للفراشات البحرينيات سؤال

هلا حبيبتي آيه ..
عندي لج كم مطعم اتمنى يعجبونج ..
عندج في فندق الشيراتون مطعم مفتوح اسمه ((سفاري )) و هو بوفيه
و اعتقد سعره للشخص الواحد 10 دينار ، و حلو كل نص ساعه بوفيه جديد
**************
عندج في شارع المعارض مطعم اسمه (( الملح و الزاد )) مطعم عراقي
هو شعبي و حتى اكلاته مو وايد تقريبا المنيو فيه 10 اطباق بس
بس الحلوو فيه ان صاير تقعدون في غرفه و عليها باب انتو تقفلونه
باب خشبي شعبي ، و جلسه ارضيه و حتى لما يجيبون لكم الاكل
على سفره في الاض ، و فيه غرف فيهم طاولات بس آنا لما اروح
احب من باب التغيير اختار جلسه ارضيه ، و حتى المواعين خشبيه
و اسعارهم رخيصه يعني العشى ما بكلفكم اكثر من 8 دينار
************
مطعم تشيليز في مجمع السيف اول ما تدخلون يكون على اليمين
حلوة اكلاتهم و اسعارهم متوسطه يعني سعر الطبق 5 دينار
و طبعا مفتوح
***********
مطعم جون كارينوز في مجمع السيف بعد ، مطعم ايطالي
اكلاته مكرونات و باستا بأنواعها ، و الاسعار نفس تشيليز
*********
مطعم ابل بيز في مدخل مجمع البحرين ((جيان )) حلوو بعد
اكلاته مختلفه مكرونات و دجاج و سلطات و الاسعار نفس تشيليز
و كل عام و أنتوا بخير

مشكورة نمولة ..... وله انج كفيتي ووفيتي.... ربي لا يهينج ويعطيج يلي بخاطرش جبرتين خاطري الله يجبر خاطرش..... صج الدنيا لاساها بخير والطيبين حاضرين للكل زيك يالحبوبة....