ليه هاللحظه تجيني روايه من تاليف رغوده روعه

لي عوده للتعليق بعد القراءه
مشكوره يالغاليه
تسلم يدينك..
تقبلي مروري
>>لاحرمني الله منكم<<

مشكوره اميره الذكريات

السلام عليكم
ان شاء الله لي عوده مع التعليقات على الشخصيات بعد القراءه
دمتِ

قصه روعه
ريم وعبدالله حلوين
محمد وخالد توحف بس السنتهم طويله..
لينه اتوقع كانت تحب شخص واتزوج..
علاقة لينا ببنت عمها مزون مره حلوه..
هذولي اللي حسيتهم ابرز الشخصيات في هذا الجزء
مشكوره يالغاليه
قصه روعه وبدايه تحمس..
ننتظرك لا تتأخرين علينا..
تقبلي مروري
>>لاحرمني الله منكم<<

مشكورة أختي قموره السعودية وبصراحة القصة مشوقه ونفسي اعرف شو قصة حزن لينا , وريم وسارة ههه عنجد يضحكون ,اما خالد ومحمد شكلهم لزيزين وكمان مزون لزيزة وحبوبة واكترشي الصراحة عجبني غرفة ريم وعبد لله شكلها كتير حلوةههه تقبلي مروري

القصة حلوه شكلها ياالله قمورة كمليها

الجزء الثاني
محمد كان في سيارته ومشغل المسجل ويدندن وداخل بجو...وفي هالوقت رن جواله وانتبه له
محمد:الوو
عبدالعزيز: انت وينك فيه حشى رايح تجيب ذبيحه
محمد: اسم الله علي وشفيك.؟؟سلم على الاقل..
عبدالعزيز: والله انك فاضي وينك فيه الحين..؟
محمد: ها..هذاني وصلت يلا خلني انزل اجيب العشاء عشان تفطحون
عبدالعزيز: صدق انك طويل لسان..يلا لاتتأخر..
محمد: يلا مع السلامه..
ونزل محمد وجاب العشاء ورجع للبيت
.............
ساره: محمد تأخر..وينه..؟
ريم: لاتلاقينه الحين جاي
لينه: اقول اسكتوا خلونا نتفرج..
بعدها رن جوال لينه وعرفت من النغمه ان هذا محمد
لينه: هلا والله
محمد: هلافيك...اقول انا جبت العشاء...لينه حبيبتي ماتبين شي..
لينه: سلامتك والله..
محمد: طيب هالخبلتين اللي جنبك مايبون شي...؟؟
لينه: ههه..تبون شي يجيبه محمد وهو جاي..
ساره: اي لاينسى يمر السوبرماركت..
لينه: قلنا شوكلاته مافيه ههه
ساره بضحك: قسم بالله ترى الحين كف على وجهك..ههه..والله قامت تتحكم بعد
محمد بضحك: خلاص لاتاكلنا بنجيب اللي تبي
لينه: اوك ننتظرك...يلا مع السلامه..
محمد: يا هلا
...................
مزون: اوف
ام عبدالعزيز: وشفيك تتأفأفين بعد..؟
مزون: يمه طفش
ام عبدالعزيز: وش طفش انتي بعد..؟ توك جايه من السوق انتي ماتشبعين روحات
مزون: يمه شوفي ابوي واخواني كلهم رايحي بيت عمي ليش مانروح احنا بعد..؟
ام عبدالعزيز: خلاص اخوانك راحوا وشلون تبين نروح..؟
مزون: لاخالد توه قاعد نروح معه تكفين يمه..
ام عبدالعزيز: ياربي على هالحنه...الله يصلحك بس
مزون: امين....بس تكفين نروح..
ام عبدالعزيز: روحي لحقي على اخوك قبل لايطلع..
قامت مزون وهي تركض كنها بنت عمرها ست سنين
ام عبدالعزيز بصوت عالي:يابنت اركدي وشفيك انتي بزر..؟
دخلت مزون غرفة خالد وهو طالع وهي تحاول تاخذ نفسها..
خالد: خير وش صاير..؟
مزون وهي تاخذ نفسها: سلامتك بس انا وامي بنروح معك بيت عمي..
خالد: ههه ان شاء الله جايه تركضين عشان كذا..
مزون: اي نعم خلصنا نبي نروح معك..
خالد وهو رافع ايده للسماء:يارب تخلف عليها وتستر علينا
مزون: خير ان شاء الله وش شايفني مجنوونه؟؟
خالد: ههه لاوالله خبله..المهم انا انتظركم بالسياره تتأخرون امشي واخليكم
مزون: لالالالا خلاص الحين نجي
خالد: يلا انتظركم..
وفعلا راحوا مع خالد بيت عمهم بو عبدالله
...........................
وصلوا بيت عمهم نزلت ام عبدالعزيز قبل عيالها
مزون: اوف...وين التلفون؟؟...خالد رن علي..
خالد: هذا انا ارن..
مزون: ايه خلاص خلاص...لقيته
خالد: انتي قلق قلق انتي وكل شي يمد لك بصله
مزون: ترى الحين اقوم عليك
خالد: روحي بس يلا دخلي
بيت بو عيدالله كان فيه بابين الباب الاول كانوا دايما يدخلون منه الرجال لانه كان عند المجلس حق الرجال والباب الثاني يدخل من اهل البيت والحريم وكثير من البيوت تتميز بهذا التصميم
وطبعا خالد دخل من باب الرجال لانه رايح على طول للمجلس اما مزون راحت للباب الثاني.
لمحت مزون وهي داخله رجال واستنتجت انه محمد
مزون: السلام عليكم
محمد بأبتسامه: ياهلا والله وعليكم السلام
مزون: شخبارك محمد..؟
محمد: والله بخير بشوفتك..
مزون بتعجب:الله يسلمك
محمد: شخبارك انتي..؟
مزون: كأنك مو شايفني اليوم..
محمد: ههه..الحين من اللي سأل الثاني..
مزون: حتى لو..
محمد: طيب اسمحي لي..بدخل العشاء
مزون: اساعدك..؟؟
محمد: ما ابي اتعبك..
مزون: لاتعبك راحه..هات اشيل معك
محمد بفرح: تسلمين والله ياذوق
مزون بأستغراب: العفو
وشالت مزون ومحمد الاغراض ودخلوا داخل
.............................
مزون وهي داخله على البنات الغرفه:هاي
ساره: وعليكم الهايات
لينه بفرح: مزون.
