ليت بعض الناس يفهم كم اباه

يالله يا بنات ابي ردود؟؟؟

روعة بدون مجامله
كملي واحنا معاج يا أحلى روائية مبتدئة : ))

تسلمين حبيبتي والله رفعتي من معنويات بس اشوف كم رد زياده عشان انزّل الجزء الثاني؟؟

واو
روعه
تسلم يدينك يالغاليه..
يلا كملي وشدي حيلك وحنا معاك اول بأول ولنهاية القصه ان شاء الله..
تقبلي مروري
>>لاحرمني الله منكم<<

تسلمون حبايبي والله ما اعرف شو اقولكم؟؟؟ صدق اخجلتم تواضعي؟؟

الجزء الثاني؟؟ يا رب يعجبكم؟؟
الجزء الثاني؟؟
يا ترى شو بيصير حق مهره وسيف ؟؟؟ وشو بيشتري محمد حق ميثا؟؟ وشو بيصير ويا عفرا ومنصور؟؟؟ وشو بيكون دور خالد فالقصه؟؟
تابعوني في الفصل الثاني من القصه؟؟
في اليوم الثاني ....(( بيت ابو خالد))
الكل كان مرتبش عشان خالد محمد بيردون اليوم من بريطانيا؟؟
ريم: ارياني زهبتي الدخون ودهن العود؟؟
ارياني:: يس ماما انا سوي كل شي ..
مها: شموه هاتي الفواله؟؟؟
شما: انزين حطيتها فميلس الرياييل لانه عيال عمومتي كلهم بييون اليوم عشان خالد وريل ميثوه؟؟
ميثا: شو بعد ريل ميثوه عنده اسم على ما اعتقد؟؟
مها: قولي محمد ترى ما ترضى عليه؟؟
شما: متفيجه مرت حمود
ام خالد: بسكن من الهذره زهبتو كل شي؟؟
مريم:: امايه زهبنا كل شي ما تم غير انهم يوصلون بالسلامه؟؟
ام خالد::الله يردهم بالسلامه؟؟
مريم: ارياني وين بنتي؟؟
ارياني:: شوق نوم ماما؟؟
مها: فديتها نوم بسير العوزها؟؟
شما: حرام خليها راقده يالمتوحشه؟؟
ميثا: اسميكن حشره يا بنات عبدالله؟؟
.................................................. ...................
اتزهبو الرياييل عشان خالد ومحمد بيحدرون البلاد اليوم؟؟
ابو خالد وابو محمد وابو عيسى وابو سالم والشباب كلهم متزهبين و متزقرتين؟؟
سالم: هزاع سامت؟؟؟؟
هزاع(( اخو عيسى ريل مريم)) : هيه سامت حشرتني كم مره تسألني والله انك غرشوب الي يشوفك يقول معرس حشا..
سالم:ههه ادري اني غرشوب بدون ما تقول ؟؟؟
هزاع:ههه طالع علي ؟؟
.................................................. .................
عالساعه 8 المسا وصلو الشباب(( محمد + خالد))
وراحو صوب بيت قوم خالد وسلمو عالاهل وتمو يسولفون عن الجو ومحمد مستانس حده اخيرا بيشوف (( ميثاء)) .....
ميثاء كانت كاشخه عالاخر كانت لابسه ثوب مغربي سماوي وحاطه ميك آب سماوي خفيف وراسمه عيونها وطالعه غرام منو قدك يا محمد؟؟؟ ....... راحت عندها مها وقالتلها تنزل لانه محمد يبا يشوفها؟؟
ميثا لبست الشيله وراحت ؟؟ محمد اول ما شافها اتخبل قال في خاطرها يعلني افدا ج يا ميثاني قمر
......... محمد:مرحبا الساع بالغالين؟؟
ميثا (( مستحيه حدها)) : مرحبا ملايين الحمدلله عالسلامه؟؟
محمد: الله يسلمج ...
محمد قرب منها شوي وقالها:: احبج؟؟؟
ميثا (( ذايبه من الحركه اللي سواها)) ونزلت راسها وراحت فوق....
ومحمد يظحك ...
