للبنات اللي صابغين شعرهم تعالو عندي لكم خلطة روعة عن تجربة شخصية

1. ملعقة خل


2. الطريقة :

خواتي الغاليات هذه خلطة للشعر المصبوغ ..
الصراحة انا قريتها في احدى المنتديات قبل اربع سنوات كانت كاتبتها وحدة من الاخوات وجربتها انا شخصيا وسويت منها كمية ووزعتها على خواتي الى هاليوم وانا مستمرة عليها لأني اصبغ دايم واحتاج اغذي شعري ..
شقولكم عن هالخلطة كل مرة استخدمها ادعي للأخت اللي نسيت اسمها ..
فعلا هي غذاء للشعر وتكون له حماية من المواد الكيميائية و الاستشوار الي يسبب له الجفاف والضعف ... المهم وبدون طول حكي .هذي المقادير والطريقة ...
(الكمية تكفي لمرتين متتاليتين مثلا تسوينها وتحطينها الأحد وتخلينها قي الثلاجه وتحطينها الثلاثاء او يسونها ثنتين لأنها صعب تنقسم اكثر )
المقاديرالجافة اللي ممكن تسوينها في علب وتحفظينها : ملعقة قرفة مطحونة
ملعقة قرنقل مطحون
ملعقة حبة البركة مطحونة
ملعقة محلب مطحون
ملعقتين سدر مطحون ناعم
المقادير السايلة والي توضع في وقت وضع الخلطة :
بيضة وحدة
علبة زبادي
ملعقة عسل
ملعقة زيت اللوز ( او اي زيت متوفر)

ملعقة خل

الطريقة :

جيبي كل المقادير الجافة من العطار و وزعيها مثل ماوضحت قبل في علب صغيرة واحتفظي فيها في مكان يكون بارد نوعا ما .. ومتى ماحبيتي تحطين الخلطة خذي علبة واضيفي لها كل المقادير السايلة مع بعض وغطيها زين واتركيها لمدة 5 ساعات .. يعني سويها بالليل مثلا وخليها في المطبخ .. واذا جا الصبح حطيها زي الحنا بالضبط طبعا حركيها بشوية ماء دافئ قد فنجان عشان ما تكون بادرة عليك ، وغطيي راسك ببلاستيك الشفاف اللي نستخدمه في المطبخ لفيه على راسك واتركيه لمدة 4 ساعات وبعدين اغسليه بالماء بس ..
وبالنسبة للريحة المحلب في كثيرين ما يحبونها انا اغسل شعري واطيبه بدهن العود وابخره بالعود المعطر وابد ماتبين ريحته بالعكس تختفي تماما ..
وما ابي منكم الا الدعاء بصلاح الزوج والذرية وحسن الخاتمة
ادري طولت بس صدقوني بتستفيدون وا اجد .