ليت مشاعرنا مثل أسامينا ماتتغير روايه سعوديه رومنسيه واقعيه مؤثره

1. فيصل : الله يخليك لي يا أمي هذا كل اللي أبيه.


2. } عائلة محمد بو ندى {


3. وسن " شخصية جذابة وحلوه ونعومه مؤدبه جدا "


4. أم ندى :يعني لو بنات عمك ماجو بتفرحين.؟

بسم الله الرحمان الرحيم
اللهم صل على محمد وآل محمد
أبدأ قصتي التي سوف أكتبها لأول مره وأرجو من الله العلي القدير أن تحوز على رضاكم
قصه من نسج خيالي وربما تحدي تجربه جديده علي اما ان تفشل او تنجح وربما لن تتكرر
وهي :-
(( ليت " مشاعرنا " مثل أسامينا.. ماتتغير))
ماادري ليه حطيت هذا الاسم الاخت الصغيره تقول هذا انسب يالله على بركه الله
الشخصيات سوف تتعرفون عليهم بالتدريج مع الأحداث
فيصل ( فتى حبوب ووسيم وطيب يعيش هو ووالدته في منزل وحيدين فقط )
أ م فيصل ( امرأة حبوبه تحب ابنها فيصل وتخاف عليه حبوبه جدا بشكل لا يوصف )
أم فيصل : قوم يافيصل من النوم ورآك دوآآآم
فيصل : يمه حرام عليش تو الناس والله والله أنتي أكثر من مراقب الدوام . المفروض تشتغلي معانا في المستشفى
أم فيصل : يالله خلاص كفاية دلع
فيصل : فديت هاالأم > فيصل جلس وباس راس أمه
وقال: والله أنا من غيرك مااللي لزوم ياأم فيصل
أم فيصل : والله أنت شمعة بيتي أنا اللي من غيرك مالي لزوم
فيصل : فديت الأم والله جنان أحلى من كل أمهات العالم
أم فيصل : قوم يعلي أعرسك
فيصل : أوه يمه أعرسك أبعرسك ليش مستعجلة والله ماشفت البنت اللي تترس عيني
أم فيصل : والله ماشفت ..؟ عندك بنات أعمامك وأخوالك والله كل وحده تقول للقمر قم وأنا أجلس مكانك .
فيصل > ابتسم لأن هذا الموال كل يوم يتكرر <

فيصل : الله يخليك لي يا أمي هذا كل اللي أبيه.

أم فيصل >ابتسمت وحست أنها مالكه الدنيا بكلام ولدها وحبيبها فيصل >" سرحت بحب أبنها وتذكرت أنها كافحت لين ربت فيصل من بعد ماسافر والده وتركها هي مع ولدها وكان عمره سنتان
وكيف ساعدها أخوها الكبير بورثها من والدتها وتاجر لحد ماوقفت على رجولها وصارت الأم الحنونة والأم التاجرة الغنية اللي رفضت كل شي على حساب ولدها فيصل" تاجرت وكونت ثروة لولدها فيصل حتى لايحس بفقد والده له وأدخلته كلية الطب.سرحت بفيصل الطفل الصغير اللي ربته وتعبت عليه الحين تشوفه رجال ومركز بس ناقص تشوف عياله وتتمنى ياريت يوافق ويتزوج "<
فيصل قطع حبل أفكار أمه ووقف على راسها : يمه يمه وين رحتي؟
أم فيصل ضحكت : ياريت تتزوج ببنت أخوي محمد
فيصل : ههه أي وحده ندى ولا وسن ؟؟
أم فيصل : وسن طبعا.
فيصل عقد حواجبه : وش معنى وسن على راسها ريشه ؟؟
أم فيصل : ماأدري بس أحبها والله .
فيصل : أقول يمه يالله مع السلامة بتأخر على العمل بسبب موآآآآل الزواج اللي كل يوم تكلميني عنه .

} عائلة محمد بو ندى {

وسن " شخصية جذابة وحلوه ونعومه مؤدبه جدا "

ندى " حبوبه وجميله ولكنها أقل جمالا من وسن لكنهم يحبون بعض في عائلة وسن الأنصاف ليس موجود ألا من والدتهم لكن والدهم يفضل ندى على وسن ودائما يرى وسن البنت اللي تخلي عفاريت الدنيا تنطط قدام عيونه > على قولة أخواننا المصريين <
ولكن ماالسبب؟؟؟"
سوف نعرف هذا من خلال تسلسل الأحداث.......
وسن جالسه مع أم ندى بالصالة والأم تشاهد التلفزيون وتسلى بالمكسرات
وسن : يمه ليش كل أسبوع تصير ألجمعه ببيت أحد ليش مايصير كلنا نروح ببيت جدي الله يرحمه ونتجمع كلنا بدل كل أسبوع يصير ببيوتنا
أم ندى : يايمه لازم كذا كيف نروح هناك وهو مافيه أحد من يخدم علينا وينظفه
وسن : كل واحد فينا يجيب شي مع شغالاتنا وخلاص والله يمه تعبنا يوم اللي يصير بيت أبوي يهزئ فينا ويقلب البيت علينا.

