ليلة الغمرة هنا فله اخر يوم العزوبية احسن يوم في حياتك

1. 1.مادري وش اسم اللعبة بالعربي بس مواصفات اللعبه:


2. 4. اسم العروسة والعريس:


3. 5.قد ايش تعرفين العروسة؟؟:


4. 6.لعبة المريلة:


5. 8. لعبة التعارف:


6. 9. ابغى اشوفك ......

حياكم الله...
ادخل في الموضوع ولا احتاج اسوي مقدمات؟؟؟
المهم يابنات.. انا قبل شوي كنت اتصفح في النت لحفلات bridal showers اللي زي ليلة الغمرة ....
وفي العاب مرة يجنن تقدون تلعبونه مع المعازيم... يعني علشان مو طول اليوم سواليف ورقص!! يعني لازم نغير الجو ونسوي فله!!!
المهم الموقع بالانقلش بس اللي تبيه تقول لي... وانا ترجمت لكم بعض الالعاب اللي عجبتني مرة.....

1.مادري وش اسم اللعبة بالعربي بس مواصفات اللعبه:

تجمعين كلمات تتعلق في الزواج مثلا (العروسة , العريس, ام العروسه, ام العريس, شهر العسل, الخ) وتخلبطين الاحرف.. وبعدين توزعينه على المعازيم وتخلينهم يرتبون الاحرف علشان تطلع لهم الكلمه.. والاول وحده تخلص وكل الكلمات صح تأخذ الجائزة...
2. نصيحة للعروسة:
قصي اوراق على شكل قلوب ووزعيهم على المعازيم وكل وحده تكتب نصيحة للعروسه ولمن تخلص تحط الورقة في السلة ولمن كل المعازيم يخلصون تقوم العروسة وتقراهم بصوت عالي. .
3.العريس معلق في البلونه:
جمعي بلونات على عدد المعازيم وفي كل بلونه حطي اسم او صورة او مواصفات رجال ومنهم العريس ووزعي البلونات على الحريم مع ابرة علشان يفقعونها واللي تطلع لها العريس تأخذ الجائزة...

4. اسم العروسة والعريس:

كل مرة تدخل وحده من المعازيم تعطينها سلسال او اسوارة (بلون محدد) وطوال الحفلة ماتقدر تقول اسم العروسة والعريس اذا بتتكلم عنهم لازم تقول (العروسة والعريس) واللي تسمع الثانية تقول اساميهم تأخذ الاسوارة او السلسال منها واللي تجمع اكثر السلاسل او اساور نهاية الحفلة تأخذ الجائزة..

5.قد ايش تعرفين العروسة؟؟:

تطبعين من الكمبيوتر او تكتبين بأيد على عدة اوراق اسأله تخص العروسة مثلا (اسم عريسها , لونها المفضل , اكلها المفضل , وش ناوية تسمي اول طفل الخ) على راحتك في اختيار الاسئلة.. المهم وتقسمين المعزيم فرقتين وتعطينهم الاوراق اول فريق يخلص ويجاوب كل الاسئلة صح يأخذون الجائزة..

6.لعبة المريلة:

جيبي مريلة وعلقي عليها عدة اشياء.. وخلي العروسة تلبس المريلة قدام المعازيم لتقريبا 3دقايق وبعدين تدخل غرفة ثانية وتفصخها ..قسمي المعازيم فرقتين واعطيهم ورقة وقلم وكل فريق يكتب وش كانت على المريلة وحددي للوقت مثلا 5 دقايق وبعدين اللي الفريق اللي خلص اول وكله صح يأخذ الجائزة..
7.لعبة الورود ((المسكة)):
اشتري اي مسكلة او ورود وسغلي شريط وخلي الضيوف يدورون بالورود على بال ماتخلص الشريط او الين احد يوقف الشريط واخر وحده معها الورود تفوز...

8. لعبة التعارف:

مثلا اذا كان معظم المعازيم مايعرفون بعض.. تسوون دائرة وتقوم وحده من المعازيم وتقول اسمها وشيء هي تحب بس لازم هالشيء تبدأ بأول حرف اسمها مثلا اسمي فوزية واحب الفواكه وبعدين اللي جمبها تقول مثلا اسمي هند واحب الهلال واسمها فوزية وتحب الفواكه لين توصل لأخر وحده في الدائرة.. او بالاصح علشان مايقعد اللعبة .. كل وحده تقول اسمها وشي هي تحب (بس لازم تبدأ بنفس حرف اسمها ) واسم اللي قبلها...

9. ابغى اشوفك ......

توزعين على كل المعازيم ورقة على اساس يكتبون به اساميهم وشيء يبغون يشوفون العروسة تسوي.. ( مثلا ابغاك ترقصين ولا تنشدين اللي هو) المهم و بعدين يعطون الاوراق للعروسة .. والعروسة تقرأ الاوراق وتقرأ الاسم وتأمرهم يسوون نفس اللي كتبوه على الورقة.. (لا تقولين لهم العروسة بتسوي كذا علشان تشوفين ملامح وجههيم.. على بالهم بيفشلون العروسة وماراح يفشلون الا انفسهم)
0- لعبة الفستان:
جيبي صندوق وخلي كل المعازيم يكتبون على الورقة اساميهم وكم مرة يظنون العروسة جربت تلبس فستانها وبعدين العروسة تختار الجواب الصحيح!! واللي جوابه صحيح يأخذ الجائزة...
يله يكفيكم 10.... ههه..... علشان تعبت وانا اترجم والله واستنى ردودكم.. والرجاء عدم التنطيش