للمتزوجات من سنه فما فوق ادخلو عرايس لا

انا مخ يمشي على هالأرض

22-11-2022 - 04:35 pm

للمتزوجات من سنه فما فوق ادخلو عرايس لا
حبيت نغير من المواضيع ونتسلى شوي اذا معك ممحاه ماذا ستمحين من سنوات زواجك التي مضت أنا ابدء متزوجه من عشر سنوات اولا سأمحي الايام التي قصرت فيها بحق ربي واي تقصير في ديني وسأمحي السنه الخامسه من زواجي تعرضت فيها بمشكله اثرت فيني كثير والحمد لله السنوات الخمس الباقيه الى اليوم تمام وسامحي اي تقصير في حق زوجي وبيتي واطفالي شاركوني بردودكم
منقول

التعليقات (9)

تعب المشوار

22-11-2022 - 07:53 pm

كلامك مبهم
تبغين تمسحين السنة الخامسة طيب ويش صار فيها اذكري لو رؤس اقلام
عموما انا ابدا
عندي سنة من زواجي اسميها سنة النكسه
كانت مشاكلنا في اقصى ارتفاعها
السبب انشغال منه ماهو فاضي لامورنا الزوجية
وانا كنت حساسة جدا جدا .... وحياوية جدا جدا
السنة هذي استمرت تجر معها سنوات اخرى يمكن 5 او 6 !!!!
وهذا اثر علي
فقررت اكون صريحه لابعد حد مع التزام الادب والتفاهم
وهو من جهته قرر يعطي عائلته نصيب من مشاغله
لي اكثر من 15 سنة زواج
ومازال المركب يسير
مرة مع الرياح ومرة بالعكس
والحمد لله على فضله

حب الرياض

22-11-2022 - 08:54 pm

انا لي 4 سنوات زواج ..الحمد لله حياتنا تمام ومابي امسح شي من حياتي لان كل اغلاطنا ومشاكلنا تعلمت منها ..بس فيه امر قبل 4 شهور واستمر لمدة 3 شهور وترني واقلقني من ناحيته هو ماكان يدري باللي ببالي انا اعرفه بس الحمدلله ربي استجاب دعواتي ولله الحمد ...وعسى ربي سعدنا ويسعدكم

سكروبه

22-11-2022 - 09:55 pm

ودي امحي كل شي في حياتي.مع زوجي صار من او يوم الشوفه لين اللحظه هذي وأبدا من جديد بداية في طاعة الله
ودي امحي سنوات دراستي في الجامعة لانها تسبب لي الم
موضوع يفتح المواجع شكرًا لك

وســـــــــــــــــام

22-11-2022 - 10:56 pm

امحي ايام الزعل اللي كانت بيناا
وامحي العصبية اللي عندي واطنش اشوي ومااكون حساسه

rosa rosa

22-11-2022 - 11:57 pm

اله يهديلنا ازواجنا و يخلينا قرة عينهم

shkera

23-11-2022 - 12:58 am

انا عكسكم ودي ارجع اول سنه زواجكانت حلوه والله يعين على هالدنيا

om almasat

23-11-2022 - 01:59 am

صارلي 7 سنين متزوجه ماودي امسح شي بحلوها وبمرها
يعني الوحده تتعلم من الايام السوده ههه
ومافي ايام حلوه دايما مره عسل ومرا بصل
المهم
الله يديم السعاده على الجميع

آآحـــآآسيس

23-11-2022 - 03:00 am

لي 3سنوات و6شهور متزوجه
ودي امسحها كلهاا

sweet.meena

23-11-2022 - 04:01 am

ياللهي اللي تبي تمسح كل شي من حياتها مو معقول
انا ليا 3 سنين ونص متزوجه
ودي امسح اول سنتين لانها كانت فيها ديون وضغوط بس مو كلها طبعا بس الايام العسيره منها
والله يوفقنا يارب

راح اكنسل فكره الزواج مر راسي اذا مااحد ساعدني وريحني←
اذا زوجك سوالك كذا تسامحينه على طول والا يبيلها وقت→