اذا زوجك سوالك كذا تسامحينه على طول والا يبيلها وقت

صباحكم/مسائكم رضا الرحمن وسعاده كالجنان..عالبركه اللوك الجديد ونعم الاختيار معليش ممكن اكون مقصره في وجودي معكم لكن والله صفحتي الرئيسيه والمفضله وحتى حاطته اب ع الايفون!حبيت اشارككم بمشكلتي واخذ اراكم وانطباعاتكم لو انكم مكاني عل وعسى انا اشوف بمنظور اوسع ويطيح اللي براسي!زوجي شغله هالايام صاير ضغط مره وانا مقدره هالشي بحيث انو من يجي البيت لحد ماننام وهو ماله سيره الا هو وانا اسمع له وانصت واطرح بعض الحلول بس كذا ابين اني داعمه له!المهم يجي معصب ويكون مزاجي بصوره عامه قبل يومين جا مطنقر ويتشكى من رجوله قمت اشيل الاكل وطبعا باجي اعمل له مساج قام هو زي اللي نزر علي تعالي سوي مساج انا اول مره اسمع هالتون منه وخلصت وجيت امسج الا يقول مسجي باخلاص بنزر طبعا عبالي يمزح وانا اقعد استهبل وينزر الثالثه وانا اقلب جد واقعد امسجه بالعاده مااطول وشكرا ياقلبي وبوسه ولا ضمه هالمره ماهو ناوي انهلكت يدي عاد قلتله خلاص؟قال لي ايه خلاص اصلا من غيرنفس تشتغلين ولف ظهره!!!!طلعت متنرفزه الصراحه بعدها تعوذت من ابليس ورجعت له قلبي رجولك تالمك لسه؟عاد هو ايه قلت بامسجهم عطني فرصه ثانيه الا يقول وخري عني وليه اعطيك كل شي مره وحده وبس!!!!عاد هنا قلت براحته خله ينام وطلعت قبل ينفس كل شي فيني!!هو دوامه قبلي فقام وراح الصباح انا كنت تعبانه رحت الطبيب وكانت متاخره دورتي فقبل يكتب ادويه قال لي تحليل حمل قلت اوك وتجي المفاجأه...طلعت حامل لي شهر !!! الحمدلله صحيح ماودي هالوقت بس والله مو كارهه بس مواعيد اسنان وكنت اشيل العفش وانزل فيه حسيت بخرعه!!رحت طبيبة النسا وكشفت وقالت في دم شوي بس باعطيك مثبت واشوفك بعد اربع ايام وانتبهي ع نفسك ولا تجهتهدين !!كل هذا صار معي وانا عيني ع الجوال اقول بيعتذر بيجي مسج حلو منه عالامس واستنى بدون فايده!رجعت البيت تظبطت واظبط الغدا الا شرف حضرته وباليالله نطق السلام بعدها طالعني وقال اسمعي تحاشيني هالاسبوع ترا واصله معي لهنا قلت مني والا من عملك؟قال كل شي تساوى وهالدنيا بتجي ع كيفي غصب عنها والا باضربها عرض الحايط قلت طيب عسى ماشر وش صار قال مالك شغل بعملي حياتي الخاصه مو مقصره بعد هناك هم وارق وهنا العن بعد!!انتوا مستوعبين كل هذا صار وانا ماسويت شي !!كلمه هنا وكلمه من هناك ويعصب ويحرم الاكل عليه ويسمعني كم كلمه يحبها قلبي وبنتي قاعده تحوس ويعصب تعالي نظفيه قلت قوم عشان اخذه قال تنظفينه هنا اقول قمت جبت صابونه وامسح الا هو والله لا اوريك ويهدد قلت وش تبي تسوي ترا موخايفه ويرفع رجله بيضرب وجهي واوخر وهنا انهبلت قطيت الصابونه والما وصرخت ماتلمسني قدامها يا قليل الادب!!وطلعت وهو ينادي ينادي وكنه حس انه خربها!فقال خايفه عليها لاتسوين كذا قلت هي عليها والا ع اللي ببطني حياتي معك جحيموبدا موال انتي وبني جنسك ناكرات وجاحدات كل هاللي اسويه وجحيم والخ الخ !!قعدت اصيح وحاول يراضيني ومبروك وماادري كيف بس عجزت حتى اضمه قلبي شال عليه بقوه!!معامله زفت بدون سببرفع رجله كنه بيضربهزأني قدام بنتي ولو صغيره بس بتحسمغروره وشايفه نفسك وانانيه واتهامات بالهبلوفوق هذا وش قالي يناقش المساج يقول ابي مره لاصرخت تسمع لي وتسكت قلت انا مو كذا وش هالعبوديه اللي عندك؟قال عاد انا ابي كذا قلت والله مو عيشه هذي شف بس وش قاعد تطلب !!!ادري اطلت عليكم بس نفسيتي مو مستحمله وحاقرته كل اليوم ومسالةحملي صادمتني وحبيت افضفض واسمع نصايحكم الله يوفقكم للي يحبه ويرضاه..دعواتي لكم وتحياتي