مزون بأبتسامه: هلا والله
مزون وهي تسلم عليهم:اقول ترى محمد جاب اللي تبونه
ريم: جاب العشاء والحلويات
مزون: ههه والله ما ادري عنكم وش طالبين...عاد طالبين ضبان سحالي عشاء غدا..روحوا شوفوا
ريم: يابايخه ودي اسطرك وشذا القرف..
ساره: يبيلها اللي في رجلي
الكل: ههه
لينه: ياحلوك مزون والله انا فرحانه انك جيتي...وين خالتي.؟؟
مزون: امي تحت مع الوالده..
ريم: اجل ننزل نسلم عليها
محمد وهو جاي لهم ومعصب: ماتبون شي..؟ والله يكون احسن مو لازم
ساره: يوه صح جبت الاغراض..؟؟
محمد: اي جبتها ساعه مخليني استنى
ريم: خلالالاص جايين...
محمد: طيب انا بنزل قولوا للشغالات يجيبون لنا العشا في المجلس..
ساره: ان شاء الله...بس جبت اللي نبيه
محمد: يارب انتي ماشفتي خير جبت روحي شوفيه هناك..
ساره: يمه...طيب
وراحوا ريم وساره يشوفوا وش جاب محمد,ولينه ومزون راحوا لغرفة لينه
مزون وهي ترمي نفسها على السرير:اووف
لينه:ههه من أولها وشفيك..
مزون:امي والله طلعت روحي على ماوافقت نجي
لينه: يوه صح نسيت انزل اسلم عليها
مزون وهي تستوعب: حتى انا ماسلمت على خالتي طلعت فوق على طول
وقاموا مزون ولينه يراكضون زي الاطفال
ريم: وشفيهم..؟
ساره:خير وشصاير..؟؟
لينه ومزون وهم يتكلمون بسررعه: مو صاير شي مو صاير شي
ساره: الحمدلله بس
ريم: ههه خلك منهم
محمد وهورايح للمجلس: بسم الله وش صاير..
مزون: مافي شي
كان باين على وجه محمد الاستغراب وفجأه تحول هالاستغراب الى ابتسامه خبيثه
لما قربوا يوصلون لعند الحريم وقفوا وهم ياخذون نفسهم وقاموا يطالعون بعض
لينه ومزون:ههه
مزون:هالطبع ماراح نبطله
لينه: ههه
لينه ومزون كانوا دايما لما يبون يرحون يسلمون على احد يتراكضون ....عشان يشوفون من بيسبق الثاني مو عشان السلام نفسه
مزون ولينه:السلام عليكم
ام عبدالله وام عبدالعزيز: عليكم السلام
وبعد ما سلموا على بعض قعدوا لينا ومزون جنب بعض
ام عبدالله: هلا والله مزون شخبارك حبيبتي..؟
مزون: والله بخير دامك بخير..
ام عبد العزيز: شلونك لينه..؟
لينه: بخير ياخالتي...اخبارك انتي..؟
ام عبدالعزيز:الله يسلمك يابنتي بخير..
ام عبدالله: وين البنات..؟
لينه وهي تساسر مزون: قال بنات الا خرفان
الثنتين: ههه
ام عبدالعزيز: ياكثر ماتتساسرون
ريم وساره:السلام عليكم
الكل: وعليكم السلام
مزون وهي تكلم لينه بصوت واطي: اذكر اللي شسمه يجيك اللي شسمه
لينه: ههه
ام عبدالله:رحنا نشوف الاغراض اللي وصينا محمد عليها
مزون وهي تطالع لينه فتحت عيونها وكأن عيونها بتطلع من مكانها
لينه: وشفيك..؟ وش صاير..؟
مزون: ياخبله شوفيني وش لابسه..
لينه: وشفيك لبسك روعه من وين جبتي هالملابس حلووه مره..
مزون: مالت عليك...احنا كنا نركض وانا مو لابسه عباتي
لينه: ههه ليش تبين تلبسين عبايه..؟؟ بنلاحق غنم في البر..؟
مزون: ياربي مو كذا واحنا نركض اخوك محمد شافنا..
لينه فتحت عيونها وحطت ايدها على فمها وبعدها بثواني : ههه
مزون وهي معصبه:تضحكين..؟
لينه: يعني محمد شافك كذا..
مزون كانت لابسه بنطلون جينز ناعم لونه سماوي وكانت لابسه بلوزه كات لونها موف غامق وكانت طبعا البلوزه مره حلوه عليها خصوصا انها بيضه واللي لابسته غامق
مزون كانت بنت حلوه وفيها جاذبيه لون عيونها بني فاتح وشعرها كان يوصل تحت كتفها تقريبا لحد كوع يدها لكن هي كانت تحب بين فتره وفتره تصبغه وتسوي له قصات
عكس لينه... لينه كانت عيونها عسلي وشعرها بني فااتح وكانت حلوه مره ولينه كانت نفس الشي فيها جاذبيه كبيره
وكانت ماتحب تقص شعرها او حتى تصبغه
مزون ولينه كانوا قريبين من بعض في جاذبيتهم يعني لو احد بيقعد معهم يحتار من يطالع فيهم
مزون: ياربي فشيله...لا والمشكله يقولي وش صاير اقول مافي شي فرحانه اكلمه وانا كذا
لينه: ههه...هذي اخرة هالحركات
مزون: يعني انا بروحي اللي كنت اركض..؟
لينه: ههه...خلاص انسي ولاكأن صار شي...بعدين احنا كنا نركض مالحق يطالع زين..
....................
عند الرجال
سعود:محمد محمد..
محمد بعد ما انتبه: هلا والله..
سعود:وشفيك يارجال وين سارح فيه..؟
محمد: سلامتك معكم..
طلال: ياخي وين معنا.....الرجال له ساعه يناديك..
رد محمد على كلامهم بأبتسامه
سعود: اقول تلعب..؟
محمد: نلعب وش روانا..؟
عبدالله: عن أذنكم..
طلع عبدالله وكلم ريم وطلعت له عشان تشوف وش يبي..
ريم: هلا عبدالله..
عبدالله: هلا وغلا فيك ياقلبي..
ريم بأبتسامه: بغيت شي حبيبي..؟
عبدالله: اي والله بغيت..
ريم: امر..وش بغيت ..
عبدالله: بغيتك انتي.. ابي اكحل عيوني بشوفتك...
ريم: ياحياتي انت..امرني وش بغيت..
عبدالله: والله بغيت اشوفك ياالغاليه...شلونك تعبانه..؟
ريم: دام اشوفك انا بخير والله..
