الحزن بقلبها : ههه جواهر اذا ماتزوجتي اعتقد بتتعقدين
انوس وهي تضحك وتكمل عليها : لا هاي شي اكيد
العنود : خل ندور لها ريل من احين
انوس: افا عليج ناطور مدرستنا موجود
العنود & انوس: ههه
جواهر وهي تحاول تخفي ابتسامتها : جب جب مالت على ويهج انتي وياها يالسبلان .. تتطنزين حظرت جنابج (وهي تضرب انوس بكيسها )
انوس: ههه دبوه .. لا مااطنز
وبجذي اختلطت المدرسه بنات العلمي والثانوي واول ثانوي فالساحة
الي تظهر وهي مبتسمة .. والي تتامل يوم يديد بخير .. والي على ويهها ملامح قلقه .. وال منزعجه من صراخ وعبط البنات ..
يزوي وهي تبتسم : جمول
جمول وهي تنته من سرحانها: هلا .. هلا يزوي
يزوي : شفيج سرحانه؟؟؟؟؟ وحتى فالحصه ؟؟ فمنو سرحانه اعترفي اعترفي الحين ( وهي تقولها بحماس)
جمول: ماتيوزين عن لقافتج
يزوي : نو
جمول : ههه يلا كاهي جواهر .. خلينا ندش السيارة ونتنفس وبعدين يصير خير!
دشوا البنات فالسيارة واشتغلت الهذرة فالسيارة ناسيه يزوي السالفه الي بغت تعرفها من جمول .. وطبعا مع بدور .. الي كانت تسولف وتسكت فترة تحس بالكره الي تحمله ساره بنت عمها الها .. ها شغل بالها وايد
^^^^^^^^^^^^^^^^^^^^^
فدوله ثانيه مجاورة لدوله قطر
فالحصه ماقبل الاخير
ريموه : يالله .. ها الحصه ممله
غايه : شو بنسوي يعني؟
ريموه : انتيه بعد ممله
غايه : ههه شو تبيني اسوي؟
ريموه: صح تعايل ماخبرتيني ويا منو اليوم بنسير حمدانوه هب ياي .. والسايق هب مويود فالبيت!!!!
غايه : اكيد دريولنا بيي منو يعني
؟؟؟
ريموه : بس انتي خبرتيهم!!!!!!!!
غايه وهي تتذكر:هيه .. لا
ريموه : هيه ولا لاء؟
غايه وهي تحاول تتذكر : مااعرف نسيت!!!!!!!!!!
ريموه بصوت عالي : شو نسيتي
غايوه ويه تضرب ريموه : هيه انتيه وين يالسه ..؟؟؟ نحن بحصه قصري حسج
ريموه وهي تتذكر انها بحصه وترمس بصوت خافت : شو نسيتي احينه منوبيتذكرنا؟؟؟؟؟؟؟؟
غايوه : ماادري!!!!!!!
ريموه : هبله ..( وهي تعلي صوتها ) مس مس باسير اتصل فبيت عميه عسب نرد البيت
المس: هب الحينه؟ سيري خلاف!!!
ريموه بصوت خافت : مابا وانتي شلج .؟؟ .. مس هب عدله اتصل باخر الدوام وبعدين ماشي حد ؟؟؟؟
المس: خير ياريم شو السالفه شردة كالعادة ولا مخطط ثاني؟؟؟؟؟؟؟
ريموه عصبت من الخاطر ع الابله البايخة : هب شردة .. انا ابا اسير اتصل ببيت عميه!!!
المس: كاهي غايه مارمست انتيه بترمسين!!!
