لمصلحتكم ياعروسات حسبي الله ونعم الوكيل

1. تكفون يابنات تكفون انتبهوا مو اي وحده تغريك باللي عندها تصدقينها

السلام عليكم ورحمة الله وبركاته
كيفكم ياعضوات
لخوفي عليكم وحرصي على ان وحده منكم ماتقع في اللي انا وقعت فيه
والله العظيم ويشهد على مااقول رب العباد والله يحاسبني في قبري على كل كلمه اقولها ان كنت كذابه ان هالمخلوقه نصاابه نصابه
وابي احذركم منها للاسف انا انضحك علي وحجزت عندها كل ل ل شي ليوم زواجي كوشه وزفه وتزين وكاسات وتصوير وااه من التصوير اللي حرق قلبي
قسم يابنات انها وعدتني في اشياء كثيره كثيره واغرتني بعروضها اللي من ضمنها تصوير الميموري والله يوم الزواج لاميموري ولاهم يحزنون وكلها فلم عادي لا ويوم صورتني وانثبرت ورحت اخذ منها الصور والافلام كننا مبسوطين انا وزوجي ذاك اليوم الله ينكد عليها قلبته علينا
تدرون وش صار
صارت الافلام اللي عطتني مع الصور ماهي لي لوحده ثانيه ويوم نبهني زوجي وانا اللي انهبل وانعفست انا وياه
وكلمناها وقلت لها المشكله تدرون وش ردت قالت وش يعني كلها افلام رجعي لنا الفلم ونعطيك حقك
قلت لها المهم انتبهوا على فلمي وانا بعد كم يوم جايه اخذه المهم وبعد فتره وباختصار شديد رحنا لهم وقالت ماعندنا شي لكم
انجن زوجي ونشب لها نشبه وبغى يطلع عيونها ورب الكون يابنات انها ماخافت الا يوم هددها بالشرطه قالت ادوره واكلمكم وكل ماكلمناها تصرف لين ماجا ذاك اليوم اللي راح لها زوجي وقال قسمابالله ان ماجبتيه بكرا ان الشرطه عند بابك وشافت عين حمراء بعدها خافت وربي دقت علينا بعد يوم قالت الفلم موجود عندي وهذي قصتي مع الفلم
غير الكوشه اللي كنت متفقه وياها ع العصر تجهز وربي ماخلصتها الا 8 وغير السودانيه اللي شالتني ليلة الزواج كل جسمي راح حبوب وحالته حاله ولا اهتمام ولا اي شي غير تصوير الفيديو الي سكتوني فيه غير شريط الزفه اللي جابوه لي وسرقته مصورتهم والله اعلم ماعاد له اثر
لا ويوم سولفنا مع وحده كانت مسؤله في نفس القاعه قالت وربي قبل كم يوم صارت لهم مشكله كبيره مع ناس في زواجهم نصبت عليهم في الحلى وجابت لهم حلى اي كلام

تكفون يابنات تكفون انتبهوا مو اي وحده تغريك باللي عندها تصدقينها

اه ياحسافة الالاف اللي ضاعت عليها جعلها ماتتهنا فيها وحسبي الله ونعم الوكيل
وللمعلومية وحرصا عليكم هي سودانيه واسمها ام مهند بيتها في السويدي وغالبا هي تتفق برا بيتها يعني هي متعاقده مع قاعات كثيره ولها صديقه اسمها ام عبدالله مغربيه متزوجه سعودي وهي اللي نصبت علي بتصوير الفيديو بس اتوقع الحين بينهم مشكله ومفترقين عن بعض
احذروهن يااخوات
واللي تبي ارقامهم ع الخاص عشان شروط المنتدى تمنع ارقام