للاهمية ارجو من الجميع الدخول

مرحبا لاحلى فرشات
قريت هذا الموضوع في منتدى اخر على لسان صاحبة الموضوع وحبيت انقله لكم لأخذ الحذر من اصحاب المحلات العالمية (( قمة في النصب والاحتيال))
اليكم القصة وانتم الحكم
""
""
""
السلام عليكم اخواتي بنات ........ الكرام ,,,
ابغى اشرح لكم قضية نصب ,,,ونصب قويه يسونها علينا
المحلات الكبيره ...
اشباه ماكس وسبنسر وزارا واتام وبرمود وفيل فري ولاسنزا والخ
تحت مسمى الشياكه والاتيكيت وتحت
مسمى الخصم الوهمي ايضا .....وهذه احيانا
انا طبعا مااحكم عليهم كلهم ,,,لكن الحذر واجب ....
وهذه مواقفي .............................
اسمعوني زين ,,,,
اخواتي منذ فتره كنت اتناقش انا وزوجي عن الاسواق ومابه
من غش وغلاء فاحش ...المهم بعد طول حكي .....
.قال والله ياأنكم انتم يالحريم انهم يغشونكم
غش وانتم ماتدرون
مثل هالمحلات وانهم يحاسبونكم بالغلط وانتن
فاغرات ..
طبعا جاتني كبرياء المرأ ة وقتها والحميّه؟؟؟ قلت ياسلام ليه ياعمري
مانعرف نحسب يعني والا مانعرف نحسب ؟؟؟
قال ههه والله انكم فاغرات ؟؟
وأساليني بعدين اما توقعين انتي واشكالك
يوم من الايام تحت نصبهم وتشوفين ؟؟
قلت يخسون مايقدرون ؟؟؟
شايفه نفسي شاطره ...
المهم يابنات مرت الايام والشهور خ >>>
حشى قصة الف ليله وليله ههه
والكلام بقلبي ,,,,,,,,,,,
المهم من جد يابنات وربي صدق الكلام ...
بالذات هالمحلات الفخمه ...آآآآآآآآآآآآآآآه منها آآآآآآآآآآآآه
حقين الماركات وقسما بالله يتلاعبون بالاسعار
وياخذون على كيف كيفهم ؟؟؟؟
بالذات اللي يشوفونها شبعانه ماعليها ,,,,,
وبعضهم والله مافكروا في شخصيتها من تكون؟؟؟
والا اللي يشوفونها ماتدقق على الحساب ,,والا يشوفونها شاريه كثير
والا زحمه ويعرفوا انها راح تنحرج والخ مواقف كثيره ,,,ممكن يخلونهم يغشوننا ,,,
وراح اقولكم مواقف صارت لي وانتم احكموا ,,,,,,,,,,,,,,,,,
مره روحت محلات اتام ,,,,اوكي ...
دخلت انا وبنتي عمرها 14 سنه الله يحفظها ,,
,ابغى اشتري لها بجايم بيت ونوم وانا بعد ابغى ...
واثناء مانحن نتفرج ..
جاء ابو كرفته خ اسميهم كذا ,,
شكله هندي...حرامي ,,,
المهم قال وش تبغون قلت ابغى بجايم كويسه قطنيه
للبنت هذه ....ولي انا ...مقاسي ,,,
قال تعالي في هنا عرض بجايم من 29 ريال ,,,
قلت كم ؟؟ قال ب29 ريال ؟؟ قلت انا اوكي نشوفها
شوفناها لقيناها حلوة والسعر فيها خيالي ..
قلت انا للتاكيد هل السعر على كل قطعه يعني السروال 29
والبدي او القميص ب29 والا كلها ب29 ,,,, قال كلها ب29 ريال ,,,
وقسما بالله يابنات اني كررتها كذا مره عشان اكون على بينه
عند الحساب...مااتفشل ,,,
قال نعم حتى بنتي معي وسمعتنا ,,,المهم اخترت
اربعه اشكال لابنتي على قولته انا ب29 ريال اللي هى
سروال مع بدي او قميص ,,,المهم انه طقم ,,
قمت انا اخذت لي كما شكلين سروالين مع بدي حمال ,,,
اوكي ..كذا تمام ...