ريموه : احينه شو بتخلينا ولا؟؟؟؟؟؟
المس بغضب : سيري و10 دقايق ان ماكنتي هني ماشي دخله عندي فالصف سيري عد المديرة
ريموه وهي ترمس غايوه بصوت واطي: نحن بنسير بنسير بس هب بسببج عسب نشتكي عليج
غايوه وهي تضحك : ههه ريموه بتسمعج
ريموه : شو ابا بها؟؟؟؟؟؟.. يلا نسير
ساروا غايه وريم للضابطة واتصلو فبيت غايه عشان اييهم
وهم رادين الصف ريموه: منوه بيينا؟
غايوه بدون اهتمام : م امايه تقول الدريول هب موجود فالعزبه فيا ابويه .. هزاع بيينا .. لان فهد طالع فيا حرمته
ريموه : وع هزاع؟؟؟؟؟
غايوه : ريموه تراه اخويه
ريموه: اف سرعي لاتحشرنا ها المس
وسرعوا للصف .. وقعدوا هاديات كل وحدة تفكر بشي .. لين ماخلصت الحصه وابتدت الحصه الاخيرة ويوم خلصت الحصه الاخيرة
وبالضبط عند بوابه المدرسه : ريموه هب كأنه هزاع تأخر؟
ريموه بتوتر تحاول تخفيه : هيه .. شو صار ليش تاخر؟؟؟؟
غايه : مااعرف؟؟؟؟
ريموه: غايوه كل البنات راحن بيوتهن ماعدا نحن!!!
غايوه بخوف : هيه ادري .. شوفي كيف الشباب يمرن حذال مدرستنا
ريموه بخوف من الخاطر: غايوه شوصاير الساعة احينه بتعدي ال 2
غايوه بخوف اكثر من ريم : شو نسوي؟؟؟؟؟؟
ريموه بتوتر شديد وهي تشوف سياير الشباب وتسمع تعليقاتهم : مااعرف .. خلينا نسير مشي!!
غايوه : شو ؟؟؟ .. وهزاع؟؟؟
ريموه وهي مغيضه : لو صدق هزاع بيينا ماتأخر ل ها الوقت!!
غايوه : المشكله اني رمست امايه هب هزاع .. يعني اميه هب نسايه كيف مااتصلت بهزاع؟؟؟؟؟
ياترى شبيصير بغايه وريم ؟؟؟؟ وهل حد بيتعرض الهم!!!!!!!؟؟؟؟؟
^^^^^^^^^^^^^^^^
فاحدى المستشفيات
...: شتسوين؟؟
..: مااسوي شي .. بس ادور على رقم بيت .. (مرت فترة قصيرة الا البنيه تناقز ) .. كاهو كاهو الرقم
.....: زين يابوج .. مهوي مايحتاي جي تصرخين
مها : والله كسر خاطري يا لولوُه مسكين
لولوة : اعرف انه مسكين .. يلا دقي دقي
مها وهي تجوف الارقام وتضرب هم بحماس على ازرة التيلفون
مها وهي تتكلم فالتيلفون : الو .. السلام عليكم
الطرف الثاني صوت شيبه كبير بالسن : وعليكم السلام
مها : مرحبا الوالد .. هذا بيت بو محسن؟؟؟؟؟
تتوقعون شيصير؟؟؟؟؟
اكمل؟؟؟؟؟
اكمل ولا؟؟؟؟؟؟؟
اكمل؟؟؟؟؟؟؟؟؟
الطرف الثاني : .....(بعد فترة هدوء) .. لابنيتي هاي مب بيتهم
مها بانصدام .. وهي تجوف لولوة الي تجوفها وتحرك راسها باشارة شنو؟؟؟ .. وهي تتطالع والحزن شوي ويطلع من قلبها : .. مشكور الوالد .. بس ماتعرف وينهم ؟ شصاير فيهم!!!