أم ندى :يعني لو بنات عمك ماجو بتفرحين.؟

وسن :يمه ليش؟ والله أحلى شي لما نجتمع مع بنات عمي بس المشكلة أبوي" وسن نزلت راسها لتحت ناظرتها والدتها بحزن لأنها أكثر وحده عارفه أن أبو ندى مايطيق وسن قباله ودائما يحرجها ويجرحها سواء أمامهم أو يم أهله لما يصيرو معهم بالبيت "
أم ندى : وسونه حبيبتي لاتزعلين في النهاية هذا أبوك أنتي تعرفينه مو أول مره ومرده يوم بيتعامل معاك زين .
"" وسن ناظرت والدتها ولسؤال بنظراتها يقول متى متى متى؟؟""
أنفتح الباب ودخل بوندى" شخصيه جادة مايضحك إلا لحبيبته ندى وبس وإذا دخل البيت يكون البيت كله ساكت من هيبته "
دخل الصالة بو ندى : السلام عليكم
الكل :- وعليكم السلام ورحمة الله وبركاته
بوندى ناظر بالصالة يدور على شي فاقده تلفت يمين وشمال وقال: وين ندى.؟
أم ندى ابتسمت كأنها عارفه بالسؤال مسبقا : هي جات من الكلية ودخلت لغرفتها ترتاح أصحيها الحين؟؟
بوندى بحنيه : لا خليها بعد عمري أكيد تعبانه
بنفس الوقت ناظر وسن و بصرامه :هي أنتي ليش جالسه هنا؟؟
وسن بخوف : جلست مع الوالدة بس.
قاطعها : يعني أيش جالسه أنا مآبي تبريرات أنا أقول لما تجين من المدرسة تدخلين غرفتك مو رازه وجهك هنا يا الله انقلعي وأحسن لك انخمدي في سريرك لين يجهز الغداء
وسن مارفعت عينها على والدها وقالت على طول : إن شاء الله تامر أمر أنت بس.
بو ندى : وشفيك واقفة يالله.؟
وسن بخطوات سريعة وخوف صعدت لغرفتها وفي عيونها حزن وألم وقهر من تعامل والدها لها
ندى دخلت على وسن وشافتها حزينة ندى : وسونه يا عيوني وش فيها القمر زعلانة ....!!!
وسن : ماأدري شسوي أبوي على طول يعصب علي والله دايما أراضيه .
ندى :آآآآه أنتي ما تعودتي لا تزعلين والله الدنيا ما تسوى وأنتي زعلانة
وسن ضحكت وورى ضحكتها آلم يعصر قلبها
ندى ابتسمت : آه ياحلوها من ضحكه
وسن : ندو ياعمري ألليله جمعتنا عند عمتي أم فيصل
ندى : أي والله بنشوف بنات عمك الخايسات سمر ومروه لازم نطلع أحلى منهم اللحين لازم نرتب ملابسنا قبل مايقلبونا
وسن : أي والله يالله قومي
قاطعهم طرق الباب
الخدامة روز : بابا كبير يقول يالله تعالوا نتغذى
وسن وندى ضحكوا : الله يستر
وعلى طاوله الغداء الأب يمينه الأم وندى على يساره ووسن مقابله والدها
ولكن وسن يدور في خلدها مئة سؤال وسؤال كل الحنيه كانت لندى والقسوة الموجودة في والدها سبحان الله كلها راحت
كانت وسن تناظر إنسان أخر يضحك ويمزح ويحن على ندى
لكن السؤال
ليه أنا ما يسوي لي كذا !! ليه أنا لا !!!!!
} عائلة بو منصور {
مروه" فتاة جميله عاقله رزينة أكثر من سمر "
سمر" ألمرحه وتحب أناقتها أكثر من مروه وأكثر نعومه أيضا "
مروه وسمر جالسين بالصالة يتمازحون ويضحكون ويلعبون > أونوا <
أثناء ذلك دخل أخوهم منصور وشافهم يلعبون على طول دخل وسحب الورق منهم مروه وسمر زعلوا وراحوا وراه
أكيد تسألون من منصور " منصور أكبر من مروه وسمر حبوب وطويل ووسيم يمزح كثير ودائما يلعب ويمزح مع سمر أكثر من مروه ودائما يناديها المغرورة وهو أكثر واحد اعتماد عليه في بيت بو منصور "
سمر لحقت منصور لغرفته وهو ماخذ الورق وقالت : والله بذبحك
منصور وهو يضحك عليها : أتحداك يا سمور ههه
سمر : حرام عليك تخرب علينا ليش؟