يالله ياحلوات بنحسب على حسب ماقال
كل طقم ب29 يعني ...29 ×4 قطع لبنتي = 116 ريال
وانا 29 × 2 =58
المجموع =174 ...
خلاص روحت عند الكاونتر وقعد يفكك المشابك حق الجهاز وماادري
ايش يسوي هو ورفيقه ويتهامسون بينهم بلهجتهم
حسبي الله عليهم
لاحد مارتبها وطبقها وطقطق على الجهاز .....يعني يعني
.وبعد مارتب كل شيء ...
قال الحساب ,,348 ريال !!!
قلت نعم ؟؟ كيف 348 ..قال ايوه طلعت كذا ,,,؟؟ويتبسم ؟؟
يعني تحسين ان تبسمه تبسم حرامي ؟؟؟
انا وربي يابنات لو قال لي كل قطعه ب29 ماهمني بااشتري
ماهمني وقتها كلها حلوه اصلا وحلوه اسعارها خياليه
,,,لكن ليه الضحك على الدقون ,,,
قلت وشلون طلعت كذا كيف حسبتا ؟؟؟
وقام يعدل بكلامه وصحح المعلومه ويكذب عيني عينك
ونكر كلامه انه قال ان كل القطعتين ب29 ...
قال انا اقول قطعه واحد مايجي ؟؟؟
قلت انا طيب انا سالتك من باب ابغى اتاكد ؟؟ ليه تكذب عليا
ليه ماعلمتني ؟؟ قال الا انا اقول ؟؟ قلت والله ماقلت ؟؟
صارت بنتي معي تتكلم ..قالت الا انت تقول كل القطعتين ب29
المهم تغير وجهه ..قال لا لا انا مااقول ..
والله يتبسم يبغى يطلعني غبيه ؟؟ ويبغى على باله يفشلني
قلت شوف ترى السعر اصلا تافه ماهمني
وعندي ولله الحمد وانا ماجيت السوق الا بااشتري ..
.لكن الضحك على الزبائن عيب وحرام
قال خلاص انتي مايبغى يشتري خليه ؟؟
قلت طبعا بااخليها ؟؟ عنادا فيك ؟؟لانك كذاب ؟؟
وتركته وطلعت ؟؟
وصرت مقهوره بداخلي ,,,, ومن قهري وربي يابنا ت روحت شريت
بجايم لابنتي
اغلى بكثير من هذيك القطعه ب50 ريال ودفعت المجموع 580 ريال ,,,ماهمني
لكن انا انقهرت من الضحكه ,,,اللي يخلونهم يستخدمونها علينا
يالحريم ,,,والله قهر ؟؟
وعلى كذا كذبت نفسي وقلت يالله ياغيم يمكن فهمتيهم غلط
يمكن ماكان قصده ؟؟ يمكن ويمكن ؟؟ وحطيت الف عذر لهم ؟؟
وسكت على الموضوع ؟؟ رغم انيم تاكده من اللي صار كله ...

• ******

شوفوا لموقف الثاني بالمملكه ,,
روحت محلات اعتقد انه نيكلز المهم كله ملابس بنوتات
قمت اتفرج على البناطيل الجيشيه وتبغى بنتي منها
جاء الهندي قال هذا عليه خصم ..
قلت انا بكم قال هذا قبل ب130 الحين 84 ..
قلت انا بقلبي تمام والله حلو اخذت لابنتي واحد
قلت طيب في برمودا نفس النوع ..قال ايه
قلت هات اشوف وطلع لي برموده وبنفس المقاس
قلت كم هذا ..قال بعد خصم هذا يطلع سوا سوا 84
قلت انا تمام هات ,,, اوكي معايا بنات وربي هذا اللي صار
وبنتي معي وسامعه كل شيء ,,
قلت طيب في بلوزه او بودي على هذه البناطيل جيشيه
قال اي وقام طلع لي اشكال ...قال هذه ب60بعد خصم يطلع
يطلع 36 ..قمت اخذت شكلين ,,,
المهم .....يعني يطلع الحساب المفروض ..