مها: محمد فشلتها؟؟
محمد: عادي حرمتي اقول المها متى بتطلع نتايجكم؟؟
مها: لا تذكرني نتايجنا طال عمرك الاسبوع الياي الله يستر؟؟
محمد:انا يوم كنت كبرج نسبتي كانت 80.2 كنت مصري
مها: ههه بس انا اشطر منك؟؟
محمد:اوكي لو كانت نسبتج اعلى عني بعطيج اللي تبينه شو رايج؟؟
مها:اوكي...
وتمو الاهل سهرانين الين الساعه 12 فليل
واستانسو وايد بس محمد بعده ما عطى ميثا هديتها؟؟
.................................................. .......................
اليوم الثاني؟؟؟
في بيت ابو محمد وتحديداً في غرفة محمد؟؟؟الساعه 11 الصبح
دق تليفون محمد وخالد كان المتصل؟؟؟
محمد:اف منو هذا اللي يتصل احين؟؟
عناد ما برد عليه؟؟؟ وغلق الموبايل؟؟؟
في بيت ابو خالد....
خالد:اشبلاه ما يرد؟؟؟
ابو خالد:رد اتصل مره ثانيه يمكن راقد
خالد:اوهو غلق الموبايل عاد محمد اذا رقد ما ينش؟؟
ابو خالد: انت في شو تباه؟؟
خالد: سالم ولد عمي قاللي تعال انت ومحمد بيتنا يبانا في سالفه ما ادري شو عنده؟؟
ابو خالد: انزين سير حق محمد البيت؟؟
خالد:خلاص عيل انا ساير له ان شاء الله بنصلي الظهر رباعه وبنمر على سالم؟؟؟ يلا من رخصتك الوالد؟؟
ابو خالد:الله وياك؟؟
وطلع خالد من البيت وراح صوب بيت عمه ابو محمد ؟؟؟
وهو فالدرب شاف سياره مغرزه ونزل ايشوف منو صاحب السياره .... شاف ريال مغرزه سيارته راح وسلّم عليه؟؟
خالد:السلام عليكم خير شبلاه الموتر؟؟
الريال: عليك السلام ... والله ما ادري غرز عليّه الموتر؟؟
خالد:افا عليك احين بنطلعه..
الريال:تسلم... وراح خالد هو والريال وتعاونو وطلعو الموتر من الرمل بعد نص ساعه؟؟
الريال: مشكور اخويه ... الا ما تعرفنا منو الريال؟؟
خالد: انا خالد بن عبد الله الكتبي وانت؟؟
الريال: والنعم.. وياك مطر بن سعيد الشامسي؟؟
خالد: والنعم سبعين ولا يسدن بالشامسي؟؟
مطر: والنعم فيك.. مشكور مره ثانيه؟؟
خالد:لا افا عليك ما سوينا شي ...هذا رقمي ((988......)) واذا احتجت اي شي تراني حاضر وعلى هالخشم؟؟
مطر: مشكور يالطيب وهذا رقمي((761.......))
خالد: خلاص عيل اخليك تامر على شي؟؟
مطر:لا سلامتك ...
خالد: فوداعة الله؟؟
مطر: الله يحفظك
.................................................. ...............
ورجع خالد البيت لان ثيابه خاست يوم طلع موتر مطر؟؟
دخل الصاله وحصل خواته وامه يالسات؟؟
خالد: السلام عليكم؟؟؟
قامت مها وخاشمت اخوها خالد..
خالد:ههه حلوه الحركه
مها:احبك شو اسوي اقول خلودي ليش ثيابك خايسه رمل؟؟
خالد: طال عمرج شفت واحد مغرز موتره وروحت اعاونه عشان يظهر الموتر من الرمل وخاست ثيابي؟؟
ام خالد: وسرت حق محمد..
ميثا من سمعت طاري محمد ابتسمت؟؟
خالد لا حظ عليه جان يبتسملها .. ميثا نزلت راسها متفشله من اخوها لانه فهم عليها؟؟
خالد: لا ما سرت له الحبيب راقد؟؟
ميثا في خاطرها: يعلني افداه راقد للحين؟؟
مها: اصلا هذا دوم راقد شرات ميثوه؟؟
شما: هيه والله هي وريلها رقود؟؟
الكل تم يظحك....