لولوة وهي توها تستوعب
الشيبه: بنيتي ماعندي خبر عنهم
مها : ولا حتى البيت الي انتقلو له
الشيبه وهو محتار: لا بنيتي
مها وهي تبتسم : خلاص عيل مشكور .. تعبناك ويانا
الشيبه : خذي راحتج بنيتي
مها : يلا مع السلامة
وهي تصكر السماعه بعد ما فقدت الامل
لولوة: ها بشري ليش جي عبستي ... (وهي تضحك ) ههه ها اكيد مقلب من مقالبج .. يلا اعترفي متى بيون اهله؟؟؟؟؟؟؟
مها وهي مب فاضيه للولوه ومزحها : وخري زين .. طلع مغيرين بيتهم
لولوه : ويه؟ عيل شلون بنبلغهم عن ولدهم؟؟؟
مها بضيج : وانا شدراني
؟؟؟؟؟؟
لولوة : واحين انتي ليش متضايجه؟؟؟؟؟؟؟
مها : اوه .. مريض وابي اهله يعرفون عنه يعني شنو؟؟؟
لولوة توها تستوعب: يعني صج مغيرين بيتهم؟؟
مها وهي معصبه علة لولوة واستهبالها : تصدقين عاد
لولوة : ول ول ول جبريت .. يابوج ماقلنا شي
مها وهي تاخذ الملف الي طلعت منه رقم بو محسن بس مالقته وضمته لصدرها وبحركة تلقائيا جدا : شنسوي فيج يعني؟ (وهي تحرك الملف وترده مكانه)
راحت مها تشوف شغلها وتمر عالمرضى .. لانهم متدربات مب دوام عادي ووياها رفيجتها لولوة
اما فاحد الغرف الي بالمستشفى
فتح عينه والازعاج مالي الغرفه الي فيها .. بعد مارمش رمشتين .. لقا امه .. وخواته .. واخوانه .. والاهل كلهم بالغرفه .. ابتسم لهم ..
ابراهيم : هلا ابوي .. شلونكم
الام وهي تفز من على الكرسي وتقرب بسرعة لعند ولدها ودموعها تغالبها : هلا يمة .. حمدلله على سلامتك (وهي بدت تعاتب وتصيح ) .. مب انا كم مرة قايله لك لاتركب ويا هالشباب .. جوف شسوت فيكم الاستعراضات وهاي الي شتسمونة؟ تقحص مادري تحفص وتحقص؟؟؟؟؟
ابراهيم وهو يبتسم : يمه .. شحقه البجي؟؟؟ .. (وهو يمسح دموعها) .. وبعدين انا قلت بندور ويا الشباب فالسيارة واهم الله يهداهم قعدوا يستعرضون
ام ابراهيم : ولو صار فيك شي؟؟؟؟؟؟
ابراهيم : يا يمه لاتكبرين السالفه .. وهي ماتستاهل؟
ام ابراهيم: ماتستاهل؟؟؟؟؟؟؟؟ وهاي حياتك؟؟؟؟؟؟؟؟!!
ابراهيم وهو يحاول يغير الموضوع : عيل شلونه محسن؟؟
اعتفس ويه امه .. وقامت من عنده وهي تطالع ابوه .. وابوه يطالعها .. خاف ابراهيم .. والهدوء لفح المكان .. وتسلله بشوي شوي ..
ابراهيم ويقطع حاجز الصمت : شفيكم سكتو؟؟؟؟؟؟؟؟
^^^^^^^^^^^^^^^^^^^^^^^
http://www.eqla3.com/vb/attachment.p...&stc=1&thumb=1
..: ها شلونكم
بضيج : الناس تسلم اول
فيصل : اسفين انسه يزوي
يزوي: مب قابلين اعتذارك
فيصل : وايد همني يعني قبلتيه ولا لاء؟
يزوي وهي عصبت : جب انزين لاتكلمني
فيصل وهو يقرب صوبها عشان يخرعها : شقلتي
يزوي ماتت من الخوف لانه قرب منها وايد.. لكن لا وبعناد : قلت لاتكلمني
فيصل كان مجابلها وقريب رفع حاجب واحد : لا ماسمعت رفعي صوتج شوي .. يلا قولي اسفه
يزوي : لا والله من لازم يعتذر من الثاني
فيصل : انتي
يزوي : نعم؟؟؟؟؟؟؟؟؟؟؟؟؟ ماسمعت ؟ عيد عيد عيد
فيصل : عيد ولارمضان؟؟؟؟
بدور: هههاي حلوة حلوة فصول .. وبعدين (وهي توقف بينهم ) ياست يزوي .. اعتذري من اخوي احسن لج
يزوي : والله اعتقد يابدور مو انا الغلطانه
فيصل وهو يقرب صوبها وهي تخرعت : شنو يعني
يزوي وهي تصرخ : روح بعيد روح روح (وهي تصرخ وخايفه حدها) حمار .. مااحبك
وهو يمسك يدها ويلويها : شقلتي شقلتي ؟؟
يزوي وهي تسحب يدها من يده بالغصب وقالت : مااقول شي اوف
فيصل وهو يبتسم بخوف خرع يزوي : لا عبالي بعد (وهو يجوفها)
وهي معصبه ليش جي يجوفها بهالنظرات الخايسه : ليش جي تجوفني ؟ مب عاجبتك!!!!!!!!