قرب عبدالله من ريم وباس خدها
عبدالله : تسلمين حبيبتي...وين الشغالات ماجابوا شي..؟
ريم: تعال نروح نشوفهم في المطبخ..
وراحوا المطبخ
عبدالله كان يحب ريم كثير من أول يوم شافها ريم وعبدالله زواجهم كان زواج اهل لكن سبحان الله الحب جمع بينهم بشكل كبير وكأنهم اختاروا بعض من قبل مايتزوجون
ولما عرف انها حامل استانس وفرح بشكل كبير لانه بيكون اب واكثر شي فرح فيه ان هالولد بيكون من ريم حبيبة عمره..وكان دايما يحاول يريحها ويطمن عليها ويدللها من أول يوم من زواجهم
المطبخ كان في بيت بوعبدالله مطبخ خارجي يعني برى البيت نفسه
ريم: سيتي ها خلصتوا..؟
سيتي:يس مدام
ريم:اجل حطوا عند الرجال وحطوه عند الحريم(ريم وهي توجه الكلام لعبدالله)قولي الحين انتوا تبون العشا وين..؟
عبدالله: حطوا في المقلط..نتعشا وبعدين نرجع نقعد في المجلس..
ريم:طيب...اجل خلاص سيتي حطي حق الرجال في المقلط..
وقعدت ريم تشوف شلون جهزوا العشاء والحلا وشلون رتبوا الصحون وكان عبدالله معها
ريم وهي تاكل:م..حلو خذ ذق وحده..
عبدالله: لا اكليني انتي..
ريم: ههه
عبدالله: يلا عاد ابي اذوق..
ريم: من جدك..؟
عبدالله: اجل من عمي..يلا عاد تكفين
ريم: ههه طيب
وخذت ريم قطعه من الحلا واكلتها لعبدالله
ريم:اكيد حلو ساره مسويته.....
عبدالله: م هو يجنن بس مو عشان ساره مسويته..
ريم كعادتها على نيتها مثل ساره: اجل عشان وشو..؟
عبدالله: ههه ياعمري انتي ...عشانه من ايدك ياقلبي
ريم: تسلملي حبيبي..
عبدالله: طيب ياعيوني بروح الحين تأخرت على الرجال..ولاتتعبين نفسك عشان خاطري
ريم: ان شاء الله
ساره:ها..خلصتوا..؟
ريم: اي خلاص بس بيحطونه
عبدالله:طيب انا بطلع..ريم لاتتعبين نفسك..
ريم: ولايهمك
ساره: لاتخاف انا بقعد معها
عبدالله:اوكي يلا لاتتأخرون
وبعد كذا حطوا العشاء للحريم والرجال طبعا الرجال بعد ماخلصوا قعدوا يشوفون التلفزيون ويلعبون ورق وبعضهم مشى والبعض جلس
داخل البيت
محمد:السلام عليكم..
الكل: وعليكم السلام..
ام عبدالعزيز:هلا محمد شخبارك ياولدي..؟
محمد:الحمدلله بخير..شخبارك انتي ياخالتي..
ام عبدالعزيز :بخير الله يسلمك ياولدي
مزون كانت طبعا قاعده وجهها طماطه على اللي صار ومحمد كان حاس بهالشي ومبتسم
ام عبدالله وهي تكلم محمد: وش جايبك الحين..؟؟
محمد: ابد والله مشتهي اشوف القمر..
ساره: قالولك معمل علوم..؟
محمد: والله انك ماتدرين وين ربي حاطك وشدخل معمل العلوم في السالفه..؟
ساره: ما ادري عنك انت ووجهك..وبعدين تراك ماخذ وجه مره احترم نفسك انا اكبر منك..
ريم: ساره قومي بس لشطيه..
محمد: هذا اللي ناقص عشان أرميك انتي وهي من هالشباك..
ريم: لا والله انا حامل ومو مستعده انرمي..ههه
محمد: ليش هو بكيفك ياماما..؟..ارميك انتي وشينة الحلايا ذي (وهو يقصد ساره)ههه
عبدالله:السلام عليكم
الكل: وعليكم السلام..
عبدالله:وش صاير على هالضحك..؟
لينه: ههه...وانت دايما تجي في الاخير..وتقول ليش الضحك..؟
الكل: ههه
عبدالله:ههه اصلا انا استغرب شلون هم قادرين يضحكون وانتي معهم..؟؟
الكل: ههه
ساره: اقول الحق على حرمتك اخوك بيرميها من الشباك..
عبدالله:نعم؟؟...خير ان شاء الله انت بعد..؟
ساره: وبيرميني معها..ويوم قلنا له انها حامل يقول مو بكيفك..
عبدالله: بعد....هذا اللي ناقص انت ووجهك..اسمع عاد ريم وساره تحت حمايتي هذول(وهو يأشر على لينه ومزون) بكيفك انت وهم ان شاء الله تقطع العقال على ظهورهم..
مزون:خير.؟؟؟...وانا وشدخلني..؟؟..وبعدين من ان شاء الله اللي يمد يده على لينه.؟
عبدالله: انا ياروح امك اكفخها واكفخك معها..
محمد: ها عاد....اقول لاياحبيبي ماعاش من يمد يده على مزون..(وتدارك محمد الوضع بسرعه)ولينه...والله اقص يده..
لينه: ياهو...كفو والله اخوي
محمد وهو قاعد يرز جسمه ونفسه ويبتسم: الله يسلمك..
الكل: ههه
ام عبدالعزيز: الرجال راحوا..؟
عبدالله: اي بس بقى الشياب..(وقام عبدالله في هاللحظه بحركه ضرب يد محمد فيها) حلوه
محمد وعبدالله: هههااي
الكل ضحك على حركتهم حتى ام عبدالعزيز وام عبدالله اللي حاولوا يمسكون نفسهم
ام عبدالله وهي ماسكه نفسها: صدق انكم ماتستحون..
ريم: عبدالله..شلون العشاء..؟؟
عبدالله: لاجد تسلم ايدينك ياقلبي...ماقصرتوا
عبدالله كان قريب من ساره بحكم تقارب السن بينهم
ومحمد كان نفس الشي مع لينه...
عبدالعزيز كان يتنحنح لانه بيدخل عليهم...عبدالله توقع انه عبدالعزيز...وعلى طول ساره ولينه خذوا الجلالات اللي جنبهم وتغطوا فيها
عبدالله: تعال عزوز
عبدالعزيز:السلام عليكم..