وراح خالد وتسبح وكشخ لبس كندوره بيج وعصامه نفس اللون ونظاره شمسيه وطالع غرام..
طلع من البيت وركب سيارته الرنج الابيض وراح جدا بيت قوم محمد؟؟
نزل ودق الجرس وطلعتله عنود بنت عمه واول ما شافته تخبلت عليه وقالت في خاطرها ((عنلاته محلاه )) ....
خالد:السلام عليكم..
عنود: عليكم السلام مرحبا خالد تفضل حياك؟؟
خالد:دام فضلج هود هود
ام محمد: هداا هدا مرحبابك خالد اقرب
خالد: قريب قريب شحالج مرت عمي؟؟
ام محمد: يسرّك الحال يا بو وليد ؟؟؟ انت شحالك؟؟
خالد: الحمدلله
ام محمد:عنود حبيبتي صبي قهوه حق ولد عمج؟؟
عنود: ان شاء الله امايه...
خالد عينه على العنود ويقول في خاطره(( محلاتها هالبنت والله عذاب))
((عنود بنت وايد ناعمه وهاديه وعليها جمال مش طبيعي واحلى شي فيها خشمها))
عنود: تفضل خالد >>>>عطته فنيان القهوه
خالد: دام فضلج الشيخه اقول خالتي وينو محمد اتصل فيه بس موبايله مغلق؟؟
ام محمد: اكيد راقد اوعيلك ياه
خالد:لا مب مشكله انا بسيرله الحجره بس وين حجرته اي صوب؟؟
ام محمد:عنود امايه قومي ودي ولد عمج حجرة اخوج...
((عنود استانست وخالد نفس الشي؟؟))
عنود:ان شاء الله....
وقامو خالد والعنود
وهم في الدرب ...
خالد:اقول العنود انتي شو تدرسين؟؟
عنود: طال عمرك انا ادرس تربيه؟؟
خالد:يعني بتشتغلين مدرسه؟؟
عنود:ان شاء الله>>>>> هذي حجرة محمد الله يعينك عليه نومه وايد ثقيل...
خالد:ههه ادري كان يعذبني ونحن فبريطانيا...
عنود:ههه عن اذنك..
ودخل خالد عند محمد الحجره ولقى الحجره بارده تشجع الواحد يرقد..
خالد: محمد محمد محمد محمد يلا قوم ؟؟
محمد:..................... (( في سابع نومه))
خالد:حمود يلا يا ريال ورانه درب؟؟
محمد:..................................... (( يشخر))
خالد:اف انا اراويك؟؟
وراح خالد وشغل الليت وسكر المكيف وفتح الدرايش وشال اللحاف عن محمد ؟؟
محمد:ها شو تبا؟؟ خلني ارقد خلود بذبحك؟؟
خالد:محمد قوم ميثوه تباك
محمد من سمع اسم ميثا قام .... وينها؟؟
خالد:ههه اسولف وياك سالم ولد عمي يبانا في شغله يلا قم اتسبح واكشخ يلا ولا بخبر ميثوه...
محمد:لا كلّه ولا ميثا قايم؟؟
وراحو محمد وخالد عند سالم وطلع عازمهم عالغدا ويبا يوديهم دبي ويحوطهم هناك لانهم من زمان ما شافو البلاد..
.................................................. .....................
في بيت ابو منصور..
ريم وام منصور ومروه يالسات في الصاله يطالعن مسلسل حاير طاير>>>> ودخل عليهن منصور وكاشخ عالاخر وحالته حاله ....
منصور: السلام عليكم وراح وحب امه على راسها..
الكل عليكم السلام ...
ام منصور:حبتك العافيه ها كاشخ ولديه وين رايح؟؟
منصور:رايح اخطب؟؟
الكل :ههه
ريم: ومنو هاذي سعيدة الحظ؟؟
منصور: وحده بوي؟؟خ
ريم استغربت من كلام منصور؟؟
ام منصور:خل عنك هالسوالف وقولي وين رايح؟؟
مروه:ياك الموت >>>اعترف ؟؟
منصور:والله رايح المول ويا الربع؟؟ تبون شي ؟؟
الكل :لا سلامتك..