84+84+36 +36 = 240 ريال
اوكي
روحت عند الكاونتر ونفس حال الاول ,,,وانا قاعده
ابحث عن صرف عشان اعطيه 240 ريال
اتفأجأ الا هو يقول لي حساب ب 380ريال
فرق 140 ,,,,
طبعا انا ماهمني الاسعار لو عرفت من اول ..لكن
نفس الحكايه انا متاكده من الاسعار ومن كلام الهندي
قلت انا لا هذه عليها خصم ,,,قال لا لا ياستي ماعليها خصم
مين قالك ؟؟ قلت هذاك اطالع يمين يسار شكله متخبىء
وراء الملابس؟؟ قلت انا ماراح اشتريها ؟؟
وتركتها وانا مقهوره لانها حلوه لكن انقهرت من الاستغلال
ليه يسون كذا ويضحكون على الحريم ؟؟؟
طبعا انا اللي فهمته انه هذه حركاتهم يخلون واحد يقعد
يدور مع الزبونه ويقول لها هذا خصم وهذا خصم ويغريها
بالاسعار وبعدين عند المحاسبه طق طق وبكذا الحساب
وتدفع الحرمه مسكينه تصدق وتطلع ,,,
ماراح تعرف المجموع كم الا اذا حسبتهم؟؟؟
حليني عشان تحسبهم والله لاتنسى من يوم تروح البيت
تبغى تنام وترتاح ,,,,,,,طبعا البعض منهن ,,,
او تتغاضى عن المجموع من باب
البرستيج والاتيكيت وكمان الاحراج امام الزبائن الاخرين
ماتبغى تقعد تحاجج بالاسعار تسويها فشله يعني ,,
وانها بنت عز ؟؟ وشوله تحاجج فشيله يعني بنظرها ؟؟؟!!!
,,,, طبعا هذا ينطبق على كل محلات الماركات
وربي يابنات هذه تصرفاتهم ,,,,وهذه اساليبهم
واللوم علينا احنا اللي نصدقهم نخليهم
يحسبون على كيفهم وندفع واحنا فاغراات صدق ...

• ****

الصدمه القويه عشان اثبت لكم صدق احاسيسي وصدق اكتشافي
للنصب والاحتيال ,,,,,,
شوفوا هذه الحركه البارح صارت لي ...>>>> اما عاد هذه قويه
تخليكم تبكون ههه لكن والله
هذا اللي صار شوفوا لاحد وين وصل الاستغلا ل بالناس ,,,
الحكايه ......................
امس روحنا لهايبر بنده واصلا كنا نبغى بنده نتقضى للبيت
لكن زوجي تاخر راح يوقف السياره ...
قمت انا وعيالي دخلنا محلات... فيل فري ,,,,معروف المحل,
وطبعا مثل العاده وانا ادور واشوف البضائع الا جاني عامل
يلف معي ويقول هذه عليها كذا وكذا وانا مطنشته ,,
لكن ذي المره الاخ سعودي ,,تركته ماكلمته ,,,
مسكت بلوزه حلوة مرة سهره ,,شفت قيمتها ب130 ريال
قال هذه عليها خصم ,,؟؟ترددت بالسؤال ؟؟لكن قلت خليني اسأل؟ظ
قلت كم يعني تطلع قال تطلع ممكن ب99 ريال
قلت والله ..قال ايه والله ,,, >>>> ماعاد صار عندها ثقه
المهم اخذتها ,,,, لقيت وحده ثانيه احلى كمان بموديل ثاني
نفس السعر قال حتى هذه عليها خصم ,,,
قمت طمعت واخذتها اوكي ...
اخذت لابنتي برموده ب100 ريال ساده ماعليها خصم
واخذت عليها بلوزه مطرزه ايضا ب100 ريال ماعليها خصم
اوكي مااختلفنا = 200 ريال
اخذت مجموعة تقريبا 4 قطع بلايز ولادي قطنيه صيفيه
بدون اكمام مزلط ...عليها خصم ب19 ريال الحبه ,,,
واخذت بدله كامله بعد الخصم حسبها لي البنطلون
ب45 والبلوزه ب29 ريال..تمام الى هنا حلو
واخذت له كمان بلوزه ثانيه ب29 ريال
واخذت بنطلون برموده ولادي علاقي بعمر 3 سنوات ب48 ريال
والبلوزه ب45 ورجعتها مااخذتها ,,,
اخذت فقط البنطلون ,,,, اوكي هذه كلها اغراضي ,,,
معليش بتعبكم احسبوا معي
بلايزي بعد الخصم تطلع من 99 ريال × 2 =198الحبتين..
