لو سمحتو كل وحده تدخل وتقولي رايها ونصيحتها

الله يعينك ياقلبي ..انا راح اقولك نصيحتي وانتي بيدك تسمعيها او تطنشيها....انا مملكه زيك وليا 4 شهور......وحركات كتير تصير بيني وبين خطيبي.....هوا واجب عليه انو يحترم مامتو بس المفروض ما يكدب عليكي حتى لو في شي بسيط....اتكلمي معاه وفهميه قوليلو انا زعلت منك لما قلتلي انو ازعل امي علشانك وانا مستحيل اطلب منك انك تزعلها علشاني زي ما انا مستحيل ازعل امي علشانك ( هذي دقه في الكلام ) وقوليلو بس انت جرحتني يعني في البدايه تكدب عليا وبعدين تتهمني اني ادور وراك واسال من وراك مع اني كلمت مامتي على سالفه جدك علشان امي تتصل تتحمد لمامتك على سلامه جدك علشان مامتك لا تاخد في خاطرها من امي وعلشان تعرف انو احنا عيله وحده بس انت فهمت الحركه دي غلط مدري ليش بس على العموم انا مازعلت غير من حاجه وحده ليش تكدب عليا قوليلو انا ما احب الكدب لانو لو بدايتنا كانت كدب حتى لو على شي تافه ماراح نقدر نفهم بعض وحابدأ اشك في كلامك اذا صح او غلط يعني اتكلمي معاه بصراحه وقوليلو اللي في قلبك مو هوا يزعل وانتي لا انتي برضو عندك احساس وعندك مشاعر....... شوفي انا لما كان خطيبي يزعلني كنت اقول يابنت كبري راسك ومن دا الكلام وكدب عليا وقلي جوالي مفصول وطلع جوالو مو مفصول ولا حاجه ( بصراحه انا اللي طلبت من صحبتي تقول لزوجها يشوفلي رقم الجوال دا مفصول ولا لأ من غير ما اقولها انو رقم زوجي ) وطلع جوالو باسم اخوه ومو مفصول ولا شي وكان يكدب عليا يقولي جوالي الحد الائتماني حقو 600 ريال ولا عمرو انفصل ودحين صار ينفصل لاني دايما اكلمك واكتشفت ان الحد الائتماني حقو 300 ريال مرة انقهرت واكتشفت كدبات كتيره صحيح انها مو كبيرة ومالها داعي بس اذا بدايتنا كانت كدب خلاص ماراح نقدر نفهم بعض يعني يبغونا نكون صريحين معاهم وهما لأ معليش مرة مايجي خليك صريح معايا علشان اكون صريحه معاك انت ماترضاها لنفسك اني اكدب عليك حتى لو مرة سالتني انتي فين وقلتلك انا في الغرفه ابغى انام وكنت اكدب عليك وانا جالسه اتفرج تلفزيون في الصاله اكيد راح تزعل وبس انا عارفه اني كترت كلام

ونسيت اقولك بعد ما تقوليلو دا الكلام انتي ازعلي اهم شي توصليلو المعلومه دي...... وبعدها راح يدق عليكي عاادي ولا يفتح الموضوع يمكن بس راح يفهم قصدك وماراح يعيدها ان شاء الله

اللي يكذب في شي صغير يكذب في شي كبير 00والله ماينعطون وجه خ
الله ييسر امورنا بس

انا أحط اعتبآر لأهلو قبلي أنا
تدري ليش ؟؟؟
عشآن أكبر في عينو أكتر و أكتر .... كل مآ بينتي أنك مهتمه في أهله و في أخوآته رح تكبري في عينه
معليش يمكن هوا فهم انو جدو تكسرت رجلو وكدا و مالحق يبين لك .. بس مهما كآن دي أمو و لآزم يرآعيها و يحترمها .. يعني لو مآ أحترم أهلو رح يحترمك ؟؟؟؟؟؟؟
انتي فكري فيهآ و حتشوفي انو انتي برضو مارح ترضي تزعلي مآمتك عشآنو ..
ربي يسخركم لبعض و تكونو متفآهمين أكثر و أكثر ..
و لآ تشغلي بآلك و فكرك بأشيآء ترهقك ..
آلله يستر علينا و عليكي يارب
موفقه

^
افهميني امه ماقلتله حاجه ولا كانت راح تقوله عن جده لانه شي بسيط

برايي المشكله مو مستاهله تكبر اكثر .. الموضوع بسيط لوجلستو تناقشتو وكل واحد فهم الثاني وجهه نظره راح ينحل كل شي ان شاء الله ..
الله يسخركم لبعض ويسعدكم يارب ويتمم عليكم

تيب اذا امه ما قالتله .. أكيد أحد قاله ..
وين المشكله ؟؟؟؟؟؟؟؟؟؟
ترا الرجآل مايحبون أحد يسألهم بآلتفصيل .. أهم شي انه درآ و خلآص ..
الله يسخركم لبعض

لاتكبري المواضيع وبنفس الوقت لاتعديها بسلام
بس نصيحه خلي الزعل لأشياء كبيره عشان يهتم لزعلك يعني مو اي شي تزعلي منه
ثانيا يمكن هو ميبغى يجيك لأسباب ثانيه يعني ماعنده فلوس يجبلك هديه والا نفسه يشوف امه
يعني طلعيله اعذار
وانتي لاتطالبيه بزيارات خليكي ثقيله
اختك مهاوي ادعيلي

...