سمر أشوي وتبكي مسكها منصور وحضنها : خلاص سمور لا تزعلين والله أضحك معاكم
سمر ضحكت ونشوة الانتصار بانت عليها :منصور الليلة بنروح بيت عمتنا أم فيصل
منصور أبتسم بخبث : بتجي بنات عمك ندى ووسن صح؟؟
سمر : قصدك وسن ) (وتبتسم بخبث ( )
منصور : لاتنسين سلمي عليها
سمر : أي يوصل ( ) بنذالة)) أقولك أشوف أفكر أقول لها وإلا لا ؟
منصور : أفا ليش؟؟ هذا وأنا أخوك الكبير اللي يحبك ويراضيك
سمر بابتسامه : خلاص يوصل كل شي ولا أخوي الغالي بالرغم أني أحلى من وسن بس بقول لها .
منصور : يا بنت الحين أنتي أحلى منها!!!!
سمر ضحكت ومشت وهي عارفه في داخلها أن وسن أحلى منها
نزلت سمر لعند أختها إلا بدخلة بو منصور عليهم سلم عليهم وقال : وين أمكم
مروه : أمي طلعت بيت جيرانا
بو منصور :لما تجي ويجهز الغداء نادوني أنا في غرفتي .
بو منصور " الأخ الثالث في قصتنا شخصيه واثقة جدا وحبوب وله مكانه في المجتمع وأب حنون على بناته "
أم منصور" أم حنونة وتحب المظاهر واجتماعيه جدا دائما لها علاقات في المجتمع وتحب تزور وتتزاور مع صاحباتها وجيرانها "
دخلت أم منصور البيت : السلام عليكم
مروه وسمر :وعليكم السلام ورحمة الله وبركاته
مروه : أقول يا أم منصور ترى بومنصور المزيون وصل قبلك
أم منصور : صحيح ياعمري بو منصور أكيد جاي تعبان يالله بنات قوموا قولوا للشغالة ترتب الغذاء على ماابدل وأنزل أنا مع بو منصور
سمر ومروه :إن شاء الله يمه
راحت أم منصور لزوجها
أم منصور : كيفك يا عمري وتاج راسي
بو منصور يبتسم : الحمد لله يا أم عيالي البيت من غيرك ولا شي .
أم منصور : أوه يابو منصور ياحلو كلامك والله اشتقت لك قم ياروحي نتغدى عشان ترتاح من بعدد الشغل
"أم منصور وبو منصور يحبون بعض بشكل جنوني ودايما كلامهم مع بعض بالحب والغزل حتى أمام عيالهم "
وعلى طاولة طعام الغداء تجمعوا العائلة كلها بومنصور وأم منصور ومروه وسمر ومنصور ماعدا حمد اللي دائما أخر الوافدين
دخل حمد : السلام عليكم
الكل :وعليكم السلام ورحمة الله وبركاته
حمد :أو بو منصور يطاوعك قلبك تأكل قبل ما يجي حبيبك حمد ما هقيت تسوي كذا
بو منصور : أستحي يولد قل يبا
حمد حب راس أبوه : وأنا مالي غير بو منصور
أم منصور ماده بوزها وشكلها زعلآنه على حمد
حمد :أشوف القمر أم منصور زعلانة!!
أم منصور : أي تحب راس أبوك وأنا مالي شي
البنات :ههه
حمد : كل شي ولا أم منصور نواره بيتنا وشمعتنا فديت الزعلانين
أم منصور بضحكه : بس كلام أبي حالي حال الأخو اللي يمي
منصور يستهبل : الله يايمه الحين صار بو منصور أخو أجل أحنا عيال مين...؟؟
الكل :- ههه ههه
حمد باس رأس أمه وهو يضحك هذا حال عائلة بو منصور يسودهم الحب والتفاهم
} في منزل أم فيصل { الكل على قدم وساق اليوم أخوان أم فيصل عندها تنظيف وطبخ وترتيب
فيصل : السلام عليكم
أم فيصل : وعليكم السلام ورحمة الله وبركاته
فيصل : كل هالحوسه عشان أخوانك!!!!!!
أم فيصل :ذولا أخوالك
فيصل باستغراب : الله زعلتي..؟
أم فيصل :أبي اعرف ليش أنت تسوي كذا؟
فيصل : آآآآه يايمه أخوك بو ندى يعل القلب
قاطعته أم فيصل وهي معصبه : أستحي هذا خالك بو ندى
فيصل : أوف خلاص بفضي حالي ونجلس وياهم احمد لله أن خالي بو منصور راح يجي هو و منصور وحمد إلا أخوك الثاني ما ينجلس معاه
