للمبدعات والفنانات واللي غير كذا اتفضلوا

السلام عليكم ورحمة الله وبركاته
كيفكم يافراشات يا حلوات .... اش اخباركم وكيف ايامكم
بعد الترحيب والتهليل
ودي انكم تساعدوني بقوة
وراح احكي لكم قصتي وقهري من البداية
انا يا حبيباتي راح انقل ان شاء الله لبيت جديد وزي ماانتوا
عارفين لازم يكون في تصليح وبويات وديكورات
وكل شئ جديد ... لاني ان شاء الله راح اولد فيه ...
المشكلة جات في اختيار لون البوية انا كنت ابغى ابيض
احسه هادي ورايق ويجي معه اي ديكور ويركب اي لون ..
طبعا ابو الشباب مارضي ابد واصر على اللون الخربزي
قريب من الوردي ... وضرب كل البيت بهذا اللون ما عدا غرفة البنات كان بلون مرة حلو ...
وطبعا طلع لون البيت وانا مرة نفسيتي تعبت وزعلت
مرة وكل امالي اللي كنت رسمتها في بالي من الوان
وديكورات تحطمت واصبحت مقيدة بهذا اللون
وكان نفسي اسوي في ابو الشباب كذا من قهري ... بس مالي غير اني ارضى باللون ....
وهنا تبدأ مهمتكم يا حلوات ابغى ارائكم ومشورتكم في افضل
الالوان من كنب وديكور ولوحات ....
على فكرة موكيت البيت لونه عودي على احمر اخترته بدون نفس
لاني حسيت هذا اللون الانسب للون الجدار ...
ارجوكم ردوا علي ضروري ولا تطنشوني
لاني لازم اثث البيت خلال هذه الاسبوعين
قبل ولادتي ....
ولكم جزيل الشكر مني