الكل: عليكم السلام
عبدالعزيز:شخبارك ياخالتي..؟
ام عبدالله: الحمدلله شلونك انت ياولدي..عساك بخير..؟
عبدالعزيز:الله يخليك بخير الحمدلله...ساره شخبارك..؟
ساره: الله يسلمك بخير..
لينه بنص عين : وانا..؟
عبدالعزيز: ياهلا والله...شخبارك لولو..؟
لينه: تو الناس..
عبدالعزيز:ههه..ماشفتك ياحلوه
لينه: وشقالولك قطعة اثاث..؟
عبدالعزيز: ههه..لا والله تو ماقالوا شي ما ردوا خبر
لينه: والله ماراح اجيبك اسكت اصرف لي..
عبدالعزيز: ههه واصرف لي والله
خالد: مرحبا ياجماعه...شخباركم..؟
لينه: ههه اول واحد يجي مايقول السلام عليكم
خالد: ههه ياسلام وشعمنى انا قاعده لي على الوحده..؟
ساره: والله هي ومزون اعوذ بالله مايخلون احد توقف وحده تشتغل الثانيه..
الكل: ههه
عبدالعزيز: حشى مكاين مو ناس
عبدالله:بس مزون هاديه اليوم شكلها ماخذه اجازه..
مزون ولينه وهم يساسرون:اللي يدري يدري واللي ما يدري يقول مكاين..
لينه: ههه
مزون: لا والله مو اجازه بس في مفاجأه قريبه
عبدالعزيز: ههه وش هي..؟
مزون: خلاص قلنا مفاجأه..
عبدالله: ههه...والله ماعندك ماعند جدتي..
الكل ضحك الا مزون ولينه....ومحمد..
وتموا على هالحاله ضحك وسوالف ومناقر لين وقت متأخر من الليل
وبعدها ابوعبدالله واهله راحوا بيوتهم..
في وقت متأخر من الليل
في غرفة محمد
محمد وهو يفكر ويتذكر مو قف مزون:ههه...يارربي ماتوقعتها كذا حلوه صدق هي من يوم ما احنا صغار وهي حلوه بس شكلها تغير ماصارت حلوه الا قمر ياربي
وانا كل ما اقعد بروحي اقعد افكر فيها وشذا اووف..خلني اروح للينه على الاقل هي حبيبة مزون..لا شكلي فيني شي ههه
في غرفة لينه
محمد وهو يدق الباب..
لينه: مين..؟
محمد: انا الحلو حمودي..
لينه: ههه ادخل ياحلو..
محمد:مرحبا
لينه: مراحب وش هالزياره الكريمه في هذا الوقت الكريم
محمد: ههه..جاي بقعد معك انسه لينه مافيني نوم
لينه: حياك هلا والله..
محمد:هلا فيك حبيبتي بس وش هالزين..؟
لينه كانت لابسه بجامه روعه وبناتيه كان لون بنطلون البجامه أحمر وبلوزتها حمره وداخل فيها اللون البيج ورابطه شعرها زي ذيل الحصان ومنزله خصل من غرتها وطالعه جنان
لينه: تسلم والله عيونك الحلوه..
محمد: عندك شي طفشان ترى..
لينه: ههه كالعاده بنحط فلم ولاشي نشوفه ونقعد نسولف..
محمد: ههه اوك حلو..يلا اشوف روحي جيبي العده
لينه: ههه اوك وراحت لينه جابتها
العده اللي كان يقصد خالد هي حلويات وشيبسي ومشروبات غازيه..يعني هالاشياء...ولينه ماكانت مقصره كان عندها ثلاجه صغيره في الغرفه مليانه من هالاشياء
لينه:رجعت
محمد: هلا والله بهالطله..اشتقنا لعيونك والله..
لينه: ههه..تكفى قوم ارقص
محمد: والله مالي نفس الحين..
لينه: ههه..
وقعدوا لينه ومحمد لين الساعه ثمان وهم كذا
محمد: اقول مافيني نوم
لينه: ههه اقعد معي لين يجيك النوم
محمد: يووه..طفشان ..
لينه: ههه الله يسامحك
محمد: اقول وشرايك بس نروح انا وانتي وخالد ومزون ونفطر في أوتيل..
لينه: م..والله فكره..بس بنلحق على البوفيه
محمد: بنلحق ان شاء الله..ولو مالحقنا ناخذ اولدر..
لينه: طيب بس مزون وخالد قاعدين..؟؟
محمد: اي اكيد قاعدين ..
لينه:لو نايمين.؟؟
محمد: ياختي مو نايمين عموما بكلم الحين خالد..
لينه: وعلى مين ان شاء الله العزيمه..
محمد: علي انا طبعا ههه
لينه: ههه
لينه: اوكي كلمهم
وكلم محمد خالد وكان صاحي هو ومزون وعزمهم واتفقوا ان الاربعه يلتقون في الاوتيل
وهم قاعدين يفطرون
خالد: ماشاءالله حمود وشذا الكرم..؟
محمد: اي شفت عاد..
خالد: اي والله بس ياريتك ماجبت هذول معنا
مزون: ليش ان شاء الله مو عاجبينك..
لينه: اصلا احمدوا ربكم وش حلونا اتحدى تلاقون بنات مثلنا يرضون يقعدون معكم...انا بس خايفه لايجون الحين يطبون علينا ولا شي يقولون حريم قاعدين يفطرون مع سواويقهم..
مزون: ههه حلووه وربي..
خالد: ههه الحين احنا سواويق..؟
محمد: ههه لو احنا سواويق انتوا شغالات
خالد: اي ترى ماشافوا خير فشلونا شفت شلون أشكالهم....يوم شافوا الاكل حتى لينه جابت ثلاث صحون لكل اكله
محمد:ههه لاانت ماشفت مزون...شالت القدر نفسه
محمد وخالد: هههاي
مزون: ههه بذمتك (وهي تكلم لينه) هذول ينطلع معهم يقول قدر ههه
لينه: ههه اقولك لايطب علينا احد
كان في واحد جاي من بعيد ولمح محمد وخالد وجا سلم عليهم
فيصل:السلام عليكم
الكل: وعليكم السلام
خالد ومحمد قاموا له وسلموا عليه
محمد: هلاا والله فيصل شخبارك..وينك ياخي..؟
خالد: هلا فيصل وشذا الغيبه يبن الحلال..؟
فيصل:هلا فيكم والله شخباركم وشخبار عبدالعزيز وعبدالله والاهل..ان شاء الله بخير..؟
محمد:الله يسلمك بخير والله..شخبارك انت..؟
فيصل: بخير الله يسلمكم..