وراح منصور وتمت ريم مستغربه من كلا م منصور
وتذكرت لما سألها عن عفرا وقالت في خاطرها معقوله منصور يحب عفرا اوه لا لا مستحيل وبعدين كيف عرف انها بوي انا لازم اعرف السالفه هين يا منصوروه انا اراويك ؟؟؟
وراحت ريم تتصل بمها وتشوف شو اخبارها؟؟
ريم:الو مرحبا
مها:مرحبتين هلا واله بريماني؟؟
ريم:اشحالج؟؟
مها:تمام وانتي؟؟
ريم:ترتوب
مها:وشحال عفروه؟؟
ريم:ما ادري والله من زمان ما رمستها؟؟
مها:افا ..ريم اتصدقين انه هالبنت حبوبه وايد؟؟
ريم:قلنالج انتي ومهرووه هالخديه ؟؟
مها:ههه انزين شخبار منصوري؟؟
ريم:ههه شو منصوري بعد؟؟
مها:خ اسولف بس صراحه اخوج عذاب يا حظها اللي بتاخذه؟؟
ريم:ههه؟؟؟
وتمو البنات يسولفون نص ساعه عقب سكرو عن بعض؟؟
.................................................. ......................
في بيت ابو مهره الساعه 12 فليل
ام مهره ومهره يالسين في الصاله ؟؟؟؟
ودق تليفون مهره وسيف اللي كان متصل فما ردت عليه لانه امها قاعده معاها؟؟
ام مهره:مهاري منو متصل ؟؟
مهره:ها لا محد هاذي ريموه؟؟
ام مهره: انزين ردي عليها؟؟
مهره:لا خلاص سكرت امايا انا بروح انام تبين شي؟؟
وراحت مهره حجرتها واتصلت بسيف؟؟
مهره:الو
سيف:هلا مهاري وينج ليش ما رديتي؟؟
مهره:لا تزعل امي كانت معايه؟؟
سيف:اوكي مب مشكله؟؟
وتمت اتسولف وياه لين الساعه 3 الفير؟؟
.................................................. .........................
فاليوم الثاني؟؟
في بيت ابو خالد الساعه 1 الظهر؟؟
ميثا فالمطبخ اتعابل الغدا هي وارياني وشما قاعده عالكمبيوتر وخالد ومها قاعدين فالصاله يطالعون برنامج من سيربح المليون؟؟
خالد:مهوه بسير الحمام وبرد قوليلي شو بيستوي؟؟
مها:مب متفيجتلك ايلس عقب سير؟؟
خالد:دقايق وراد..
مها:انزين سير بس لا تبطي ..
خالد:اوكي..
وراح خالد وبعد خمس دقايق دق تيلفونه وكان مطر اللي متصل؟؟
مها:اف هذا نسا موبايله؟؟
ارد ولا لا؟اف خلاص برد؟؟
مها:الو
مطر(( ذاب بصوت مها الناعم)):الو مرحبا اختي؟؟
مها:مراحب ؟؟
مطر: بغيت خالد لو سمحتي؟؟
مها:خالد مو موجود اتصل فيه عقب شوي
مطر:ان شاء الله ...تامرين بشي؟؟
مها:لا..... مع السلامه؟؟
مطر:الله يسلمج؟؟
مطر((في خاطره)):عنلاتها محلا هالصوت ؟؟
مها(( في خاطرها )): منو هذا ؟؟؟
ورجع خالد..
مها:خلود واحد اتصل وقال بغيت خالد..بس ماقال منو هو؟؟
خالد:هاتي الموبايل بشوف؟؟
مها:يود؟؟
خالد:هيه هذا مطر؟؟
مها:منو مطر؟؟
خالد:جب ما يخصج؟؟
مها:افا يلا عاد قول منو ها؟؟
خالد:ملقوفه هذا واحد من الربع ؟؟
مها:انزين ؟؟
.................................................. .................
