للأسف انها جامعة نورة

1. سأنقل غيضا من فيض .. وإن شئتم فلدي مزيد ومزيد


2. اليكم ماتم حصد فائدتة من هؤلاء النصرانيات بين فتياتنا

مساكم /صباحكم خير ..}
بدون مقدمات ..
وبكل ماافي قلبي من الم اكتب لكم ..
جامعة الاميرة نورة ..
يبون يتقدموون ويطورون اللغة الانجليزيه لدى الطالبه .. ولكنهم للاسف ..
من حفره لدحديره ..
خلوني اقولكم شسالفه ..
اول يوم عندي يوم الاثنين .. بتاريخ 12-10-2009
بالميلادي ..
لان الجامعه والتيتشرات لا يعترفوون بالهجري اللي اهو التاريخ الرسمي عند السعوديه ..!!
اول ما ادخل .. اتفاجئ بتفلت الجامعه ..
عكس كل السنين ..!!
من ناحية البنات <~ طيب نقوول اوك .. بطقاق اذا كانت السالفه من ناحية بنات ..
طيب غير البنات
السيستم اللي هو نظام الجامعي ..
ندخل الجامعه 8 الصبح ونوصل البيت لما يصلون المغرب .. هذي اي دوله تسويها عشان كذا احنا نقلدهم ...!!!
طيب غيره ..
كل التيتشرات لازم يتكلمون انقلش .. يعني اللغه الرسميه هنا انقلش << قلنا يمكن عشان يطورون اللغه عندنا .. لكن يكون مافيه نااس تتكلم عربي بشكل صحيح هنا المشكله ..
وع كل هذا .. لا ندرس دين ..
<~ بتقولون من زوود الدفره تبين تدرسين ماده ثانيه اللي اهي الدين ..
والله مو شي ......... لكن ..!!
تصل السالفه الى ان يكون في جامعه من دوله اسلاميه مثل السعوديه .. <~ تنصير
هنا نقول المعذره stop ..!!
تيتشر الانقلش .. يوم الاثنين .. تدخل النت تطلع لنا وسيله عشان ندرس .. ينفتح لنا ميوزك بالغربي تقووم تستنزل علينا ..!!!!!!!!!
وتحرك راسها يمين ويسار وكنها تقول مشتاقه ..!!!!!
طيب خليكم من هالكلام ..
التيتشر .. ما معها شهادة علميه تخليها تجي تدرس مستوى اكاديمي ..!!
و أصل وضيفتهم تمريض والا حتى متخرجين من ثانوي <~ بس جابوهم عشان عندهم لغه ..!!!!!!!!
طيب المشكله الكبرى ان مستواهم بالانقلش اقل من متدني .. !!
متدني قليل في حقهم ..
ام ان الاختيار كان ع حسب الشقار والعيون الزرق ؟؟؟؟؟؟
لا وبعد.. يبون ينوعون لنا جابوا لنا من النقى اللي هم سود الغرب ..!!!!!!
تقوم تقولنا التيتشر .. انتوا يا العرب تتكلمون بلغه صعبه تشق الانفاس لما تطلعون الحروف اما نحن يا ~> الأمريكين .. نطلع الحروف من اطراف الشفه ..!!!!!
<~ وفي الاخير ما تطلع امريكيه .. تطلع استراليه بسس تبي تشوف ردة فعل البنات قدام تقول امريكا !!
جربوا تتكلمون عربي عندهم ....
يرددون بليز توك انقلش .. وي دونت نو اربك .. !!!!
طيب ليه تجون السعوديه وانتوا ما عندكم استعداد تتعلمون عربي ..!!!!!!!!!!
عطونا انقلش .. نعطيكم عربي ..
بس للاسف واضح البغض لنا .. ك /مسلميين ..!!!
عندنا بالجامعه مقسمين البنات الى 6 مستويات <~ ع حسب معرفتهم ومستواهم بالانقلش ..
المستوى الاول اللي نسميه ليفل ون .. اهو مستوى المتدني .. يعني ما يدبرون شي بالانقلشش ..!
تتكلم التيتشر بطريقه جدا مخزيه للي اختاروها ك تيتشر لجامعه كبيره بالرياض مثل الاميره نوره واللي قبلوا فيها بنات العرب بنسبة 90 بالميه ..
<~ تجي تبلع لنا الكلمات اللي فيها ~> T
وتنطقها بطريقه مختصره جداا ..د
يعني والله اننا نطلبها ان تعيد الكلمه عشر مرات ..
وتقول .. You know the donkey??
يعني تعرفون الحمار؟؟ <~ .. كنها تقول انتم كذا ..!!
منهي اهي حتى تقول كذا وتجرئ ان تقول وتسب مثل هالحكي ..!!
يعني لو انها جد متعلمه لدرجة الماستر اقل شي .. كان ما قالت ه/الكلام
وبعدين يا غريب كوون اديب مهما كان ..
طيب
وحده من البنات تسأل تيتشر .. !!
ار يو مسلم .. ؟؟
تقول .. هاف هاف ..!!!
طيب يا امي قولي ماني مسلمه <~ ولا خايفه نفجرك ..