خالد: وشخبار ابراهيم والاهل.؟
فيصل: والله بخير يسلمون عليكم
الاثنين :الله يسلمك ويسلمهم يارب
فيصل: طيب شباب ما اطول عليكم انا والله جاي مع اختي..
خالد: حنا جايين مع بنات صداقه
فيصل:ههه خساره..معي اختي
الكل: ههه
محمد: اقول ترى يكذب بس خلك منه ههه جايين والله مع خواتنا..
فيصل:ههه وشدعوه يامحمد انا اكثر واحد يعرفكم واللي بينا اكبر من هالتفكير...انا عارفكم وعارف تربيتكم واحنا اساسا اكثر من خوان
محمد: تسلم والله
خالد: ماعليك زود والله
في جهه ثانيه
لينه: وين راحوا هذول..؟
مزون: خليهم يذلفون شوي ههه
لينه: ههه
مزون: م لينه..؟
لينه: هم
مزون: نبي نروح السوق اللي هنا
لينه: ترى الحين كف على وجهك..
مزون: ههه ليش ياختي نروح شوي نتمشى
لينه: مزون ياحبك للسوق..
مزون: لينه تكفين حبيبتي والله في الصبح غيرر شي رواق وهدوء
لينه:بنت ولي يعافيني بس قعدي ههه
مزون: ههه...عشاني لولو بترديني..؟
لينه: اه ياربي عليك..طيب نروح بس تكفين مانبي نقعد..
مزون: لاوالله ماراح نتأخر بس بنتمشى
محمد: احم احم
خالد: نحن هنا
لينه: وينكم ..؟
خالد: واحد من الشباب..من زمان ماشفنا وشافنا وجا سلم
مزون: ياليته ماخذكم..
محمد: ههه قاعدين على قلوبكم حرره
خالد: ههه
مزون: اقول طيب نبي نروح السوق نتمشى والله الحين رواق
محمد:طيب نروح ماورانا شي..
خالد: شكلك مصحصح يابو الشباب...نروح بس ماراح نتأخر
مزون: لا ان شاء الله
وخلصوا الفطور وراحوا السوق وتمشوا ورجعوا وبعدها كل واحد راح في نوم عميق
الكل انبسط بالطلعه ومزون حست بشعور غريب لمحمد قاعد يكبر يوم عن يوم
ومحمد بدا يحس ان مزون تعني له شي كبير...
لكن..........في واحد كان يفكر بوحده مافارقت خياله من أول يوم طاحت عينه عليها وهالشخص كان فيصل ...
بعد مرور شهرين
مزون وهي داخله الصاله
مزون: هلا يبا...ناديتني..؟
ابو عبدالعزيز: هلا فيك اي والله ناديتك..
مزون: امر..
ابو عبدالعزيز: مايامر عليك عدو...مزون حبيبتي انتي الحين كبرتي وصرتي مره ماشاءالله عليك...وانتي تعرفين ان انا ما حاب اغصبك على شي
مزون وهي عاقده حواجبها:خير وش صاير..؟
ابوعبدالعزيز: في جماعه خطبوك مني..
مزون: خطبوني..؟!
ابوعبدالله: اي وانا بعطيك وقت تفكرين وتقولين وشرايك...وترى الولد ماشاءالله عليه ماينعاب ومن عيله زينه وعارفينهم..يعني ماينرد...بس في الاول والاخير الرأي رأيك..
مزون بعد صمت لحظات: ان شاء الله ...بفكر وارجع اقولك رأيي..عن أذنك
ابوعبدالله: تفضلي يابنتي..
ياترى ايش راح يصير مزون بتوافق على اللي متقدم لها ولا لا...؟؟
ايش ردة فعل محمد لما بيعرف بالخطبة...؟؟
هل را ح يعلن الحب اللي لسى ماشاف النور عن وفاته...؟؟
وهل راح ينكشف سر لينه ولا يبقى مدفون في قلبها وفي قلب مزون وفي قلب.....ولو نكشف متى هالشي راح يحصل...؟؟
الشخصيات الثانيه راح تستمر بهذا السكون والهدوء...؟؟
والسؤال المهم من هالبنت اللي مافارقت خيال فيصل...؟؟
كل هذا راح نعرفه في الاجزاء الجايه ان شاء الله
تحياتي

لا لا يصير فيصل حرام مزون لمحمد:(
واتوقع لينه وخالد يكونون لبعض..
مشكوره حبوبه
تسلم يدك
تقبلي مروري
>>لاحرمني الله منكم<<

الجزء الثالث
بعد مرور يومين
لينه وهي داخله مجلس الرجال
لينه: السلام عليكم..
محمد وهو قاعد يفطر:عليكم السلام....
لينه وهي تقعد: شوي شوي..اعوذ بالله وش ذا الوحشيه اللي تاكل فيها..؟
محمد: ههه..ااه ياطويلة اللسان..وشذا اللي معك..؟
لينه كانت توها جايه ولابسه عبايتها ومعاها شوية اكياس
لينه: جبت شوية اغراض من السوبر ماركت..
محمد وهو يطالعها: م...مالنا نصيب فيها..؟
لينه:...لك ...لاتخاف اصلا هي كلها تروح لبطنك في الاخير
محمد:ههه وشفيك لسانك طايل..؟
لينه: سلاامتك..
بعد هدوء لحظات
محمد: لينه.....
طالعت لينه محمد بنظره وكأنها تقوله نعم..
محمد: شخبار مزون..؟
لينه بأستغراب: بخير الحمدلله...(بأبتسامه) مابشترك انخطبت..
محمد وهو مو مستعوب:وشو..؟
لينه: وشفيك.؟ اقولك مزون بنت عمي انخطبت..
محمد بعصبيه بسيطه: شلون ومتى..؟ وعمي ليش ماقال لنا..؟
لينه:محمد شفيك هي لسى ماوافقت..بس شكله اللي خاطبها زين وبتوافق...بعدين انا ادري وامي وريم وساره وابوي..كلنا ندري..
محمد بعصبيه اكبر: يا سلام وانا ماتعملوني مخليني اخر من يعلم..؟
لينه: محمد وشفيك الله يهداك ليش هالعصبيه..
محمد وهو يقوم:انا طالع..
لينه وهي عاقده حواجبها: وين..؟
محمد وهو معصب ويصرخ: في ستين داهيه...يهمك..؟
ومشى محمد بسرعه وطلع وقامت لينه ولحقته
لينه : محمد محمد..
زادت سرعتها لين ماوصلت عنده وكان على وشك انه يركب سيارته ويمشي
لينه بعد ما مسكت يده: محمد تكفى ارجع...وشفيك عصبت..؟..