عالساعه 4 العصر؟؟؟؟؟
ميثا طفرانه فراحت تتصل بعليا ربيعتها
ميثا:الو عليوه الحقي علي
عليا: خير شو مستوي؟؟
ميثا:بموت من الملل السنه اليايه باخذ صيفي عشان ما امل؟؟؟
عليا:ههه على بالي محمد استوى في شي؟؟
ميثا:لا باسم الله عليه ؟؟؟
عليا:ههه الله يحفظه... انزين ليش ما تيين عندي البيت؟؟
ميثا:ام والله فكره بس منو بيوصلني عندج؟؟
عليا: خلي خالد اخوج؟؟
ميثا:ام اوكي بشوفه وبرد عليج خبر؟؟
عليا:اوكيك..
نزلت ميثا ولقت خالد يالس يلعب كيرم ويا مها؟؟؟
ميثا:خلود حبيبي طلبتك لا تردني؟؟؟
خالد: عطيتج شو بغيتي آمري؟؟
مها:هيه حق ميثوه امري وتدللي بس انا وحليلي كل ما اقول شي تسكتني؟؟
خالد:يالخديه هذي عروس لازم ندلعها بتروح عنّا عقب؟؟
ميثا:ههه انزين المهم خالد بغيتك اتوديني بيت عليا المرّي ربيعتي؟؟؟
خالد:وين بيتهم ترى ما ادل؟؟؟
ميثا:انا بدلك؟؟
خالد:اوكي متى بتسيرين؟؟
ميثا: احين بس بروح اتلبس وبيي؟؟
خالد:اوكي؟؟
طلعت ميثا تتلبس وعقب خمس دقيق وصلها خالد بيت عليا.........
.................................................. .........................
في بيت قوم عفرا؟؟؟
عفرا يالسه في حجرتها اترمّس ريم ومها عالمسن؟؟
ريم:اقول عفروه
عفرا:هلا
ريم:شو رايج فاخوي منصور؟؟
عفرا: .........................................
مها:واو اخوج عذاب يطيح الطير من السما؟؟؟خ
ريم:ههه
عفرا:ههه
ريم: عفرو صدق شو رايج فيه؟؟
عفرا: حليو قمر
طالع عليج؟؟؟
وريم:خ
مها:اقول بنات ما سمعتو شي عن النتايج
ريم:لا والله ما سمعت شي؟؟ الله يستر
عفرا:والله اخاف ارسب؟؟
مها:لا ان شاء الله ما بترسبين ...اقول شو بتدرسون؟؟
عفرا:ام والله ما ادري يمكن بزنس
مها: وانتي ريموه؟؟
ريم:ام والله للحين ما قررت؟؟
وتمن البنات يسولفن ؟؟؟؟؟
.................................................. .............
في بيت قوم عليا المرّي
عليا: ميثوه شخبار ممحمد؟؟
ميثا:فديته بس والله ما ادري عنه
عليا: ام شو رايج تطرشين له مسج
ميثا:ما ادري
عليا:يلا يلا
ميثا:انزين شو اكتبله؟؟
عليا:ام اكتبيله (( وش السبب يا ناس صد المحبين حتى الرسايل ما تجي من طرفهم))
ميثا:ههه اوكي
عقب شوي رد محمد يطرش وكتب)) فديت الزعلانين ميثاني متى بنعرس))
ميثا:ههه ههه
عليا:ههه وحليلك يا محمد مستعيل؟؟
ميثا: شو اطرشله؟؟
عليا:طرشيله (( ولهت عليك يالقاطع))
ميثا:ام اوكي
وعقب شوي محمد اتصل......
