للمعلمات الباحثات عن التميز يا هلا ومرحبا فيكم

ببدأأ معاكم ،،
طبعا في أول يوم دراسي ،،
لازم نحدد للطالبات كل الاستراتيجات اللي راح نستخدمها معاهم ،،
علشان نخليهم في الصورة..
كل شي محدد ومنظم من أول يوم،،
لكل طالبة درجة نشاط
وبدل ما تطلب المعلمة اللوح والأشياء هذه اللي مامنها فايدة،،
من أول يوم تحدد النشاط المطلوب ،،،
على كل طالبة تقديم ورقة عمل أو ورقة تدرييبات من إبداعها ،،
ممكن تعرضها بطريقة قصة أو لعبة أو ...................... كل وحدة وإبداعها ،،
واللي شاطرة في الكمبيوتر ممكن تعرض عن طريق أي برنامج تحبه
(وتراهم يحبون يشتغلوون عليه مبدعين)
(بس يبغيلهم شوية تحفيز)
واللي شغلهم مميز يتعمم على باقي الفصول
وبنستخدمها في مرااجعة نهاية الوحدة
وأأكد عليهم كل وحدة وإبداعها علشان تصير بيينهم منافسة

موضوع جميل ويستحق كل تقدير واهتمام
واول ماتجيني فكرة راح ابادر واكتبها
تسلمين عزيزتي

هلا حبيبتي خفقان العطر ،،
مشكورة وتسلمين
بننتظر أفكارج الحلوة ،،
**************************
أسلوب استخدمته لتحفيز الطالبات على التفكير والإبداع
ولمعرفة ما يدور في بالهم من أسئلة
أقسم الطالبات بداية العام الدراسي إلى مجموعات
ولكل مجموعة رئيسة تتغير بين فترة و أخرى
أطلب من كل مجموعة إعداد إختبار تقويمي نهاية كل فصل أو وحدة
ويحطون توزيع الدرجات معاه
وأن يسلم الاختبار في موعد محدد قبل موعد إمتحانهم
وأخبرهم إنه الامتحان اللي بيكون مضبوط على مستوى مناسب
سأعتمده كإختبار للكل
أو إني آخذ من كل إختبار سؤال
وبهذه الطريقة بيتفنتكون في طريقة عرض الامتحان
من حيث المضمون والتنسيق،،
وأنا بستفيد من أفكارهم وطريقة عرضهم للإختبار
وبيعطوني أفكار لأسئلة جديدة ،،
وبيغرس فيهم الثقة والقيادية
كونهم ياخذون دور المعلم..
وبيكو عندهم روح المنافسة (اي الامتحانات بتعتمده المعلمة)
وكل مجموعة بتطلع على اختبار المجموعة الثانية
تحسبا أن يكون هو الامتحان

يالله شدوا الهمة
نبغي نشوف مشاركاتكم
وإبداعاتكم

اريج الكون بصراحة افكار ولا اروع
بس للاسف انا انتظر وظيفة تدريس رياضيات بس مابعد اتأكد
لذلك ماعندي خلفية
بس بصراحة احس افكارك مرة مفيدة
وان شاء الله الله يوفقني واستفيد من افكارك عزيزتي

هلا حبيبتي خفقان عطر
الله يوفقج يارب وتتيسر أمورج وتتعينين بسرعة
دمت بحفظ الله
*******************************

والله اني مستانسة لان الدوام بيبدأ عكس المدرسات اللي دوم اسمعهم يتشكون من قصر الاجازة...
افكاركم حلووة بس انا ادرس تاسيسي يعني ماعتقد افكاري تنفع معاكم؟

هلا اختي اريج الكون.....
تسلمين عالموضوع الحلو والمفيد...
افكارج حلوه ومفيده..." كتبتهن عندي في ورقه"
بخبركم شو سويت في اول يوم دراسي
اول ماد خلت الصف..واتعرفت على الطالبات ..
قتلهم خبروني شو تتمنون في أبلتكم.؟؟كيف تبوني اعاملكم..؟؟
وكتبت كل اللي يبونه على البورد...
ويوم خلصت كتابه..قتلهم بنخلي لكل شي طلبتوه جزاء وعقاب..
وطبعا هم اللي بيقولولي شو العقاب..
وبعدين قتلهم دوري انا..شو اتمنى في طالباتي..وقتلهم كل اللي اباه..
واتفقنا على كل شي من اول حصه..
وعلى طول تم تنفيذ الاتفاقيه من ثاني يوم..احيد كانن بنتين متاخرات..وانا متفقه وياهم محد يدخل الصف عقبي الا بورقه من الاداره..وماطعت ادخل البنات الصف..وراحوا الاداره ..ويابولي ورقه..واعتذروا..وقالو عبالنا كلامج البارحه كان قول ما نتحراج قول وفعل..
ومرت السنه على خير..احبهم ويحبوني..
لي عوده ان شاءالله

عيني عليكم بارده ياهل الامارات
وربي يوفقكم
وان شاء الله ابحث لكم في مجال تخصصي وافيدكم قريبا