لو انتم مكاني ايش بتسوون

السلام عليكم
بنات تكفون قولوا رايكم اول شي بقوول قصتي مو تطفشون خ
تزوجت وعمري 18 وبدون غرور حلوه طول وجسم وجمال اهل زوجي كانوا عادي معاي
بعد زواجي بااربع شهور صار لي مو قف انا ساكنه بعيد عن اهلي فكر زوجي يعزم اصدقائه
برمضان وقلت له خلاص بس كثير علي ومع ذالك ماطلبت مساعده من احد ومره كنا نسولف
قالت ام زوجي اذا عزم اصدقائه انا بساعدك جت خالته وتحلف على امه تقول وربي ماتساعدينها
خليها تتعلم تكرف بروحها كل هذا وانا ماقلت ساعدوني لاحظوا ابتسمت ومارديت عليها
بعد زواجي بسته شهور حملت وبدوا يتغيرون علي وطلعوا على حقيقتهم وخالته تقول لزوجة اخوها
احملي شوفيها حملت وانتي لا مع ان زوجة خاله معها بنت <اللهم لك الحمد غيره حتى بالحمل خخ
المهم صاروا يطلعون على كذب ويتبلوني اللي تقول تصرفاتها تصرفات اطفال وعاد يفزعن مع بعض ههه
اقسم بالله يابنات صحيح اصغرهم وربي ماامدح نفسي بس اذا صار فيه مجلس المجلس لي وهم مايتكلمون
ينداس لهم على طرف وهن ساكتات واذا راحوا الناس بدا السب من وراهم المهم اذا قلت بصبغ او ابصلح اي شي بشكلي
يبدا التقليد مثل مره كنت اسولف وقلت ناويه اصبغ شعري وعلمتهم باللون جت خالته قالت وربي ماتصبغينه انا ناويه اللون هذا قبلك وربي مادريت عنها
المهم قلت خلاص مو مشكله اصلا حاطه ببالي لونين وعلمتهم باللون الثاني ثالت زوجة خاله وع وربي مو حلو اللون هذا وقديم
بعد اربع ايام صبغت نفس اللون خ
ووحده من خواته رجل من رجلينها بالدنيا والثانيه بالقبر عجوز وتغار مني بشكل مو طبيعي كان فيه مناسبه واسولف مع البنات يعني مو معاها ومو بسالفه مكياج ولاغيره خ
جت قالت انت عندك هالعلب قلت علب ايش قالت تتمكيجين حتى ببيتك زوجك وربي مايبعد عنك لو انتي لابسه خيشه <<شوفوا الحسد حسبي الله عليها
ولما انتشر مرض انفلونزا الخنازير تقولي روحي خوذي عمره علشان يقضي عليك المرض وتقول انتي اذا توفيتي ماعلينا منك ماعلينا الا من بنتنا اللي هي بنتي
ومره كنا طالعين البر وكنت جالسه بعيد عنهم انا ووحده من بنات خاله تقريبا كيلو عنهم وبينا وبين الرجال سيارات
المهم جت اخته وجلست معانا يمكن ساعتين وراحت المنافقه لهم وقالت يووه عجزت اجلس جالسات قدام الرجال
قالت خالته قليلات ادب تقصدني انا وبنت خاله <وصلت للشرف بعد المشكله اخته وربي طولت وهي جالسه معنا والرجال وربي مانشوفهم بينا السيارات وبينا تقريبا كيلو يعني بعيد مره
واخته اللي اقولكم تغار مني كانت تجيني كل عصر تتجسس طبعا وبيتها يمكن نص ساعه عن بيتنا بس علشان التطفل يهون
واذا جت وانا مجهزه قهوه وحلا وتروح تتكلم من وراي وتقول ماتستقبلني وماتفتح الباب وربي استقبلها احسن استقبال وانا اعرف نواياها
ومره كانت تسب ابوي وقبيلتنا ورديت عليها بس مو بسب وتقول اني مااحترمها ولااقدرها <<بفطس على هالعجوز
المهم راحت يوم الخميس اللي فات لزواج بالرياض وبترجع لمنطقه ثانيه اللي هي منطقه اهلي وكنت رايحه انا وزوجي بروح لااهلي
المهم دق زوجها على زوجي وقال وانت جاي خلها تجي معاك ؟<نشتغل عنده الظاهر
المشكله هو وعنده ثلاث عيال كلهم يسوقون والسيارات اربع او خمس والمنطقه ساعه ونص عن المنطقه اللي عايشين فيها
قال ولده انا بجيب امي قال لا زوجها بخيل مره علشان مايدفع قيمة البنزين خ
قلت لزوجي انا مااركب معاها روح رجعها بيتها وانا بروح انام عند اهلي وبكره تجي تأخذني قال لا تروحين معانا
قلت ماتركب سيارتنا هي ابرد لعانتها لي ماتروح يجي زوجها او عيالها المهم رافض زوجي قلت ياانا ياهي يعنى ياتوصلها وانا انام عند اهلي وتجي بكره تأخذني
رفض وصار مشادات بالكلام بسببها المهم رحت غصب عني وانا ابكي يعني زوجي خايفه على مشاعرهم
ولا خاف على مشاعري يقول اركبي السياره وطنشيها لاتكلمينها لانه يعرفها هو ويعرف لعانتها الله لايوفقها
راحت معنا وقاعده تستفزني بكلامها وترفع صوتها علي ارد على اسألتها ببرودوانا ساكته عنها سويت نفسي نايمه
غيورات علشان عماته واقاربهم وجماعتهم بصفه عامه يحبوني ويحترموني ويكرهونهم علشانهم يحبوني خ
وربي لو ابكمل ان ماتصدقون حسبي الله عليهم
اللهم ارني فيهن عجائب قدرتك اللهم احرمهن السعاده دنيا واخره اللهم اجعلهن يتمنن الموت ولايموتن مثل ماجنني
حسبي الله ونعم الوكيل