لعيونك يابنتي ولعيون الفراشات حلى لذيذ بالصور

كيفكم يا فراشات ان شاءالله كلكم بخير
هذه اول مشاركة لي بمنتدى الفراشة فاعذروني اذا فيه شي مو واضح
بنتي الله يخليها لي طلبتني اسوي لها حلى و طبعا لانها صغيرة بالسن احترت
وش اسوي لها حلى يكون سهل عليها حمله للمدرسة و توزيعه على البنات
والمشكلة الثانية انها ما قالت لي الا بعد ما رجع ابوها للبيت و كل ما جا حلى ببالي
ما القى عندي اغراضه وبس بالاخير قدرت اجمع اغراض حلى بس لازم يكون صينية
ولكني عملته في صينية "الكب كيك" ...
عارفة طولت عليكم بس لازم اعيشكم الجو ههه
نبدأ بسم الله الرحمن الرحيم
هذه الصينية ووزعت عليها ورق البليسية
المقادير :
الطبقة الاولى : خليط الكيك الجاهز تعملي نص المقدار بس بيكفي
"وممكن كيك اليمامة او سفن دايز "
وهذا المقدار متوزع حطي فقط ملعقة وشوية لكل كبكيك
وندخلها الفرن لمدة عشر دقايق
الطبقة الثانية:
ومقاديرها :
فيها خليطين :
(1) كاس ونص موية + 4 ملاعق حليب بودرة + 2 كريم كرامل
ثم نحطها على النار لغاية ماتغلي
بالوقت هذا اعملي الخطوة الثانية الي تحت
(2) نطحن البسكوت الي بالصورة + ثم نحط علبة قشطة + 1 ملعقة نسكافية ونخلطهم مع بعض
وبعدين نضيف خليط الكرامل عليهم ونحرك زين
ونوزعها على الكيكات
ونرشها ببودرة الشوكلاته نسكويك"الافضل نرشها ببودرة الشوكولاته المرة"
وهنا جا وقت الجد والتغليف بحثت بدولاب العلب ولقيت هالعلبة جاتني هديه فيها حلاوة واحتفظت فيها ونفعتني
وهذه صورة الحلى وهو مغلف
وهذه لاحلى رد
جربوها والله لذيذة
وسلامتكم
الي اعجبها الشغل تقول ماشاءالله والي ماعجبها عاد بكيفها>> مدري تورطت