لو سمحتو ابغا مساعدتكم

حبيبتي انتي تابعي اكلك وش تاكلين؟
يعني حطي ببالك ان لازم تعالجين نفسك من داخل ثم تبدين تدورين علاج
بس بعطيك حلول ان شاء الله تنفع وماراح اكتب لك الا الشي اللي انا مجربته لاني مريت بمشكلتك
استعملي زيوت اللي تمنع التساقط
افركي ثوم كل اسبوع مرة
زيت الخس يمنع التساقط ويجن
وشوفي بعلمك عن خلطة سويتها ولطخت راسي فيها
الحناء بس اذا انتي من البنات اللي يصبغون لاتحطين مع ان المفروض انك ماتستعملين الصبغات ابد في حالتك ذي
المهم انا اخلط زيت النارجيل مع حبة بركة تكون ناقعة بالزيت فترة وزيت اللوز الحلو وزيت الزيتون كلهم مع بعض وتحطينه على شعرك وخليه من 3 ساعات فما فوق بس وممكن تخلطينه مع الحناء .......هذي خلطة
وخلطة ثانية الحناء تعجنينها بموية الحلبة تجن
وخلطة ثالثة الحناء اعجنيها بموية الشاي الاخضر وممكن تنقعين المرة بالشاي الاخضر وتخلطينه مع الحناء شي
وخلطة رابعة الشاي الاخضر انقعي فيه مرة وحطيه على شعرك قبل تتروشين ==النتيجة نعومه وقوة للشعر وكثافة ولمعان+=+طالعة دعاية شامبو مو بخلطة ههه
ترا المرة رهيبة حطي مويتها
موية البصل ابشريه وبيطلع لك موية ترا مرة حلوة
صدقيني كل الاشياء ذي استعملتها والله على ما اقول شهيد
والله يستر عليك ويزين شعرك ويرجعه مثل اول واحسن واحرصي على القراية وانتي تدهنين شعرك واقري عليه المعوذات والكرسي وكذا يعني كلام الله زين
والاهم من هذا كله النفسية تلعب دور كبير في الشعر او البشرة
وسعي صدرك الدنيا فانية واهم شي الاخلاق وحب الوطن.....خ
واذا بغيتي شي انا بالخدمة
تحياتي وطمنيني على النتايج اوكيك.......

مشكوره كثير اختي ماقصرت
اما عن الصبغه كنت اصبغ بس تقريبا من 3 سنوات تركتها والسبب شعري
ابيك تقولينلي كيف اسوي مويه الحلبه و شخبار الريحه لاني متزوجه مره حطيت الحلبه نفسه زوجي اسبوعين مانساء ريحتي لاني كثير اسمع فوايدها ودي اجربها ونفس الوقت مابغي الريحه تكون موجوده
ابغا اسئل عن مويه البصل افركه بفروة الراس وبعد مرة ثانيه تطلع الريحه لاني شعري جاف يمتص كل شئ
اكيد بجربهم كلهم لانه كل الوصفات سهله متوفره في البيت
اقنعتيني صحيح تصلحين تسوين دعايه ههه
اما عن النفسيه توني هليومين قلت بنسا كل شئ يشغلني عن نفسي لا ني كثيير افكر في غيري ونسيت عمري وهذا اللي تاعبني
يعطيك العافيه وانتضرالرد

ياحبيلك اجل فيك مني واجد من ناحية التفكير في الغير ونسيان الذات بس الحمدلله على كل حال والواحد اذا طبعه كذا صعبة يغيره والله ياجرنا وياك
بالنسبة للحبة انا احمسها عشان تخف اللريحة وفي وحدة تقول اغسليها قبل تروح ريحتها واذا صارت مع الحناء تختفي ومويتها تغلينه عادي زي ماتتسوا وتنشرب بس الافضل انك ماتسوينها بالبيت بحكم انك متزوجة بس اذا عادي بكيفك بس تراها ممتازة
والبصل انا ابشره وتطلعلي الموية اصفيها همن افركها واذا غسلتي شعرك اغسليه بشامبو ريحته زينه واذا طلعتي الله يسلم البخور والعود والعطور .......تصدقين انا افكرك مو متزوجة يعني فاهمة وضعك عشان الروايح الكريهة وع ههه اللحين تبطلين ........لا لا لا بس مافي شي حطيتلك اياه له ريحة الا الحلبة وتقضين عليها بالطريقة اللي قلتلك عنها
وعلى فكرة الشاي الاخضر لايفوتك ترا حلاته انه مافيه ريحة اوكي
والمرة انقعيها فيه الشاي الاخضر
وبالنسبة لوضعك مالك الا انك تقنعينه ان هذا له يعني يتحمل شوي الله لايهينه او اذا كان بالدوام انتي اقعدي حوسي بنفسك احلا شي بالدنيا الصباح القعدة والروقان عالخلطات
والله يساعدك واتمنى فعلا من الله ان شعرك يزين عشان تدعين لي ان الله يرزقني بالرجال الصالح
تحياتي

هلا أختي هدوء
ممكن موضوع أختي بنت النيل ينفع
هذا الموضوع
حل فعال لمن تعانى من الصلع والشعر الخفيف خاصة عند مقدمة الرأس!!!!
هذا الربط
http://www.alfrasha.com/showthread.php?t=11500

مشكورة حبيبتي علي النصايح الحلوة ليمونيت 2 ان شاء بجرب الخلطات من اسبوع الجاي لاني بروح عند اهلي شهر فرصه بعيده عن زوجي
وراح اخبر شصير معي
يعطيك العافيه حبيبتي
---------------------------------------------------
مشكورةاختي الهايمه فتحت الرابط وعجبتني الوصفه ان شاء الله بجربه مع خلطات اختي ليمونيت 2