لل فوائدها

السلام عليكم يابنات وخواتي وحرماات
تفضلوا اقروا موضوعي أنا حطيته هنا قاصده لانه يذكركم ب اشيا حلوة وأيضا ابغى احركم اضافة الى ذلك كثير من المتزوجات هما اللي بقولون هالكلام اللي في بداية الموضوع >>
:ق1:
وقلت خليني اوسع صديراتكم
نواار
للعزوبيه فوائد
في شيء يقهرني في الناس ..
اذا البنت ما تزوجت ..
يقولون لها ليه ما تزوجتي ؟!
ليه يعني ؟؟ سؤال غبي جدا ..
اولا ما جا ابن الحلال اللي يناسب فكرها..
ثانيا ماتبي تتزوج ..
وما تحس انها استعديت نفسيا
للزواج و المسؤولية..
ما وصلت لشيء تبيه ..!
مهنيا او دراسيا ..
وبكل وقاحة تجي تقول ..
طيب تزوجي يلا ؟!
كيف تزوجي يلا ..!
تطلع الشارع تقول بالله احد يتزوجني ..
وشفيها لما البنت تكون جالسة عند اهلها
معززة مكرمة ..!!
يحسسون البنت انها عالة ..!
اذا البنت اهلها راضيين فيها
وش دخل الناس اللحين ؟!
ولا فوق كل هذا لسه تلاقونها صغيرة ..
يعني اذا خلصتي الطعش صرتي عانس
يلعن ابو التفكير اللي كذا ..
ولا تتزوجين واحد من اللحوج ..
واخرهم اللي شفتوه في البلوق اللي حطيته ..
تطلع من بيت اهلها
عشان تروح عند واحد الله اعلم عنه
اسمي الزواج (اكشط واربح )
صعبة الفكرة والله ..
والواحد يعيش حياته مرة ..
واذا تطلقت خلاص ما عاد في امل ترجع لحياتها زي ما كانت ..
اذا ع الاهل احسن منهم مافيه ..
لكن المجتمع عربيا ! ما يعطيها راحة البال ..
ويحط كل الخطا عليها ..
والأخ يرجع يتزوج ولا كأنه صار له شيء..
الزواج فكرة كبيرة ..
مو بس كل من هب ودب ودق الباب
نعطيه بنتنا..!!
لازم تعرفون من هو بالضبط ..
ويكون في تأني في الاختيار ..
لو مافي احد يناسب ما رح يصير لها شيء ..!
عايشة مع اهلها والحياة مافي احلى منها ..
في شباب فيهم الخير والبركة
ومافي داعي للاستعجال ..
لو ووصلتي لأي عمر ..
انتي لساتك انثى و بنت ..!
انثى والله لو توصلين لل 50 ..
بنفسك تقولين انا عانس ..!!
لا تسمحين لأحد يتعدى حدوده
بالكلام معك ..!
انا ما تزوجت يعني انا بنت !!
مو عانس ..!
اذا مافي احد يستاهلك
خلاص ما تضيعين حياتك
عشان احد وعشان تسكتين الناس..
عنهم ما سكتوا وعنهم ما رضو ..!
^
اللحين هذا كله مقدمة ههه
اليوم رح اقول لكم فوائد العزوبية ..!
1-يكون عندك وقت أكثر ..!
يعني مو اذا ابو العيال جا ..
يصير في حالة استنفار ..
ويبي مين يجلس معه
ويقابله ويبربر من هنا للصبح
عشان ما يطفش ويحس انه في احد معه ..
2-تسمنين تنحفين انتي حرة ..
ما تراقبين اكلك ..و جسمك ..
وتناظرين التلفزيون والفيديوكليبات بحقد ..
ولا تهتمين في ولادة جينفر لوبيز ..
وكيف رجع بطنها بعد ولادة توأمين ..!!!!
ولا تحاولين تطفين التلفزيون
عشان ما يشوف زوجك الفيديوكليبات والممثلات ..
تأكلين زي ماتبين ..
ما تنتظرين لين يجي وتأكلين وقتها ..!
او تتأكدين انه اكل وشبع
وتعزّمين عليه ..
4-فلوسك لك ..
تضيعينها ..تحرقينها ..شيء يرجع لك ..
ما وراك احد ياخذ راتبك ..!
او يقول لك ليه تسرفين كذا ..
او اذا عندك فلوس زايدة عطيني اياها ..
ما تشوفين البيت اللي جالسين نبني فيه
وحضرتك تشترين لي عطر ب 400 !!!
ما شفتي فاتورة الكهرباء بكم !!
قفلي اللمبة اذا طلعتي من الغرفة
ههه
ويراقبك كيف تسرفين الفلوس ..!
بعدين يقول لك انتي بس هات هات هات ..!
ولا عمرك قلتي خذ ..
ويروح عند الشباب ويحش فيكي..
و تكثر اعذارك ..
وتصيرين خبيرة “جمعية” ..
عشان تساعدينه ..
5-ما رح تضطرين تتعودين على عادات تضايقك ..
مثلا يدخن ..
انتي مضطرة تجلسين معه وتشمين
ريحة الدخان الشينة ..
او تسمعين شخيره في الليل
ولا تقدرين تنامين ..
او لازم الغدا الساعة الفلانية والعشا الساعة الفلانية ..