محمد: لينه تكفين وخري عني مالي خلق احد لا اسوي شي مو زين
لينه: محمد تكفى عشاني الله يخليك خلنا نتكلم بس
محمد: وش نتكلم فيه بعد..؟
لينه: ادخل اول تبي نتكلم كذا...الناس بدت تطالعنا ادخل
دخل محمد بعد اصرار لينه وراح معها للحديقه وظلوا يمشون مع بعض
لينه: هديت..؟
محمد:......
لينه: يلا قولي وشفيك..؟
محمد:......
لينه: محمد...انا وانت اكثر من اخوان وانت عارف هالشي احنا اصدقاء قبل اي شي..دايما كنت تقولي مشاكلك ماراح تقولي يعني الحين وشفيك..؟
انا حاسه في شي مزعلك من سالفة خطبة مزون مو عشانك اخر واحد يعرف لا في شي ثاني.....(وهي تطالعه)..صح..؟
محمد اكتفى انه يبادل لينه النظر
لينه: محمد.......انت تحب مزون.
محمد:من قالك..؟..
لينه: ما احد بس انا حسيت كذا اهتمامك بمزون الفتره الاخيره مو طبيعي..
محمد:انتي تتوهمين
لينه: لا ما اتوهم (وهي تمسك ايده)..محمد احنا اصدقاء قبل مانكون اخوان قولي الصراحه انت تحبها ولا لا..؟
محمد بأستسلام:اي احبها يالينه...
لينه: كنت حاسه....طيب وهي تحبك....
محمد: ولاتدري عن هوى داري....
لينه:وليش ماقلت لها..؟
محمد: وش اقولها..؟
لينه:انك تحبها
محمد: ما اقدر صعبه ..
لينه:يعني الحين بتسكت وبتخليها تتزوج واحد ثاني بهالسهوله..؟
محمد: لينه الله يخليك لاتزيدينها علي...سكري الموضوع...انا الحين بطلع اتمشى تعبان ومضايق..
لينه: لاماراح تطلع..(بأبتسامه)...الا لو تاخذني معك
محمد بأبتسامه بارد: تفضلي
لينه: اموت في الذرابه ههه
وطلعوا محمد ولينه وومن لحظة ماطلعوا لين ما رجعوا ولا واحد فيهم نطق بكلمه
..........................
في بيت بو عبدالعزيز
مزون وهي في غرفتها
ام عبدالعزيز وهي داخله على مزون:مزون..
مزون: هلا والله..
ام عبدالعزيز: وشفيك قاعده هنا بروحك.؟
مزون: سلامتك مافي شي
ام عبدالعزيز:مزون حبيبتي...فكرتي في الموضوع..؟
مزون:اي..
ام عبدالعزيز: وش قررتي..؟
مزون في داخلها: وش اقولك..؟؟ اقولك انا قلبي مع واحد ثاني...اقولك مو قادره افكر اني اخذ واحد غيره..؟
ام عبدالعزيز:مزون...ليش ماتردين..؟
مزون: يمه...خليني افكر ولما اقرر اقولك..
ام عبدالعزيز: يعني لين الحين ماقررتي..؟
مزون وهي مرخيه راسها: لا..
ام عبدالعزيز بأبتسامه حنان:خذي راحتك وفكري هذي حياه بتعيشنها واذا ماوافقتي بيت ابوك مو عاجز عنك..
مزون بعد ماسمعت كلام امها حست براحه وقامت وحضنت أمها
مزون: الله يخليك لي..
ام عبدالعزيز: ويخليك يابنتي..
.....................
في السياره
ساره: اقول حط لنا شي نسمعه
عبدالله: وش تبون..؟
ساره: اي شي..
ريم: لاحط لنا شي حلو فرايحي..
حط عبدالله ياعمري أنا لميامي
عبدالله: ماودكم ارقص لكم بعد..؟
الكل: ههه
ساره: لا غن لنا تكفى
وبدا فعلا عبدالله يغني مع الاغنيه وكان مندمج معها وكل شوي يطالع ريم اللي كانت تضحك
ساره: والله انا طالعه برى الموضوع ياليت ماقلتلك غني
الكل: ههه
رن جوال عبدالله ولما شاف الرقم ابتسم ورد وهو يغني وحطه على السبيكر
عبدالله: ياعمري أنا فديتك أنا ياريتك هنا وياي حياتي انا عذاب وهنا وقربك منى دنياي
عبدالله وعبدالعزيز هو ماقصر:تدلل حبيبي وتامر امر اعيش الصحاري واروح القمر رضاك انت غالي رضا الناس تالي شريت انا بالكون
الكل: ههه
عبدالعزيز: وشفيك انت الحين يا الخبل..؟
عبدالله: انا بروحي خبل..؟ مروق ياخي
عبدالعزيز: وينك الحين..؟
عبدالله: عشقتك هوى في روحي دوا ماهمني زماني اذا احنا سوا
عبدالعزيز: وينك يا الخبل..؟
عبدالله: ههه في السياره...رايح السوق مع ريم وساره
عبدالعزيز: اها...اجل مشغول..؟
عبدالله: اقول عزوز تعال معنا يلا..
عبدالعزيز: اوكي..وين بتروحون..؟
وبعدها اتفقوا يلتقون في السوق وفعلا التقوا هنا وبدوا يمشون مع بعض
ودخلوا محل لملابس الاطفال عشان ريم
وابتعدت ساره وعبدالعزيز عن ريم وعبدالله
ساره وهي تشوف الملابس: الله حلوه ذي مره
عبدالعزيز بأبتسامه كلها حب: عقبال ما تجيبين لعيالك..
ساره بحيا: ان شاء الله
عبدالعزيز: ياليت الحين كنا نختار لولدنا مو ولد عبدالله
ساره: عبدالعزيز ترى والله احرجتني
عبدالعزيز: لا والله..انتي حبيبتي وزوجتي ..ليشت تنحرجين..؟..
ساره بحيا: خلاص عبدالعزيز...الناس تطالعنا
عبدالعزيز:ههه هين اوريك
ساره: اهون عليك يعني..؟
عبدالعزيز: هذي المشكله ههه
ساره: الله يخليك لي
عبدالعزيز: ويخليك يابعد قلبي..
وكملوا لفلفه لحد ماخذوا اللي يبونه ورجعوا
........................