ميثا:لا محمد تصل ارد عليه ولا لأ
عليا:ردي عليه اكيد يلا
ميثا (( بصوت كلّه نعومه )):الو
محمد:فديت هالصوت؟؟
ميثا:مرحبا بالقاطع؟؟؟
محمد: حبيبتي لا تزعلين والله مشغول؟؟
ميثا:لا خلاص مب زعلانه ما اقدر ازعل عليك؟؟
محمد:ميثاني ان شاء الله باجر الوالد والواده بيون عندكم عشان ملجتنا؟؟
ميثا:.................................(( ساكته ))
محمد:الوه ميثا وينج؟؟
ميثا:وياك؟؟
محمد:ليش ساكته انا مستانس اخيراً بعرس؟؟
ميثا:ههه
محمد:اوكي انا باجر ابا اشوفج؟؟
ميثا:ان شاء الله ؟؟
محمد:فديت اللي يستحون ؟؟ميثا انتي وين؟؟
ميثا:في بيت عليا المرّي ربيعتي؟؟
محمد:ايوا خلاص عيل اخليج ويا ربيعتج؟؟
ميثا:اوكي؟؟
محمد:يلا مع السلامه ؟؟
ميثا:الله يسلمك اتحمل على عمرك؟؟
محمد:ان شااء الله؟؟
.................................................. ...................
في اليوم الثاني....
في بيت ابو خالد؟؟
عالساعه 8 المسا؟؟
ابو محمد وابو سالم وابو عيسى ومحمد كانو يايين بيت ابو خالد عشان يحددون موعد حق الملجه ...
في ميلس الريياييل ؟؟؟
ابو خالد:ها يا ابو محمد شو قلتو متى تبون الملجه؟؟
ابو محمد : والله الشور عند المعرس؟؟
ابو خالد:ها يا المعرس شو قلت؟؟
محمد:ههه عمي انا اقول الملجه عقب اسبوع ؟؟
وعقبها بشهر يكون العرس؟؟
ابو خالد:على خير ان شاء الله ؟؟
خالد طلع من الميلس وراح صوب حجرة ميثا عشان يخبرها بالموعد وكانو كل البنات متيلسات عنها ؟؟
خالد متعمد عشان يشوف عنود؟؟
دق خالد الباب وقال :هود؟؟
اتسترن البنات واعدلن شيلهن؟؟
ميثا:اتفضل خالد؟؟
خالد وعينه على العنود: السلام عليكم؟؟
الكل:عليكم السلام؟؟
خالد يلف صوب ميثا: ميثا حددو موعد ملجتج؟؟
ميثا:ها متى ؟؟
خالد:خ محمد يبا الملجه عقب اسبوع شو رايج؟
ميثا:والله ما ادري ؟؟؟
خالد:ميثوه املجي بسررعه لا يطير محمد من بين ايدج ترى يسويها؟
ميثا:ههه خل يسويها ويشوف شو بسوي فيه؟؟
الكل:ههه
ميثا: انزين انا ما بلحق اسوي شي؟؟ الفستان والميك آب وكل شي؟؟
مها:هيه والله وانا بعد متى بفصّل فستان لا زم اطلع احلى وحده؟؟
خالد:ما ادري عاد انتو اتصرفو
يلا من رخصتكم ابتسم خالد حق العنود وطلع؟؟
عنود نزلت راسها وابتسمت؟؟
ميثا صدّت على العنود: عنودوه بذبحه اخوج ليش مستعيل ؟؟
عنود:بسم لله اشبلاج محمد معاه حق من متى هو محيرنج مصختوها انتي وياه؟؟
شما:هيه والله عرسو وفكونا ؟؟
ميثا:مالت عليج انتي وياها ؟؟
حمده (( اخت سالم )): ميثوه انتي جي معصبه؟؟؟؟ بسيطه اذا تحاتين الفستان ما عليه اشتري جاهز ترى هي الا ملجه مب عرس؟؟
شما:صدقها حمدوه ؟؟ فديتج ؟؟؟<<<<<عشان اخوها خ
حمده:^____^
ميثا:والله ما ادري واذا ما حصلت فستان على ذوقي؟؟
مها:اذا ما حصلتي البسي((وزار))
حمده وشما وعنود:ههه حلوه
ميثا:الله ياخذكن انا الغلطانه اللي ارمس ويا هالاشكال؟؟
وتطلع عنهن وتسكّر الباب بقو؟؟؟
شما:مهوه حلوه وزار من وين يبتيها؟؟
مها:خ اقول شكلها صدق زعلت؟؟
عنود:حرام هذي عروس لازم ما نزعلها؟؟
حمده:عقبالج العنود؟؟
مها:عنود شكلها بتاخذ راعي الدكان اشوفها كل يوم تتصل فيه؟؟
شما وحمده :ههه تعليقاتج عجيبه اليوم؟ههه
عنود:جب الله ياخذج يا مهوه انا عنود الكتبي آخذ راعي الدكان انا؟؟
وتمو يسولفون ................................................
