لو قالك زوجك احمدي ربك اني تزوجتك وانتي عانس

الله يفرجها عليك ماحد منكر الكلمه قويه لاكن ممكن طلعت منه غصب كان معصب او متضايق ....
ادعي الله يالغلا يسخره ويهديه وربي يوفقك معاه
((اللهم يافارج الهم وياكاشف الغم فرج همي ويسسر امري وارزقني من حيث لااحتسب )))

والله اقووله
حنيت عليك واخذتك ما ابغاك تتعب وانت تلف لف في البيوت وكل من يردك
لانك لو انت صاحي ما جيت تخطب العانس على قولتك ..

وعليكم السلام ورحمة الله وبركاته ؛
يالغلا الأحترام والتقدير شئ أساسي بالحياة الزوجية ؛ فإذا انعدم
فلا ترتجي خير منه !! وبالمقابل لا تستغربي إي كلمة جارحة أو
سيئة يخرجها من لسانة !! لأن في هذه الحالة أعتاد وانتهى الآمر ؛
لكن لازلتي بالبداية !!
وكلمته جارحة وبقوة ؛ لكن لا تستسلمي له بكل سهولة ؛
واعتزي بنفسك وعززي ثقتك آكثر ؛ ونصيحة مادام انك
لك سنة ونصف ؛ فالآمر يختلف وتستطيعين أن تضعي حد
لهذا التجاوز منه ؛ فدائماً السنوات الآولى من الزواج تحدث
الخلافات وتتصاعد حدتها وربما أوقات تكون من غير سبب ؛
لذلك رتبي آمورك وأبتدي بسياسة في التعامل معه من جديد ؛
فلا زلتي ببداية الطريق وتستطيعين أن تغيرر منه ؛ تعرفي على
شخصيته آكثر وأقرئي بهذا الشأن ؛ فا من الممكن أن زوجك
لم يستقر معك بعد ؛ ولم يفهمك وانتي كذلك !!
الاحترام والتقدير أهم من الحب !!
مودتي ؛

لا إله إلا الله .. مره قويه = الله يعينك حبيبتي .. بس مثل ما قالت الأخت * ريف الاشواق * يمكن كان كثير معصب و طلعت منه غصب !!
الله يهدي زوجك و يصلح حالكن و يسعدكن يا رب

ليش قلك عانس ؟؟اش يعرف عنك
هذي غلطتك من البدايه انك تبيني لزوجك انك اقل من غيرك ومنه او تقوليله اي شي يخصك
دايم بيني لزوجك انك مهمه وانه ليكي مكانه بكل مكان تروحيه لاتححسي بنقص فيكي ولو كرر هالكلمه اضحكي قوليله ليش احمد ربي اني تزوجت وش ناقصني قمر واجنن ومايدق العين الا ماليها وموتي قهر واضحكي قولي ايوه صادق انا برضوا الي عانس انا احمد ربي انك تزوجتني وفكيت عنوستي وانته احمد ربك اني قبلت افك عنوستك
لاتبينيله انك مقهوره ومتأثره بكلمته بالعكس بينيله ثقتك بنفسك دايم وتغزلي بنفسك قدامه عشان يشوفك حلوه لو انك ملكة جمال وحسستيه انك ناقصه وفيكي عيب معين صدقيني مايشوف جمالك ولا يعرف قيمتك الثقه بالنفس مهمه

الله يسعدكم شاكره تفاعلكم
والله ياحبيباتي كلمته ماهزت ثقتي في نفسي أبدا ا
أنا ولله الحمد انسانه متعلمه ومثقفه ومحترمه ومحبوبه وصاحب موقع محترم في مجتمعي
والله ماعمري رحت مكان الا الكل يثني علي وعلى اهتمامي بنفسي وشياكتي واناقتي
ماأقول أنا أجمل البنات لكني ولله الحمد ماينقصني شي أبدا
كلمته جرحتني لأني ماحبيت ان الانسان اللي الله اختاره من بين كل رجال الدنيا يكون زوجي يسمعني هالكلمه
ويمكن لأنه أصغر مني بسنتين دايم يحاول يجرحني
الحقيقه انكسر بيني وبينه شي كبير بعد هالكلمه

صراحه لو كنتي سكتي له اسمحي لي اقولك انتي غلطانه
كان يوم قالك كذا قلتي له انت اللي احمد ربك اني اخذتك والعانس والله مهب انا مااعرست الا متاخر لاني مالقيت احد يستاهلني
وماكنت ابي اي احد ليه انت تحسبني كنت طايحه في بيت ابوي
ولو ادري ان مخك بهالحجم وفاهم اني عانس كان تزوجت اول واحد من اللي خطبوني وماخليت اللي مثلك يقول عني كذا
قسما بالله لو انه انا اني لخليه يكره اليوم اللي قالي فيه كذا وانه مايطلع مع الباب الا وهو منتقص نفسه واني لجيب اكبر عيب فيه واطقه في وجهه
انتبهي يجرحك اذا جرحك لاتقولين حرام انا احسن منه اجرحيه اول شي عشان يحس وشلون عور قلبك ثاني شي عشان يعرف انه هو بعد فيه نقص ولاعاد يطول لساانه ثالث شي عشان معد يتطاول عليك
خلاص اللي صار صار وانتي سكتي له بس لو عدا الموضوع من غير ماتجيبين له طاري كلمته القويه هاذي ترا بتسمعينها مره ثانيه
الله يصلح حالكم ياربي

وترا اول سنه دايم مشاكل ياقلبي ترا طبيعي والله بس حاولي من الاول تضبطين الامور