البرموده مع البلوزه حقت بنتي =200 ريال
وبلايز ولدي 4 حبات ×19 =76
وبدله بنطلون 48 وبلوزه ب29 =77
وبرمود ه بنطلون علاقي صغير ب48 =48
المجموع الكلي =599ريال ....
والله يابنات قاموا يرتبون الملابس وشكلهم فرحانين
وقعدوا يتهامسون بينهم بين ... ماادري ليش ؟؟؟؟؟؟
واعطوني كروت تعبئه مسابقه ,,, بمناسبة انه
اشتريت
الا والله الضحكه القويه تشوفون الصدمه الحين
وعبيتها واعطيتهم وحطوا الملابس بااكياس روعه ,
واعطوني هدية كتالوجات عن بضائعهم .........
وبالاخير يقول الحساب 945 ريال ..؟؟؟!!!!!!!!!!!!!
قلت ايش ؟؟؟؟كم؟؟؟
وشلون 900 ريال طلعت ؟؟؟؟؟؟؟؟؟
والله يابنات وجوههم تقلبت عارفين ايش يعني تقلبت ؟؟
يمكن انا الوحيده اللي انتبهت لهم ,,,
صاروا زي الخائفين ؟؟
وبالذات انه وقتها داق زوجي يقول فينكم انا ببنده ادور عليكم
سمعوني وانا اقول له طيب طيب احنا بمحل ملابس
والحين جاينك انتظرنا .,,,
وقاعده اقول لعيالي روحوا لابوكم شوفوه هناك عند بنده..
( وانا والله من غير قصد ....)؟؟ وبس سمعوا كلمة ابوكم وماابوكم
راحت اعلومهم ,,,صاروا زي الحاميه اللي يبغون يتهربون ؟؟
وهم فعلا حراميه !!!!!
وانا قعدت لهم افصفص الحساب قطعه قطعه
لاحد ماطلع زي ماقلت 599 ريال ,,,
ويوم شافوني اني رمقتهم بالعين القويه وماابغى افضح
بعمري وماعندي وقت اصلا لهم عيال الكلب بصراحه قهروني ,,,
قاموا يتراجفون ويحطون الاغراض بسرعه وشقوا الحساب الاول
وقعدوا يفرفرون زي البساس ,,,وبالاخير سوا خصم كمان
وخلوا لحساب 499 نقصوا زياده مئه ريال..
والله انها.ثمن سكوتي ,,,
شفتوا كيف ؟؟؟؟؟؟؟انهم خونه
قسما بالله انهم ماسوا كذا الا متعودين مع الحريم كذا
والوحده على طول تحاسب وتمشي ماتدقق عليهم زين
اذا كان حسابها ب400 قال لها ب600 وهكذا ,,,,
والله يابنات كنت اشك بنفسي لاخر لحظه لاحد ماصار اللي صار
البارح تجننت ,,,,,,,,,,,,,,اتخبلت .............
والله لو علمت زوجي وقتها ماادري ويش يسوي ..
تخيلوا من 945 ريال الى 499 ريال >>>> اوف قويه عيني عينك
حسبي الله عليهم ,,,,,,,,,,,,,
اليوم علمت زوجي ,,, انقهر ؟؟؟؟؟ قال ليه ماعلمتيني ؟؟
قلت ماابغى اتعبك واتعب نفسي وافشل بعمرنا
عشان ناس مايستحون؟؟؟
لكن في رب فوق وفي انترنت راح افضحهم
وفي قوانين راح نكلم الجهات المعنيه
بهذا الشان و؟؟ وخلاص ...
قال انا وش قلت لك ؟؟ انا مااقول انكم فاغرات يالحريم
قلت والله انك صادق ؟؟؟ لكن من يوم ورايح ماعاد بكون فاغره
وقسما بالله لاحسب كل قطعه على حده ولاوريهم ؟؟؟
الله اكبر عليهم قولوا آآآآآآآآآآآآآمي ين ؟؟؟؟؟
انا كتبت هذا الموضوع لانبهكم ولحذركم من هذولا الغشاشين
المسمين باانفسهم شركات عالميه الا نصابين عالمين
انتبهوا للحساب زين وربي انهم يستغلونا .,,
اللهم بلغت اللهم فااشهد ...............
وتحياتي ,,,,,,,,,,,,,,,,,,,,,,,,