في بيت ابو منصور؟؟؟
ريم قاعده في غرفتها واتذكرت اخوها منصور لما قال : انا باخذ وحده بوي؟؟؟
ريم تقول في خاطرها: شو قصدك يا منصور من هالكلمه معقوله حاط عينه على عفرا وبعدين حتى لو حاط عينه عليها كيف عرف انها بوي؟؟؟ يا ربي احسن شي اروح واسأله واعرف السالفه كلها؟؟
........ بعد 5 دقايق من التفكير راحت ريم صوب حجرة اخوها منصور ولقته يالس عالسرير يلعب في تليفونه؟؟
ريم:مرحبا الشيخه ريم وصلت؟؟
منصور:هلا بالسيلانيه ريم ؟؟
ريم:جب يالهندي منصور راجو؟؟
منصور:ههه تعالي ايلسي؟؟
ريم:منصور بغيت اقولك شي؟؟
منصور :قولي؟؟
ريم:ام شو تعرف عن البويات؟؟
منصور حس انه ريم في بالها شي..
منصور: ام والله اسمع عنهن ؟؟؟
ريم:انزين شو سامع عنهن؟؟
منصور: ليش تسألين؟؟
ريم:بس جي لقافه؟؟
منصور: دام لقافه ما بقولج؟؟
ريم:يلا عاد قول ؟؟؟
منصور:شو ؟؟
ريم:قول شو تعرف عنهن؟؟؟
منصور:اعرف انهن بنات مستريلات وكل شي فيهن مثل الشباب حركاتهن ولبسهن ومشيتهن واسلوبهن في كل شي يقلدن الشباب؟؟؟
ريم: وشو رايك بهالنوعيه من البنات؟؟
منصور: والله انا اشوف ان البويات مريضات نفسياً يعني ما في وحده تبا اتغير عمرها من بنت الى ولد غير اذا كان في سبب؟؟
ريم:وشو ممكن يكون هالسبب؟؟
منصور:يعني على حسب احياناً الاهل واحيانا البنت من عمرها؟؟؟
ريم:انزين وممكن تفكر تتزوج وحده كانت بوي؟؟؟
منصور: سؤال جوابه صعب؟؟؟
ريم: يعني اذا تغيرت ؟؟؟ ورجعت بنوته طبيعيه؟؟ ممكن تفكر ترتبط فيها؟؟
منصور:ام يمكن ؟؟ اذا اتأكدت من اخلاقها؟؟ وانها ودرت سوالفها الاوليه؟؟؟ لحظه انتي ليش تسألين ؟؟
ريم: هاه لا ماشي بس جي ؟؟؟
منصور:ليكون تبين تستوين بوي ؟؟
ريم:بسم الله عليّه بنوته ونعومه من يومي؟؟؟
منصور:ههه قصدج سيلانيه من يومج؟؟
ريم: خ اقول منصور متى بتعرّس؟؟
منصور:اشبلاج عليي اليوم ؟؟
ريم:احبك وايد؟؟
منصور: خ ادري اصلا كل بنات الام

انتظر ردودكم بفارغ الصبر؟؟

روعه
حبيت محمد وخالد>>الله يستر هذا وحنا تونا في البدايه
حبيت محمد لانه يعامل ميثا زين ولانه يحبها ووايد اخلاقه عاليه
وخالد مثله بعد..
مشكوره حبوبه
تسلم يدينك
تقبلي مروري
>>لاحرمني الله منكم<<

تسلمين حبيبتي لانج متابعه القصه معاي؟؟؟ الله لا حرمني منج؟؟
انا بصراحه احب منصور ومحمد لانهم عذاب واحب بعد ريم ومها؟؟؟