كان يتمشى وهو يحاول يفكر وش يسوي بعد اللي صار
محمد في داخله:معقوله اخسرها بهذي السهوله..؟..والله حرام يوم ماحبيتها تضيع مني
وقف سيارته ونزل السوبر ماركت وشرى له علبة زقاير ورجع لنفس اللي كان فيه
محمد: ماينفع اسكت لازم اشوف حل لو في احد بياخذ مزون مافي غيري انا
........................
عبدالعزيز: السلام عليكم
الكل: عليكم السلام
خالد: وينك فيه..؟
عبدالعزيز: كنت طالع مع عبدالله وريم وساره..
خالد: شوف شلون قالها ساره ساره ..يغني بأسمها سااره ههه
عبدالعزيز: اقول انطم ولي يعافيني لا اقوم اسطرك
ام عبدالعزيز: لا اله الا الله
عبدالعزيز: خلصنا من مزون طلع لنا ذا..
ابو عبدالعزيز:على طاري مزون وش صار..؟ وافقت ولا تو..؟
ام عبدالعزيز: انا اقول خلها تفكر براحتها مانبي نضغط عليها...والله يكتب اللي فيه الخير
الكل: امين
.........................
لينه: والله انك ماتستحين كم يوم ماكلمتيني..؟
مزون: اسم الله علي وشفي انتي..؟
لينه: وينك هالايام..؟
مزون بتنهيده: هنا والله..
لينه: مزون....
مزون:هم
لينه: وافقتي..؟
مزون: والله يالينه توني محتااره
لينه: ليش وش اللي مو عاجبك فيه..؟
مزون: مو مسألة مو عاجبني بس بصراحه ما ادري وش اقولك...حاسه اني مو متقبله الفكره كلها..
لينه: مزون...انتي...تحبين..؟
مزون: ها...احب..؟
لينه: اي..
بعد صمت لحظاات
مزون: والله ما ادري يالينه...
لينه: شلون ماتدرين..؟؟ مزون انتي خايفه تعترفين بشي في قلبك ..؟
مزون :يمكن..
لينه: ولا حتى لي..؟
مزون:.......
لينه: مزوون...انا لينه..
مزون بتردد: لينه....انا احب..
لينه بتفكير:مين..؟
مزون بأحراج:محمد اخوك..
لينه بفرح: من متى وليش ماقلتي لي يا الخاينه..؟
مزون: من فتره وانا احس انه شخص غير بالنسبه لي...اول شي كنت اقول ان شعور عادي مو حب بس هالفتره الاخير وخصوصا لما عرفت اني ممكن اكون لواحد غير محمد
حسيت اني فعلا احبه..
لينه بأبتسامه: طيب...وهو يدري..؟
مزون: لاطبعا انتي وش تقولين..؟
لينه: اجل وش بتسوين..؟
مزون بنتهيده: والله ما ادري شكلي يالينه بتناسى محمد واوافق على اللي متقدم لي...
لينه: مزون طيب قولي لمحمد علميه انك تحبينه..
مزون: لينه انت وش تقولين..؟ مستحيل ما اقدر..وبعدين ما اضن انه يحبني اروح افضح نفسي...
لينه: مزون فكري تكفين..
مزون: لينه خلاص ماينفع انا الحين قاعده اقنع نفسي في اللي متقدم لي..
لينه بأحباط: يعني مافي أمل..
مزون: لينه خلاص قفلي على الموضوع....يلا حبيبتي عن أذنك بكره وراي دوام
لينه: ومتى بتعلنين موافقتك..
مزون: بكره ان شاء الله
لينه: حرام عليك يامزون..
مزون وهي حابسه دموعها: لينه الله يخليك لاتزودينها علي..تصبحين على خير..
لينه: وانتي من اهله..مع السلامه
بعد هالمكالمه لينه صعبت عليها حالة مزون ومحمد كل واحد يحب الثاني ومو عارفين...تمنت لو انها تقول لمزون او محمد لكن للاسف ماكان عندها الجرأه الكافيه...وحست ان في شي مانعها
ماكنت تعرف وش هو...اما مزون كانت عايشه في عذاب بتوافق على شخص ما تحس بأي شعور اتجاهه وبتتنازل عن محمد اول حب لها والواضح انه بيكون اخر حب..
كان في شخص سعيد جدا من هالمكالمه.....محمد...محمد سمع كل الكلام اللي دار بين مزون ولينه...وعرف ان مزون تحبه بس ماعرف انها بكره بتعلن موافقتها
على المتقدم لها...لكن توقع انها راح تكون في وقت قريب
...........................
كانت قاعده تشوف الاغراض اللي جابتها وتتخيل شلون بيكون شكل ولدها وشلون بتهتم فيه...كانت مبسوطه خصوصا انه اول ولد لها
عبدالله بصوت هادي من وراها: ريومه.....عجبتك الاغراض حبيبتي..؟
ريم وهي تلف له بأبتسامه: اي مره..
عبدالله وهو يمسك يدها: يارب يقومك بالسلامه ويهون عليك...
ريم: امين
في هالوقت دق الباب
عبدالله: مين.؟
ساره: انا...
عبدالله: وفرحاانه بعد تعالي..
ساره وهي تدخل : السلام عليكم..
ريم وعبدالله: عليكم السلام
ساره وهي تقعد: وين الثنائي المرح...؟
ريم:...قصدك محمد ولينه.؟
ساره: في غيرهم يا بنت الحلال..؟
عبدالله: اي صح ترى بعد شوي بتجي خالتي وعيالها
ساره: خالتي..؟..خالتي منيره..؟
عبدالله: اي..
ريم: متى..؟
ساره: وش عرفك..؟
عبدالله: وشفيكم.؟...كلموني الله يهداكم وقالوا بيجون..
ساره: يوه عبدالله ليش ماقلت من أول..؟
عبدالله: وشفيها.؟؟ هذاني قلت لكم الحين..وترى بيجون بعد ناس..
ريم: ماجهزنا شي ماسوينا عشا مارتبنا لهم مكان..
عبدالله وهو يقوم بيطلع: يمديكم لاتخافون الدنيا مو طايره..
ساره: مدامها مو طايره يلا ورنا شطارتك وروح جب اغراض
عبدالله وهو يبتسم ابتسامه عريضه:عندكم السواق
مشى عبدالله وخلى ساره وريم وهم يفكرون في اللي بيسوونه ومقهورين من تصرفه
منيره..خالة عبدالله وساره ومحمد ولينه...كانت عايشه في مدينه ثانيه وتجيهم من فتره لفتره
بغت لينه تدخل على ساره وريم...فتحت الباب عشان تدخل
لينه وهي مدخله راسها بس: هاي
ساره: وعليكم الهاي ياهلا
ريم: جيتي والله جابك..