فيصل وهو يطالعها بنفس النظرات ورفع حاجبه طاحت عينه بعينها جاف الغضب كله بعينها ابتسم ابتسامة بانت على جنب: ....
عصبها سكوته : خايس اكرهك
ومشت عنه .. فهالوقت بدور ومريوم كانوه فالمطبخ .. يعني الحديقه كانت خاليه مافيها غير فيصل .. واليازي ..!!!!!!!!!!
سحبها بالقوة من يدها : شقلتي؟ عيدي الي قلتيه
وهي خايفه وشفاتها كانت على وشك تبان رجفتها .. سحبت يدها بقوة لكن مافي فايدة فيصل كانت يده اشد من يدها : هد يدي .. انته مو من حقك تلمسني .. ولا من حقك تمسكني انزين
فيصل باستعيال : جب .. انزين انا لي كل الحق انا خط ( انصدم شلون كان بيقولها .. زين ماقلها ولا فتحت فالبيت مناحة واصراخ عمره مابيتصكر.. وهو يفكر .. اما اليازي ارتخت ملامحها واكتست بالصدمة من اول حرفيت تخرعت .. وارتابت من الكلمة وهاي بان من لينه يدها ترك يدها فيصل وهو يحاول ايب كلمة مناسبه فيها هالحرفين ) .. انا خطيت لج اللوحة الي قلتي لابوج تبينها من المكتبه ...
اليازي وهي مرتاحه من بعد ماسمعت الي قاله فيصل .. بس حاولت تركب الي قاله توه والي قاله مساعة .. مافي تناسق كلش!!..: وشنو يعني ؟؟؟ اناماطلبت منك انزين؟.؟؟؟؟؟؟ والله
ابتسم وهو يجوفها : يزوي .. شفيج اليوم علي؟؟؟؟؟
يزوي وهي تصد عنه : انا؟؟؟؟؟ ولا انته ؟؟؟ من اول مادشيت وانته جنك جنك .. (كانت بتقول جلب بس سكتت خافت يهاوشها .. لانها مالها بارض تتضارب وياه وفالنهايه يقولون اهي الغلطانه ),, جنك جنك (خانها لسانه ومالقت شي او أي كلمة تنقذها من هالموقف عكس فيصل .. الي لقا الي ينقذه من الي كان بيقوله)
فيصل وهو يرفع حاجب واحد (وبعدين مع هالبنت ) : جني شنو
يزوي وهي متوهقه : جنك ....
فيصل : شنو اكمل الفراغ ولا شنو
يزوي :........
فيصل : تدرين
يزوي وهي تطالعه ونزلت راسها: شنو
فيصل : اشتقت لايام قبل (وهو يرد يقعد عالكرسي )
يزوي وهي تقعد عالحشيش وهي معصبه عليه وودها لو تلطة كف يعدل راسه .. ..
كان يجوفها .. كانت لابسه جلابيه حمرة وفيها برتقالي وشوي اصفر .. وشيلتها كانت من على طرف مشيرة بنفس الالوان على شكل فراشه .. كانت من صج صج حلوة
تذكر رسمتها الرصاص الي فيها فراشه
غمض عيونة .. كل دقيقه .. وكل ثانيه .. وكل نجره .. وكل ضحكة .. وكل غضب .. وبكل المشاعر .. يغوص بحبها اكثر واكثر .. قام من كرسيه .. وراح قعد على الحشيش .. بس طبعا بعيد ..
