ليش

1. صباح الخير


2. أخباركن إن شاء الله تمام وبكامل الصحه والعافيه


3. تبون تعرفون وش هذي الظاهره ؟؟؟؟؟؟؟؟

صباح الخير

أخباركن إن شاء الله تمام وبكامل الصحه والعافيه

وجمعه مباركه لكن يارب طبعاً أنا كنت أشارك بس بالردود لكن هذي أول مره أكتب موضوع بالقسم هذا ولا تجرأت أني أكتب إلا لأني شفت هذا الشي صار ملحوظ بالمجتمع وصار عادي جداً عند الأزواج وبعض الزوجات مش الكل طبعاً ؟؟؟؟ وأكيد أنتن بعد ملاحظاتها

تبون تعرفون وش هذي الظاهره ؟؟؟؟؟؟؟؟

الخيانه الزوجيه أنتشرت وبشكل كبير بين الأزواج والزوجات وهي خيانه بجميع الطرق وأهمها الخيانه عن طريق التليفون ....... ليش الزوج يخون زوجته مع وحده ثانيه وليش يفضلها مرات على زوجته ومرات بعد تصير هي الغاليه وتصير هي اللي تدري بكل أحواله وحياته الخاصه حتى الراتب تعرف كم يستلم آخر الشهر وتعرف كل صغيره وكبيره في بيته يمكن حتى موعد دوره زوجته تعرف بأي تاريخ تجيها من الشهر وتصير جزء من حياته لا يمكن يستغني عنها وطبعاً كل هذا بدون علم الزوجه اللي على نياتها وكل همها الطبخ وتنظيف البيت وهم العيال فلان ذاكر وعلان عنده حفله يبي بدله عشان الفقره حقته والصغير تعبان يبي المستشفى والشغاله ومشاكلهاوعوابتها والأهل وإلخ من مشاغل وهموم الحياه والزوج طبعاً نايم بالعسل وغرقان بالحب والرومانسيه ويحاول يتصيد الفرص بس عشان يكلم حبيبه القلب اللي تضحك عليه بكم كلمه وتاخذ كل ماتبي وإذا أكتشفت الزوجه خيانته من هم مين يتفشل ويقعد يترجاها عشان ماتفضحه عند العيله الكريمه ويتأسف بس يبي الستر منها ومنهم وهو الألعن عادي يرد عليها بكل برود ويقول لها موبس أنا كل الرياجيل يكلمون وحده وثنتين وثلاث جت علي أنا بس ويطلع ويتركها بصدمتها فيه؟؟؟ وطبعاً إذا سكتت وزعلت عادي أحسن خلها فاكتني من شرها وإذا طلبت الطلاق مع السلامه ماتشوف اللي جابها يجيب غيرها ؟؟؟ .........
وكذلك الحال أذا كانت الزوجه هي الخاينه وتستغل غياب زوجها بأي شكل من الأشكال بس عشان تكلمه وتطلع مافي خاطرها من هموم وغثى الزوج الكريهه بالنسبه لها وتلعن الساعه اللي تزوجته فيها وتسولف عن أدق التفاصيل بحياتها الخاصه وإذا كشفها الزوج على طول مافي تفاهم طلقها ووداها بيت أهلها ... ليش ؟؟؟؟ لأنها هي الخاينه مارحمها على طول طلقها لكن بحاله أنه هو الخاين لازم تسكت وتاكل هوا ومجبوره بعد عشان عيالها مو معقوله تسحبهم كلهم لبيت أهلها ..... (شفتو الفرق )؟؟؟؟؟؟
طبعاً الخيانه وارده بكل أشكالها من الطرفين الزوج والزوجه
وصار اللي صار واللي صار مستحيل اذا سمعتي موضوع زي كذا من اي وحده سواء من صاحبتك او قريبتك من العيله او سمعتي من بعيد تنسينه بسرعه أو حتى تاخذين الموضوع بضحك و مزح ....؟؟؟؟
عشان كذا خلونا نناقش الموضوع ونشوف
وش اسباب الخيانه بين الزوجين؟؟؟؟
سواء الزوج أو الزوجه.......
ومين السبب فيها الزوج أو الزوجه ؟؟؟؟
وليش اصلاً تصير الخيانه ؟؟؟؟
هل السبب من طبيعه الزوج ؟؟؟ أو من الأساس نرجع للأسره بأتخاذ قرار الزواج من فلان لفلانه بالغصب وتضييق الخيارات على البنت أو الشاب ؟؟؟؟
أتمنى الموضوع يحوز على رضاكم أتمنى بعد مشاركتكم بأرائكم
أنتظر ردودكم