او اذا جا العصر
ما يحب يسمع صجة العيال
فلازم تشغلينهم بأي شي
عشان راحة باله ..
او ما يقدر ينام الا وانتي نايمة جنبه ..
طيب انتي مافيكي نوم ..
وراكي اشياء تخلصينها
الا والا تنامين اللحين عشان الاخ ما يحس بالوحدة ..
ويلا فكينا من هالعادات ..
6-لما تكونين عازبة ..تقدرين تسوين اي شي يخطر في بالك
بقص شعري! بصبغه ..مافي استئذان ..لأنه شعري..
ابي اقصه قصير..ما اقدر لأنه يحب الطويل..
ابي اطلع اللحين مع البنات ..
هي بس مكالمة ويلا ..
طبعا في استئذان الاهل بس عادي
بيرضون يعني ..
او فجأة الصباح صاحية ..
ولقيت وحدة من البنات صاحية
يلا تعالوا نفطر عندي ..!
ويا سلام ..
لكن سؤال هل اذا انتي متزوجة تقدرين تسوين هالشيء؟
تذكري انه معك واحد عايش معك ..
7-تقدرين تركزين في وظيفتك في دراستك..
لكن لو انتي متزوجة في واحد بيقلق اهلك
مثلا عندك اختبار حق مادة صعبة..
وتبين تذاكرين ..
الاخ يبي يتغدى ..
ولا يحب الشغالة تطبخ ..ولا يحب اكل المطاعم
فلازم انتي تطبخين ..! ولا بيموت من الجوع ..
ووراك عيالك ترضعين هذاك و تنومين هذيك ..
واختبارك عادي ..انتي اللي بتحملين المادة
اهم شي زوجك يكون مرتاح ..
ولا عملك ..مافي اي تركيز ..
بدل ما تصير متزوجة بعملك تصيرين متزوجة بزوجك وبس
واذا قال لك لا تشتغلين !
يقول لك ما اقدر ع مصاريفك
ع الاقل لما تشتغلين تصرفين ع نفسك
وتخففين عليه عشان تخلصين من النق ..
8-منتي مجبرة تتحملين مزاجية احد و نق احد ..
يعني لما تصيرين انتي مزاجية ..
انتي مع نفسك ..
لا اللحين ما يمديكي تصيرين مزاجية ..
لأنه معك واحد مزاجه خربان ..
لازم تحاولين تضبطين له جوه ..
وتخففين عليه ..
واما النق ..
اوه هذا قصة لحاله ..
9- ملابسك و قرونتك مع نفسك ..
بمعنى اوضح ..ألبس ازرق مع اخضر ..
انا حرة ..
ألبس برتقالي مع اصفر
كمان انا حرة ..
ألبس البيجامة طول اليوم ..
كمان انا حرة ..
مثلا هذا لبسي اليوم ..
بكل قرونة ألبس اصفر مع زهري
وتي شيرت عيال وعادي جدا ..
لأني عزوبية انا حرة ههه
ألبس اصفر مع احمر مع زهري بكيفي ..
ما وراي احد يدقق ع ملابسي ..
تعرفون وش احلى شعور في الدنيا ..
لما تكونين في قمة الحر ..
راجعة من شمس الظهر ..
وتلاقين قدامك بيبسي فيه 5 ثلجات
واو ..هذا الشعور حسيت فيه .. =)
10-رموت التلفزيون لك انتي ..!!
اذا جت مباراة او الحلقة الاخيرة من مسلسلك ..
اكيد حتفوز المباراة و رح تتغير القناة..
11- الحمام الله يكرمكم ..
مافي احد رح يستناكي برى ويطق الباب عليكي
ويزعج اهلك ..!
تقدرين تاخذين راحتك قد ما تقدرين ..
لازم كل يوم تنظفين الحمام الله يكرمكم ..
وتحطين شموع عشان تصير الريحة فل وياسمين ..
12- لازم كل يوم تسووين الواكس وتصيرين
تلقين لقّ ..عشان ما يصير له عذر عليكي ..
وتصيرين نعومة لول مو جلد تمساح ههه
13-كل السرير لك ..!
انا بالنسبة لي سرير ابو نفرين ..
مع اني ما اتقلب والله ولا ارافس ..
بس ابي مساحة كبيرة لي ..!
فهذا الشيء ما رح يحصل لما يكون في احد معك ..
14-لما تصحين من النوم ..
ريحة نفسك ..لك انتي
مو تنطين من السرير قبل ما يصحى
عشان تروحين تنظفين اسنانك بالمعجون
ههه ..
وتصيرين بريحة النعناع ..
15-اذا مرت بنت من قدامك حلوة ..
عادي جدا الشعور ..
لكن اذا كنتي متزوجة ..
تشتغل الرادارات ..!
تشوفين زوجك يناظرها ولا لأ ..
وتناظرينها بحقد ..اذا فكرت تناظر زوجك ..
وتحاولين تشغلينه ..
والسوق ما تبينه يجي معك ..
عشان البنات اللي هناك ..
16- الغسيل والملابس اللي مرمية في الارض
ماله داعي تشيلينها ..
مين شايفك؟
زوجك ..؟! هاهاهاها ..انا عزوبية ..
نعم للعزوبية لأ للزواج ..!!!!