يزوي كانت متألمة من قبضه يده القويه فعيونها كانت تدمع .. بس ساكته لانها تدري اذا تكلمت بتصيح .. اما فيصل فكان يجوف اشجار النخيل ,,, التفت لها .. لقا ويهها احمر .. خاف لايكون فيها شي
راح لعندها : يزوي؟؟
يزوي وهي تحاول تخلي ردها عادي وبدون مايبين فيها شي نطقت وصوتها يقرب للهمس: شتبي؟
نزل راسه وهو يحاول يجوف عيونها الي كانت تجوف يدها الي بحظنها .. وقعد جدامها : يزوي بالعاة تزفين .. شفيج ؟ زعلتي مني .. والله انا اتغشمر وياج .. يويزة تزعلين من فصيل تزعلين من فويصل؟؟؟؟ تزعلين مني؟ تزعلين من فيصل؟ ولا من فصيل؟؟؟
يزوي وهي مب زعلانه عليه كلش ولا حاطة بخاطرها عليه بس موقفه كان سخيف .. وكانت معصبه عليه اهو ماايحق له يمسك يدها : لا .. مازعلت بس,, (وهي ترفع راسها) ..
فيصل: بس شنو يزوي؟
يزوي: مو من حقك تمسك يدي انا لا امك ولا اختك ولا بنتك ولامرتك!!!!!!!!
غمض عيونه يوم سمع مرتك ويقول بخاطره (انشالله يايزوي .. انشالله ) :.. انزين .. خلاص انا اسف .. بس انتي لاتزعلين .. يلا عاد ضحكي.. حد قالج ان ويهج جي جنج ينيه؟
ضحكت يزوي من كلامة : احلا من ويهك انزين
فيصل وهو يمشي وياها : انزين؟!
فهالوقت بدور ومريوم كانو يايات بدور بمكر : ها تضحكون؟؟؟؟؟؟؟؟؟
فيصل وهو يبتسم يعرف اخته تبي تعرف شصاير مايلومها اول مرة : الاميرة يزوي رضت علينا
يزوي وهي تتفاخر : احم احم
فيصل وهي يجلع شوي من الحشيش ويفلعه فويهها وهو يضحك : ههه احم احم
يزوي وهي تضحك بس عصبت وهي تسوي نفسها معصبه : والله يافصول بتجوف شي ماجفته .. وهي تضربه بصحن النايلون
فيصل وهو يضحك ويحط يده جدام ويهه عشان مايي الصحن على ويهه: بس بس وصختيني بهالصحن
يزوي وهي تضحك : احسن ههه
بدور وهي تتهاوش وياهم ايوا ايوا يزوي اضربيه على راسه
ومريوم بعد قامت من الكرسي وقعدوا يتهاوشون .. وفيصل ميت عليهم من الضحك .. كان يحسهم يهال فجسم بنات كبار ..
يزوي وهي تعبت :ههه ها تبت ولا لاء؟
فيصل وهو ميت من الضحك عليهم : ههه انتو الي تعبتوا وطلع نعاله وقام بيخوفهم اونه بيضربهم وكلهم ركضو عند الكراسي
بدور : ههه واي بطني ههه
مريوم : ههه انيت بطنج عورج انا حلجي بيتشق من كثر ماعورني واي ههه
يزوي وهي تضحك : ههه صح بدور وينه كتابج للحين مافهمتج المسأله
بدور وهي تتوقف عن الضحك : ههه ههه هه ه ه .. اوف لازم تذكريني لازم تعكرين مزاجي؟
يزوي وردت تضحك:ههه انزين وينه يلا ابي اروح ادرس انا بعد ..
مريوم: اوف مااعرف شلون انتي تطيقين الكتاب .. انا ربع ساعة وباليالله اجابله
يزوي : ههه حبيبتي هاي ثالث ثانوي مب أي شي .. يعني لازم نسبه تشرف
مريوم : اخر شي بنقعد ببيت ريلنا .. بعد ندرس حق شنو
يزوي وهي تضربها على رسها وويها احمر: بس يلا جب .. ماتستحي هالبنيه
مريوم: شنو بعد اقول الصج
فيصل كان ساكت ويطالعهم .. اول مرة يحس انهم بشوشين وايد .. ولا بالعادة مايتحجون جدامه : يزوي ..(طالعته اليازي) ,, فزي يبي لي ماي
يزوي: لا والله؟؟؟؟؟؟؟ وبعد فزي؟ ايم سو سو سو سوري تبي اشرب جاي اكا محطوط (وهي تأشر دله الجاي ..)
