لو انتي مكاني كيف تتصرفين معاه ابي حل

1. مشكلتي عويصه لو اكتبها بمجلدات ماكفاها بس ملخصها:


2. زوجي احبه ويحبني بس معقدني بموضوع الجنس وانا خلاص قربت استخف

السلام عليكم
اول مشاركه لي عسى القى عندكم الحل الشافي

مشكلتي عويصه لو اكتبها بمجلدات ماكفاها بس ملخصها:

زوجي احبه ويحبني بس معقدني بموضوع الجنس وانا خلاص قربت استخف

لي 4 سنين متزوجه اول الزواج كان عنيف معاي بقوه وكل شوي يطلبني للفراش باليوم اربع مرات وماكان يعير المي اي اهتمام او حتى يحس فيني كان همه نفسه وبس بعد فتره صالي التهابات مثلي مثل اي حرمه بالعالم استوجب العلاج نوقف جماع عشان لايزود وتعالجت الحمدلله بعدها تغير زوجي الى يومكم هذا صار يبعد عني شهر شهرين عادي ماعنده اي مشكله واذا قلت له ليش يقول اخاف اسبب لك التهاب او حاجه
حملت بعد سنه من زواجي وولدت بعد الولاده تخيلو جلس اربع شهور مالمسني!! وانا وياه وجه بوجه اربعه وعشرين ساعه
انا صارت تتعب نفسيتي وتعقدت وصرت اكره هالشي هذا ومهما لبست وسويت وغيرت هو ماتغير اصلآ يسوي نفسه مايشوفي انا والجدار واحد والا يسوي نفسه تعبان او اي شي عشان مايطالع فيني وعذره هو عذره
صارحته مره واثنين وعشره انه مو عذر هذا وكل الحريم تجيهم التهابات وماشيه حياتهم بس اول ما اتكلم معاه يقول ايوه صح كلامك وانا بتغير بس مايتغير ويرجع لعذره
لاتقولولي له علاقه ويشبع رغبته بشي ثاني لا متاكده منه بقوه
ولا تقولولي عنده مشكله ضعف او عجز لا الحمدلله كلو سليم
انا تعبت نفسيتي مرره ما احس اني زي غيري من الحريم ابد واذا جلست بمجلس نسوان احس نفسي ناقصه
كل ما اصارحه وتتعب نفسيتي اروح فتره ببيت اهلي اريح واستجمع قواي واحاول انسى عشان ارجع احاول معاه من ثاني عسى تصيب وربي يهديه بس خلاص تعبت
قبل شهر اجهضت وجلست ببيت اهلي كم يوم ورجعت ولين الحين مالمسني واللي يقهرني وخلاني اكتب لكم كلامه له اسبوع كل ساعه يسالني فلانه مافيك التهاب ولا حاجه ارد عليه لا الحمدلله وعلى هالسؤال كل شوي لين فاض الكيل وقلته تبي يصير فيني التهاب حاضر ولا يهمك انا فيني التهاب لاتقربني
والله ياعالم تعبت منه خلاص ماقدر اتحمل كرهت الجنس واتعقدت منه وماعاد عند اي رغبه فيه
ولاعاد اقدر احاول ارجعه لاني مره محطمه تعبت وربي تعبت مادري ايش اسوي عايشين فبيت واحد زي الاخوان وعادي عندي لاني تعودت مايجرحني الا اذا قال مافيك التهاب احس الدنيا تدور فيني من قهري
المشكله يسال ولا يسوي شي!!!
بالله عليكم شوفولي حل خلاص كرهته افكر بالطلاق من كثر العقد اللي عقدني اياها
رايكم يهمني