ليش لها حظ

السلام عليكم ورحمه الله وبركاته
بدخل بموضوعي وابي منكم تقولون لي السبب انا ملاحظه ان اي وحده وصخه لها حظ ماشاء الله اللهم لاحسد لاكن وساخه واضحه انا الاحظ القرف بالبيت وانا ماني من اهل البيت اجل وشلون زوجها ياساتر شي والله يلبنات فوق ماتصورون ماهو حتى بالخيال يعني ابسط شي الحوش والله يابنات الملاعق طايحه عيالها يلعبون فيهن ومعوجينهن اغراض القهوه ماهي منشفه الماء ناشف عليهن الحمام حدث ولا حرج تصدقون مكنسه الكهرب كل قطعه بمكان ولا هامها وزوجها والله كل شوي مغير ذهبها الله لايغير عليهم ..وحده ثانيه والله حفاظات عيالها ورى الباب هذا ابسط شي اقوله يوم اخذ قرض عطاها 5000راحت شرت ذهب والله زوجها بالريموت تحركه ماشاء الله وحده والله يابنات ان مواعينها ماتغسلهن الا مره وحده بالاسبوع تصدقون بالله ذاك اليوم علمتني قالت ابحط غدانا مالقيت صحن نضيف وزوجها هالسنه وداها الطائف ماشاء الله والله يابنات مقولها حسد لاكن فيه سبب وشو ماني عارفته ...وانا ترتيب طبخ لبس كل شي تمام ومع ذالك الحظ لكم عليه هقوتكم السر في نومتهنوالا ايش؟؟؟؟؟