فيصل : ياربي انتو العناد من وين يايبينه؟
يزوي: وارثينه منك
فيصل : حشى علي ..
يقاطع كلامة ييت يده
و
وكلهم يقومون يسلمون عليه .. ويقعدون يسولفون
فيصل .. حس بسعادة .. سعادة كبيرة .. مايعرف شلون يوصفها لكم .. اخيرا حاول انه يشيل الجدار الي بينه وبين اليازي .. ياترى هالسعادة بتستمر؟ ولا اليازي بترد تطقع له؟؟؟؟؟
^^^^^^^^^^^^^^^^^
في بيت ثاني من بيوت الدوحة
عند التلفزيون
كان الهدوء يعم المكان .. كل واحد يجوف شاشه التيلفزيون .. لكن مب كلهم بالهم مع الي يصير في التلفزيون
يات ام محسن وهي تقعد عن بو محسن : يابوناصر( من يوم ما طرد بو محسن محسن من البيت كان عصبي ويكره اسم محسن .. والي ايب اسمه مابيجوف خير .. عشان جي الابو حاول يتناسى ولده ) بوجاسم اتصل فيك من شوي
بو محسن ماكان وياهم ولاكان يسمعهم كان يفكر : ها؟؟؟
ام محسن : هو شفيك بو ناصر؟؟؟ (وهي منكسر قلبها على كلمة بوناصر من بعد ماكانت بومحسن )
بومحسن: لا كنت افكر فالسوق .. اليوم يانا واحد يقول بياخذ كل الاسواق وبيشتريهم .. عاد ماندري نبيعهم عليه ولا نخليهم ؟
ام محسن : انته شتجوف؟
بو محسن بحيرة : ماادري؟؟؟
العنود وهي نازله من على الدري كانت تسمع حوارهم وقلبها يحترق على اخوها محسن .. خايفه عليه .. من زمان ما سمعتهم ايبون طاري محسن
وهالشي حز بقلبها وايد
ام محسن وهي تطالع العنود الي كانت نسخة من ابوها بس ملامحها حلوة وايد ..: يمة العنود .. روحي زهبي القهوه والفواكة .. عمج بو محمد بيي
ابتسمت العنود بخجل: انشالله يمه
ام محسن ابتسمت وهي تجوف بنتها
العنود دشت المطبخ وسوت جاي وقهوة وهالسوالف
ومن مابين وهي تششتغل تسمع صوت من وراها .ز فعلى طول خمنت ان هاي ناصر
العنود : نصور اطلع برع خلني اشتغل
..:.............
العنود وهي تفتر وهي معصبه وخصلات من شعرها كانو ظاهرات بسبب شغلها ماقدرت تدخلهم ..
الا تنصدم بريال .. ايه ريال .. لكن شنو حلو .. شنو وسيم.. ماشالله عليه صج حلو
العنود وهي تحاول تعدل شيلتها رغم ان يداتها فيها شوي من العجين
محمد: ههه يمه شكلج يخرع جنج جايفه يني
العنود باحراج كبير .. : محمد ؟؟!!.. هلا هلا محمد (وقلبها يطق طبول )
محمد وهو يبتسم لها بحب : هلا وغلا فيج .. شلونج؟
العنود بخجل: الحمدلله .. ها عمي يه؟
محمد وهو لاازال مبتسم : ايه يه
العنود : صح شبغيت من المطبخ ؟ (وترد تلتفت للي تسويه وقلبه

بصراحة حطمتوني
انا بطلب من احد المشرفات حذفها

على فكرة دي القصه نقلتها بس نسيت اكتب اسم كاتبه القصه وهي كاتبه قطريه دانة الدوحة
بنزلها ليكم بس ميب هالحين