طيب مو مشكله .. زين انها ما كذبت وقالت انا مسلمه ..
المشكله ..
ان تجي تيتشر تمر من الاسياب حقت الجامعه ولابسه .... تبون تعرفون وش لابسه ؟؟؟؟
لابسه سلسال يحمل الصليب .. واللي ما يشتري يتفرج ..
هنا مرا نقول انهم يحترموننا ويحترمون بلدنا اللي هو منبع الاسلام ..لدرجة قاموا ينصرون بناتنا ويوصخوهم بافكارهم ..!!!!!!
وللاسف البنات مخفا ات ..!!
لو انهم جد عاقلين كان قلت حرام كبار ومو مخفات .. وانا اتكلم عن بنات 90 بالميه من الجامعه ..
لكن .. توصل لدرجة التيتشر تقول ..
انا عيد ميلادي مدري متى يعني بعد اربع ايام من اللحين بالميلادي ..
والبنات ب/صوت واحد ..
واو زين قلتي لنا عشان نسوي لك اكشن بمحاظرتك
ونجيب لها قيفت ونردد ~> هبي برث دي تو يو ..!!!!!!!!!!!!
تيتشر ثانيه ....
تقول انتوا يا السعوديين ما اتوقع عندكم .. وما عندكم .. وما عندكم ..واحنا عندنا ببلدنا ... يعني وش ؟؟
<~ يا انتي احنا اللي مطورين العالم .. بس المشكله لا خذلتنا حكومتنا وراحوا للعالم يجبون لنا حثالة العالم ..
تيتشر ثالثه ..
تطلبها احد البنات جزاها الله خيرا ورفع قدرها وثبتها ..
تطلبها .. بريك صلاه ..
بدت تنقلب علينا وكأن البنت طلبت منها ان ترقص والا تلفضت عليها ..
طبعا ما يمديها تقول نوو
فقالت ..
يابنات .. شرايكم اعطيكم بريك عشر دقايق صلاه ونرجع نكمل المحاظره ..؟؟
او اعطيكم عشرين دقيقه اخر المحاظره ومنها ما عاد ترجعون للقاعه ..؟؟
<~ كنها تقول قولوا يس نبي نطلع اخر عشرين دقيقه لانه عرض مغري بعد كرف من الساعه 8 الصبح وكانت هذي المحاظره الاخيره ..
والبنات كلهم يرددون الصلاه ما انتهى وقتها لاحقين عليها .. والمحاظره بعد مهمه ...!!!!!!!!!!!
<~ هذا بداية الخراب لبناتنا .. وبكل اختصار مالهم شخصيه
ولالا تلوموني يوم قلت ..
مخفات
طيب ....
المشكله الاعظم ..
اللي كدت ان اصيح منها ..!!!!!!!
انو واحد من جوازاتنا بالمطار يسأل القروب اللي جت من الخارج عشان يدرسون بنات السعوديه اللي يرددون فيما بينهم انو احنا مجرد لوزر ..!!!
يقولهم ......
<~ ع باله يطق الميانه معهم اخونا اللي من السعوديه الفاشل الغبي اللي مايعرف يتكلم ويظهر صوره للعالم ان احنا اغبياء مثله واشكاله وان احنا ما نعرف نلبس وان احنا جهال ..!!
يقولها واي ديد يو كم هير .. <~ يعني ليه جيتم هنا ؟؟؟
كل وحده قالت لها العمل حقها ..
اللي قالت تدريس واللي قالت معهد واللي قالت شغاله <~ اوت هع
سأل وحده بينهم ..
انتي وش تدّرسين ؟؟
قالت انقلش ..
قال ايش؟؟ واههه وبدا يضحك بصوت الكل يُِِلتفت له من قلة ادبه ومصالته وجهالته ..
قال بالله علميهم الفاشن والازياء والعنايه بالبشره ووشلون الذوق ومدري كيف ..!!!!!
للاسف ماافيه غيره ع بنات وطنه ..
<~او ع باله ان حنا في خيمه ؟؟؟؟؟
والا اهو يتكلم ع مستواه واللي يشوفه ..
بس لا يعمم ..
اهو وضيفته .. يشوف الجوازات مدتها ويوكلهم لشغلهم .. يعني لا يقعد يهايط ..
اللهم لا شماته بس
..
وباقي في جعبتي الكثير ..
لاحظوا اني داومت الاثنين ..بعني بس ثلاث ايام وشفت كل هذا ..
بكرا وبعده و بعده وش نشوف ..!!
ومانراه يستحق ان يرفع للمسؤليين ..
لكني .. اعتذر ..
فلا يحضرني الباقي الان ..
واعتذر .. ع الاطاله ..
وهذي رساله بريد كما وصلتني من طالبات جامعة الاميرة نوره ..
بسم الله الرحمن الرحيم
بحرقة قلب اكتب لكم شيئا مما اجتمع لدي من وثائق
يندى لها جبين عزة المسلم
لما فيها من التأمر على وأد الدين والحياء في قلوب فتياتنا
المجبورات قسرا على الانكسار بقيود الذل لغير المسلم فقط لكي تتلقى العلم من تحت ايديهم !!

