للي يدردشون لا تستعيرو لاب توب من احد

أنا أقول أبعد عن الشر وغنيله
ويمكن توقعك أنتي في مشاكل وتقول إنك دخلتي على هالمواقع وتتهمينها فيها
وقتها مين بيصدقك؟؟؟؟؟
واش دراك ما تكون بعد ما قرأت رسالتك سبقتك على زوجها وقالتله إنك تدخلين هالمواقع .....؟

وعليكم السلام . هلا حبيبتي
انا برأيي لا تقولي لاحد استري عليها . وتكوني بنفس الوقت سبب في مشكله والله العالم يصدقونك ولا لآ
ولا تنسي انكم سلآيف والوضع بيكون حساس اذا طلعتي عليها كلام .
انصحيها واعتبريها اختك وفهميها ان اللي سوت غلط بحق ربها وحق زوجها ونفسها ..
والله يهديها ويصلحها

السلام عليكم ورحمة الله
من ستر مسلم سترة الله يوم القيامة
انصحيها وانسي الموضوع لاتعلمي بخفايا النفوس وردود الافعال قد تحيك مؤامرة تضرك بها ضرر بليغ وتقلب الطاولة عليك
ابعدي عن الشر وغني له
كفانا الله شر المتخبي لنا

اي والله مثل ماقالو البنات
الله يستر علينا بس

لا هي ما تقدر تسوي لي شي ولا تتهمني بشي لأن موقفها ضعيف جدا لسبب ما احب اذكره. انا ما انوي افضحها لا سمح الله، بس ما ارضى انها تستمر باللي تسويه وانا عارفه وساكته. اعطوني طريقه انصحها فيها

انصحك اختي بالستر وانصحيها وخلاص
حتى لو تعتبرين زوجها اخوك اللي عليك نصحتيها ولو بتخبرينه راح تخربين بيته بدل ماتصلحينه
والله يستر عليها وادعي لها

اتوقع انها تبي تسوي لك مشكلة انتِ قولي لإخت زوجك او زوجك او اي احد ..عشان اذا اتهمتك بشيء يكون احد شاهد لك .

هلا اختي
انا طبعآ مع البنات استري عليها حتى لو على قولتج
موقفها ضعيف وماتقدر تسوي شي ، وعارفه انه ماودج تستغفل اخو زوجج
بس معليش بالنهايه هي حرمه عاقله وتعرف الصح من الغلط واكيد عارفه الي تسويه وش معناته
وشنو زوجها بيسوي فيها لو صادها، وبيني وبينج هو اخو زوجج يعني مو ذاك الشخص الي مره تتحمسين له
او تتحمسين لمشاعره او ان مايعيش بغفله من زوجته
معليش هالايام كلآ يقول نفسي نفسي ويالله تسلمين من المشاكل
واحس لو راسله لها دعاء او نصيحه افضل من انه ترسلين لها انج عارفه وتسكتين،، وشي طبيعي ماراح ترد لانها خافت
بس دامج ارسلتي خلاص قفلي عالموضوع ولاترسلين ولاتنصحين الا بحاله وحده لو هي فتحت الموضوع معاج او حسيتي انها ودها تفتح الموضوع وخايفه هنا ممكن تكلمينها وتنصحينها اما اذا شفتيها عادي انتي بعد صيري عادي معاها
بس لاتعطينها لاب توبج ولا حتى جوالج خليج حذره شوي منها
وربنا وحده هو الهادي والستار بعباده سبحانه

ياختي يمكن تدخل الموقع تحب تنصح الناس ولا لها غرض مثلا اعلان ولايمكن المواقع لها يعني ليش على طول تتهميها بشرفها
الكلام الي تقوليه عنها بذمتك و انتي تقولي انه عندك فضول وعذرا الباين انك فاضيه وحشريه والله يعينها عليك مع اني ماعرفها بس احس انك مستقعدتلها على الحبه