لو كنتي مكانها وش بتتوقعين بتكون ردة فعل زوجك

1. الله الله بالردود الزينه الواقعيه وترى القصة حقيقيه ،،،

الله الله بالردود الزينه الواقعيه وترى القصة حقيقيه ،،،

وحده يوم درت إن زوجها بيعرس عليها بردت وباركت له وقالت أنا ببخرك وتروش عندي لا تطلع المهم بنت الرجال جابت برشومي ونثرته بملابسه الداخليه ولا كأنها مسويه شي البريئه المهم الرجال لبس وكشخ وبخرته وتعصر عيونها تبي دميعه وحده بس وهو طاير من الفرح راح القصر وكشخ وسلم وانشغل بالسلام على اللي يباركون له ويحس بنغزات بس مستحي العيون عليه مايقدر ياخذ راحته ويبرد كبده ويحك اللي يبي ،،،
اخذ زوجته وراح البيت وطول الطريق وهو يتهرش ويحك بس يحاول مايبين بس ماش كل شوي يزيد الحك مره ظهره ومره بطنه ومره منا ومنا وانتبهت العروس وسكتت ويوم وصل بيته إلا وهو خلاص ناضج من الألم والنغزات بجسمه ويستغل دخلتها غرفتها تبدل إلا وياخذ راحته بالحك وهو مندمج طلعت عليه العروس وشافت الجلد أحمر وسكتت ويوم أصبحت ضفت قشها وطارت بيت أهلها قالت ربكم واحد ما أبي إنسان مريض يعديني وتطلقت ورجع الرجل لبيته والشياطين تنطط بوجهه شاك بزوجته وأول ماشافها صرخ بوجهها وش أنتي مسويه لي ؟؟؟
تبكبكت الحريمه وقالت الظاهر عين بالمره وطلقها وشف غيرها اللي هذا أوله ينعاف تاليه واقتنع الصحيح بكلامها وطلقها وخطب ثانيه وسوت فيه نفس الحركه وعقبها اقتنع إنه هو اللي فيه العين وصار موية قرايه جايه وزيت جاي وهون عن العرس !!!!
((( لو كنتي مكانها من خلال شخصية زوجك وش بيكون ردة فعله من أول مره شافك فيها عقب ما جاء عريس الغفله مقهور ؟؟؟ )))