سأنقل غيضا من فيض .. وإن شئتم فلدي مزيد ومزيد

بالرغم من عدم كفاءة وقوة من تم التعاقد معهنّ للتدريس فمعلمة بريطانية للمستوى الثالث تحمل فقط الشهادة الثانوية !! وتلك الاخرى كانت ممرضة في بولندا !! وعلى هذا يتم القياس لمستوى مايقدمنّ من علم وخاصة ان بعضهن لاول مرة تكون في مستوى اكاديمي !! ناهيكم عن تدني المستوى التعليمي وعدم الخبرة في طرق التدريس تصل الى الاخطاء التي لاتغتفر
وبما ان مستوى المعلمات ذوات الشعور الشقراء متدني فماهي الفائدة المرجوة منهنّ؟؟ فالهدف التعليمي غير موجود تماما فلماذا تم جلبهنّ والسكوت عليهنّ وصرف خيرات بلدي لهنّ؟؟

اليكم ماتم حصد فائدتة من هؤلاء النصرانيات بين فتياتنا

التحدث عن فوائد الاختلاط فهو يزيد الثقة بالنفس لانك لاتعرف الصح حتى تجرب الخطأ
استاذة المستوى الرابع كولومبية عرضت صورها بملابس البحر مع صديقها على الشاشة الضوئية امام الطالبات مع عرض مشاعر الاشتياق العارمة له !!وعندما تم شكايتها عينت مشرفة لاستقبال الشكاوى من الطالبات !! اما المعلمة الأتيه من جنوب افريقيا فأنها تعيش قصة حب قوية تتابعها الطالبات بقرأة رسائل العاشق لها ورسائلها له بمسلسل شبه يومي
الكثير منهن لابد ان تسمع الموسيقى ولابأس بشيء من الرقص خلال المحاضرة حتى يكون هناك شيء من الحركة والنشاط ومن تعترض على هذه التصرفات تتعرض للشتم والوصف بالغباء وبعضهن احتفلت بعيد ميلادها داخل القاعة كتلك المعلمة السويسرية
التدخين في الممرات وامام الطالبات ومدح فوائد الخمر والاستغراب ان هناك دين يمنعه لانه مفيد ومريح وعلاج للهموم !!
التبشير بالدين النصراني معلمات في المستوى الثاني والثالث اخذن على عاتقهنّ بيان ظلم تعدد الزوجات والطلاق فالمسيح لايرضى بظلمك !!
ملابس عارية وضيقه وشفافة وقلائد الصليب والمظهر الرجولي لبعضهن واعلان محاسن الشذوذ الاخلاقي وانه لابأس به مازال الامر في حدود الحرية والاختيار والرضا بين الطرفين
اوقات الصلاة الغيت تماما في الجامعة والمصلى مهجور وغير مهيأ للصلاة والمحاضرات متواصلة من الساعة12 الى 4 ولايوجد وقت راحه سوى نصف ساعه من 2 الى 2.30 ومن تصلي اخر القاعة يتم التشنيع عليها ووصفها باقذع الصفات !!
هذا لا يحدث هناك في بلاد اليهود والنصارى ...
بل في الرياض
في جامعة الأميرة نورة مخرج (9)مبنى 23قسم اللغة الانجليزية
لماذا ؟؟ لماذا كل هذا ؟؟واين نحن ؟؟
لماذا نصمت على الذل ؟؟ من المستفيد من هذا كله ؟؟
اسأل الله ان يقيض للحق يدا ناصحة تميط هذا الآذى وغيره عن طريقنا وتستبدله بصالحات مسلمات قانتات
فالأمل بالله ومن ثم في رجال ونساء صدقوا ماعاهدوا الله عليه
سألتك بالله تنشرها
اسال الله الستر والعفاف اما قولك عن وأد الدين فلا احد يستطيع لانه دين الله والله متم نوره ولو كره الكافرون