لحقوا عليي والله اني بكرب ما يعلم فيه الا الله دعواتكم

1. السلام عليكم


2. ياربي ردني لزوجي


3. ياربي رحمتك كل شي مسكر بويههي


4. ادعوا لي ان ما يمر هالاسبوع الا واحنا رادين لبعض تكفون ادعوا لي

السلام عليكم

خواتي تكفون ساعدوني واسوني ماني عارفه شسوي انهرت ضعت حياتي ضاعت ياربي ارحمني انا تطلقت من شهرين وكنت حامل قبل لا اولد بشهر تقريبا و اقل شوي والسبب خلاف عادي بسبته كان بقطني في بيت اهلي واخوي كلمه وتهاوشوا فعاند وطلقني وهذا طلاقي الثاني زوجي ظلمني فيه ماهقيت يسويها وعندي منه يوم يطلقني ولدين والحين هذا ولدي الثالث وانا حملت عشانه قام وطلقني وقبل لا اولد ظليت بشقتي على امل يردني انا ساكنه عند حمولتي وابوه كلمه وعيز منه ماكو فايده وامه كلمته امي حاولت فيه ماكو فايده وكنت مستمره بصلاه الليل والدعاء والصدقات بنيه ان ربي يرده والله ماكتب حتى عيالي حاولوا فيه ماكو فايده مع انه متعلق فيهم
وعقب ولدت بقيصريه كان الولد تعبان لان كنت كله منهاره وابجي والحمدلله ربي حفظه وثبتنا الطلاق عقب ماولدت باسبوعين اصر الا يثبته
وحاولنا فيه انا ذليت روحي له عشان يردني واهله كلموه وامي ترجته ماكو معاند ويقول يصير خير والحين مابي ارجع وقبل طلعتي كان قايل لامي انا بقرصها وتاملت وانا بالنفاس عالرده وشريت قميص نوم اتفاءل فيه وعطورات لي وشريت له عطر هديه على امل اذا ردني اعطيه والحين طلعت من الاربعين ومايبي يردني
عيالي نفسيتهم تعبانه يبون نرجع وولدي الصغير والله حرام ايي يشوفه 10 دقايق ويطلع
انا حتى اغراضي ليلحين ماخذيتهم على امل الرجعه متفاءله ان بردني باذن الله واغراضي وايد ششيلهم ؟
و اذا ماردني برفع قضايا وبطلب سكن لان ماقدر اقعد عند اهلي مشاكل والبيت صغير وابي اخذ راحتي وتخيلوا قلت له اني راح ارفع قضايا قال رفعي كيفج واهو ماعنده اصلا مفلس بس يكابر
ياربي ارحمني مافيني شده على المشاكل والقضايا والمحاكم والله كل يوم ابجي ومنهاره ماتنفست عدل ونزلت 17 كيلو
والله هالهموم فوق طاقتي بس ماعدت اتحمل بنفجر بنفجر حتى ولدي عاف صدري اهو بالاساس كان يرضع مني حليب كله قهر وهموم
ياربي رحمتك ابي ارجع بيتي ابي زوجي اهو صج على عيوبه بس كان ساندني وانا الي عندي صبيان يبيلهم ابو يربيهم
واذا ماردني انا صغيره ماراح اقعد من غير زواج بخاف على نفسي من الفتنه وعيالي حزتها بضيعون ممكن اهو بعد يتزوج ياربي ارحمني شسوي ؟

ياربي ردني لزوجي

والله مو مخليه استغفار ولا صلاه ليل ولا دعاء ولا صدقات ولا قران والله ادعي ربي واتذلل والح نفس الطفل اذا بغى طلبته وابجي من قلب وانا ادعي وكل ما دعيت ان الله يلينه لي ويسخره لي واكلمه القاه يعاند اكثر ويكلمني بعصبيه يحسسني ان مافيه امل للرده حتى لو كنت ابي طلب منه لعيالي
ياربي رحمتك كل شي متعسر وامي تعبانه بالمستشفى حاليا وصدرها تعبان وشايله همي وتدعي لي مسكينه
ياربي ارحمنا من هالمصايب وفرج همومنا
اه اندقرت انكسرت كنت حاطه امال على طلعتي من النفاس كنت بحجز بفندق ليل وكنت ناويه اشتري قمصان نوم كنت حاجزتهم من النت غير كريمات وسنفرات التفتيح والصالون واغير اثاث شقتي واروح العمره معاه
اه كنت متامله اني اكون عروس لكن حلمي تلاشى حدي اندقرت
ياربي رحمتك ياربي رحمتك ياربي ردني لزوجي ولبيتي
اللهم رده الي ردا جميلا
انا الحين عليي الدوره الي بعد النفاس ومتامله ان ممكن يردني عقب الدوره طلبتكم ادعوا لي انا ابي زوجي واحبه ابيه ياربي ارحمني ابيه
ياربي رحمه بعيالي ردني لزوجي لاتكسر فيهم اطفال مالهم ذنب
هذا غير شماته الناس
ياربي ارحمني لاتشمت فيني الناس ربي لاتكسر لي نفسي بين المسلمين
انا اعرفه زوجي ماعنده خرابيط بس مادري ليش صار جذي انا اعترف كنت وايد عصبيه فتره الحمل واهو بعد ضايقني بشغلات وغير اني كنت اعاني من مشكله بدوامي مع مديري وليلحين ما انتهت
ياربي رحمتك المصايب تكودت عليي
انا ليلحين مارفعت قضيه على امل الرده وماعندي فلوس للمحامي وقاعده ادعي ربي ان يبعدني عنها ويردني لزوجي
تكفون ادعوا لي وعطوني ادعيه مستجابه ومفعولها سريع بالاجابه عند ربي تكفون
لا اله الا انت سبحانك اني كنت من الظالمين
امن يجيب المضطر اذا عاه ويكشف السوء
اللهم اجرني في مصيبتي واخلف لي خيرا منها
تكفون ساعدوني ضاقت فيني الدنيا انا عمري ما ظلمت احد ماقصرت على احد والي بايدي مو لي
يارب يارب عجل لي في الفرج تعبت وانا صابره والله خايفه الصبر اييب معاي نتيجه عكسيه
ياربي ارحمني انا ادري انك ما ابتليتني الا لانك تحبني بس ياربي ارحمني وريحني واسعدني ريحني من الهم الي انا فيه رحمه بعيالي

ياربي رحمتك كل شي مسكر بويههي

ادعوا لي ان ما يمر هالاسبوع الا واحنا رادين لبعض تكفون ادعوا لي

يارب يامن امره ماموره بعد الكاف والنون انما اذا اردت شيئا كن فيكون لاترد دعوتي طلبتك انك تبعدني عن المحاكم والقضايا والشقق وان ما يمر هالاسبوع الا وانا راده لزوجي ياربي طلبتك ومديت لك ايدي لاتردني خايبه لاتشمت الناس فيني وارحم عيالي هالمكسورين وان اول ما نرجع ترزقنا بالعمره يارب يارب يارب قادر وكريم ورحيم
اللهم ياجامع الناس ليوم لا ريب فيه اجمع بيني وبين زوجي عاجلا غير اجلا
ميته على العمره خبري فيها كان عمري 10 سنين بعد التحرير سنه 1991 ياربي اكتبها لي هالسنه مع زوجي يارب