لينه: هاه..؟ يعني في شي تبونه يلا انا توكل على الله باي
وصارت لينه تبي تسرع عشان ما يمسكونها لكن للاسف ساره كانت اسرع منها ومسكت بلوزتها من الظهر
لينه وكأنها تدعي الصياح: اهئ اهئ...ما ابي ماابي... (ووهي تحاول تبعد يد ساره)مالي نفس شي خليني...
ساره: ياقلبي انتي لك نفس ولا مالك بتجين..
ريم وهي تضرب على كتف لينه بخفه: يلا قدامنا...
لينه: يوه ما ابي..
ريم: امشي بس..
لينه بأبتسامه:هلا والله حمودي
محمد بأبتسامه استغربت لينه منها: خير ان شاء الله وشفيكم ماسكين لولو..؟
لينه في قلبها:ياربي وشفيه محمد مبتسم وفرحان غريبه...!!!
ساره: انت امش يلا مناك مالك شغل
محمد: خير ان شاء الله انتي يلا يلا هدي البنت لا اقوم عليك
ريم: محمد امش احنا بنتصرف معاها مالك دعوه
محمد: ترى الحين الشطكم...انتي وياها ام ناصر لسان طويل والحيل قاصر..
لينه وهي ماسكتها ريم من جهه وساره من جهه: ههه...حلوه وربي
ساره: ام ناصر في عينك..
ريم: ههه
قرب محمد من ساره وريم وحاول يفك ايد الثنتين عن لينه
ساره: ههه حمود وخرر
محمد: ههه هين والله لاذبحك ترى
ضرب محمد يد ريم بخفه وعض يد ساره وبعدها وافلتت لينه من ايديهم
لينه ومحمد وهم يركضون ونازلين بالدرج ويضحكون
محمد: ههه يلا يلا يا ام ناصر
ساره وريم: ههه
ساره: هين اوريكم ما اهدكم
ريم: ههه وراهم يلا
وراحت ساره تلحق لينه ومحمد ونزلوا الحديقه وكل واحد راح في جهه
لينه وهي تركض حست انها خبطت بجثه وطاحت وتوقعت انه بيكون عبدالله خصوصا انه كان الليل وما كان واضح من هالشخص
لينه : اي..... عبود انتبه
لينه وهي تقوم: اوف ياشين ساره اختك ذي...
فيصل بدا يتنحنح
لينه وهي مو منتبهى: وشفيك..؟
فيصل وهو يتنحنح مره ثانيه:..انا مو عبدالله
لينه بعد ماسمعت الصوت ايقنت ان هالشخص مو اخوها عبدالله وتجمدت في مكانها بدون اي حركه ولا اي كلمه..اما فيصل احتار وش يسوي موقف محرج
لينه وهي بتمشي: معليش سوري انا اسفه
فيصل: لا عادي ولايهمك...
ومشت لينه بسرعه وحست انها محرجه ووجها صار اشارة مرور
محمد وهو يلهث: لينه وينك..؟...لايكون مسكتك الخبله..؟
لينه:لا ما مسكتني...اقول انتوا في احد جايكم اليوم..؟
محمد: ما ادري والله بس اعرف ان خالتي الضاهر بتجي وبيجون شباب
لينه: م...
محمد: ليش تسألين.؟
لينه: ها لا ولا شي...بس ساره كانت تبي اساعدها توقعت ان في احد بيجي..
محمد: اهاا...لينه شخبار مزون..؟
لينه: الحمدلله..
محمد: عندك بكره دوام..؟
لينه: اي بخلص على الساعه 1 اووف...مزون ماشاءالله بتخلص الساعه 11
محمد: اهاا...
لينه: طيب حمود انا بروح اساعد ساره..
محمد: اوكي يلا انا بعد بروح بااي
لينه: باياات
.....................
ريم: ها صدتيهم..؟
ساره: لا ههه...خساره
ريم:ههه...تعوضينها المره الجايه
لينه: السلام عليكم
ريم وساره: ههه...عليكم السلام
ساره: جيتي..؟
لينه:ههه وش شايفه انتي.؟
ريم: ماشاءالله عليك ياساره
لينه: اقول ياماما انتي وسارتك ذي انا جيتي برضاي ولاهي ماتجيبني ابد..
ريم: ههه...لولو تدرين الطقم اللي لابسته مره حلو اضنه جديد....صح.؟
لينه: اي هذا جبته من فتره وخليتها..حلو.؟
ساره: اي والله حلوو..
لينه كانت لابسنه جينز لونه فااتح وبلوزه فوشي وتصميمها مبين كأنها لابسه بلوزتين مو وحده اللي تحت ابيض مخطط بفوشي واللي برى فوشي بس
لينه في قلبها ياسلام الرجال شافني كذا من غبائي قاعده اكلمه بدون ما افكر ولاحتى اتأكد ان هو عبدالله...الله لايعيمينا بس ههه
جهزوا كل شي في المطبخ ودخلوا داخل البيت...
ساره: لينه
لينه وهي تشوف التلفزيون: هم
ساره: دخلتوا الحلا الثلاجه..؟
لينه: ياربي على الاذيه بس..اي دخلناه..
هاللحظه رن جرس البيت
وقامت لينه تركض: اناا برد
راحت لينه ورفعت من الانتركم
لينه: مين..؟
ام بدر: انا خالتك يالينه..
لينه وهي تفتح الباب: ان شاء الله
لينه وهي تعلي صوتها : ريم ساره خالتي جات
في جهه ثانيه
ساره وهي تطالع ساعتها: شكلهم ماشين بدري
ريم: اي زين ما تأخروا..
وقاموا ريم وساره عشان يسلمون عليهم
سلموا الحريم على بعض وجلسوا
كانت ليله حلوه بو بدر اصر انه ينام عند اخوه وما حب يثقل على بو عبدالله واهله
يوم ثاني
محمد وهو نازل: صبااح الخير
الكل: صباح النور
محمد: يلا لينه حبيبتي استعجلي
لينه: غريبه قايم بدري ومتنشط ههه
محمد: ههه ترى الحين اخليك
لينه: لالا خلاص
عبدالله: ساره نفس الكلام لك..
الكل: ههه
طلعوا كلهم وكل واحد راح لاشغاله
معقوله هذي نهاية حب محمد ومزون..؟
لينه بتم ساكته..؟
وش ردة فعل محمد لما تعلن مزون موافقتها..؟
سر لينه...؟
.........................................