أم فيصل : ياوليدي أنت الرجال بالبيت وما يصير أخوالك يجوون عندنا ويجلسون لوحدهم
فيصل أبتسم :خلاص راح أجي كل شي ولا الغالية تزعل
أم فيصل : الله لا يحرمني منك يا حنون
وسن طلعت من الحمام ولبست لها فستان أخضر مخصر وقصير ورتبت شعرها وحطت لها ميك أب خفيف وناعم مثلها
ورشت عليها من العطر الفرنسي ودخلت عليها ندى
ندى :الله والله قمر وش ها الحلى هذا.؟
وسن بخجل : أنتي القمر والله
ندى : يحليلك الحين كل ها الجمال الرباني وأنا القمر أنتي القمر بالبيت
وسن صارت خدودها حمر من الخجل : حرام عليك والله استحي
ندى لفت على وسن وباست جبينها بيبي :أحب اللي يستحون يا الله نجهز عشان ما نتهزء
نزلت ندى ووسن وندى وأمهم وأبوهم جاهزين ناظر بوندى في وسن ولا كأنها عاجبته
ها البنت
وسن في البداية ما همها نظرات أبوها اللي تعودت عليها لكن بعدين تضايقت
التفت أبوها على ندى وقال لها بحنيه : حياتي ندى يا الله معاي السيارة
مسك أيدها ومشى معاها للسيارة ووسن وأم ندى وراهم فتح لها باب السيارة ودخلها
وناظر بوسن : يا الله ركبي السيارة بسرعة لا تعطلينا
أم ندى دخلت قدام مع زوجها ووسن ركبت السيارة وهي متضايقة من طريقة معاملة والدها لها .
% في بيت أم فصل %
أم فيصل مبسوطة وهي تحتري إخوانها وبناتهم
فيصل : الوالدة الغالية مبسوطة
أم فيصل : أنكتم أحسن لك ولا تزعلني منك وبعدين أنت كلما شفتني مبسوطة تحب تتسبب فيني
فيصل ضحك لين بانت أسنانه :ههه
> أمه هذي حالتها كل ما يجوون لها أخونها تتغير تفرح ويبان عليها السعادة <
فيصل باس راس أمه : بروح مغلط الرجال أنتظرهم.
أم فيصل :أي والله روح الله لايحرمني من وليدي
فيصل باس يد أمه وطلع لمجلس الرجال
دق جرس الباب وفتحت الشغالة الباب ودخل أبو ندى وزوجته وبناته
أ م فيصل : الله حيهم
أبو ندى وهو مبتسم :كيف أم فيصل الغالية ؟؟؟
أم فيصل : فديت أخوي والله حياك أنا تمام دامك أنت بخير > وقربت من أخوها و حبت رأسه
أم ندى : كيفك ياأم فيصل؟؟
أم فيصل : ياهلا بزوجة الغالي.. وسلمت عليها وباستها على خدها
التفت أبو ندى على بناته : سلموا على عمتكم
قربت وسن من عمتها وباست راسها : كيفك عمه؟
أم فيصل : تمام حياا الله الجمال
وسن بحياء نزلت راسها للأرض
ندى قربت من عمتها وباست راسها : كيفك عمه؟
أم فيصل : يامرحبا بندى بكر أخوي يامرحبا حياكم
أبو ندى : وين فيصل؟
أم فيصل : بالمجلس تفضل أخوي
أبو ندى : بروح لفيصل المجلس لا تنسين يا الغالية جيبي لي القهوة و الحلى اللي من أيدك
أم فيصل : تامر يا الغالي ما طلبت شي يا الله بنات تفضلواا
جلسوا البنات بالصالة .إلا يدق الجرس مره ثانيه ويوصل بو منصور وعياله
ندى ووسن وأمهم تغطوا بالصالة
دخل بو منصور وحب راس أخته
أم منصور سلمت على أم فيصل ودخل منصور وحمد سلموا على عمتهم إلا أبو منصور لمح زوجة أخوه أم ندى
أبو منصور : كيفك يا أم ندى أحوالك؟
أم ندى : طيبه الله يطيب حالك.
قاموا ندى ووسن يسلمون على عمهم بو منصور : هلا والله بالأميرات
وسن باست راس عمها :كيفك عمي ؟
وندى وراها بعد باست راس عمها : كيفك عمي؟
بو منصور : بخير
منصور شاف البنات يسلمون على أبوه وقف يناظر ياترى أي وحده فيهم وسن
قطع حبل أفكاره أخوه حمد : يا الله نروح لفيصل المجلس وسحبه وياه