ماتبي تحملين ع طول بعد الزواج تفضلي بالدخول

1. الحبوب مثل ماانتم عارفين هرمونات....يعني اكيد لها اضرار


2. وهي تسبب عقم يسمى بالعقم المؤقت وليس الدائم


3. بس من ناحيه طبيه بحته فيه شي اسمه العقم المؤقت


4. طبعا كل اللي فوق للبنات الطبيعات السليمات واللي دورتهم منتظمه

السلام عليكم ورحمة الله وبركاته
يسعد أوقاتكم ياعرايسس
بنات كثيير قريت عرايس بالمنتدى مايبون يحملون ع طول وبياخذون حبوب ويسألون تضر اولا .؟
والله من حبي لكم اقول مضره وش لكم بالحبوب وبعدين اعرفلكم بنات صاروا عقيمات بعد مااخذوا الحبوب
ولقيت بالعم قوقل نصائح دكتورة
عشان كذا بنسخ لكم كلامها
السلام عليكم بنات
حبايبي شفتكم حايرين بحبوب منع الحمل وهل تسبب عقم؟!!!!
انا دكتوره وفاهمه وعارفه وومولده كثير ومسويه قيصري كثير بس مو نسائيه...لكن قد اشتغلت عندهم لفتره

الحبوب مثل ماانتم عارفين هرمونات....يعني اكيد لها اضرار

وهي تسبب عقم يسمى بالعقم المؤقت وليس الدائم

وغالبا والمتعارف عليه عند كل طبيبات النساء والولاده اننا ننصح ان البنت اللي مابعد تزوجت او بالاصح اللي عمرها ماحملت وماودها انها ماتتعدى فترة الثلاث الشهور وبالكثير 6 شهور...اكثر من كذا سالفة ان تجيها عقم محتمله وتزيد نسبتها ولكن عقم مؤقت مهوب دايم......
اما استعمال السنه والسنتين فبصراحه يابنات له مخاطره يعني ممكن يسوي عقم لمدة سنه قدام او سنتين
وماشاء هالله فيه بنات استعملوا سنتين وما اثر عليهم (كل شي بيد الله )

بس من ناحيه طبيه بحته فيه شي اسمه العقم المؤقت

طبعا كل اللي فوق للبنات الطبيعات السليمات واللي دورتهم منتظمه

اما البنات اللي دورتهم غير منتظمه او اللي عندهم مرض تكيس المبايض المسمى بpolycystic ovarian syndrom او اللي عندعم اورام حميده بالرحم مثل الورم المسمى ب فايبرويدfibroid فهذولا لهم وضع خاص ومخاطر الحبوب تزيد عندهم واستعمالها لابد ان يكون بارشاد طبي وتحت المتابعه
وبالاخير ياحلوين فيه اشياء تمنع استعمال الحبوب بغض النظر عن سلامة المبايض والرحم
اللي هو وجود حالات سرطان الصدر في الاسره
لان اللي عندهم تاريخ مرضي بذا الشي ممنوع استعمال الحبوب لانها ممكن تسبب سرطان الصدر لصاحبته
واللي برضوا من البنات قد جتها جلطة بعد تبتعد عن الحبوب خاصة جلطة الرجل (بالعاده تحصل بعد الاربعين...بس فيه حالات مسجله لاعمار صغيره للاسف)
وبعد شي مهم يابنات عشان نعرف قدرتنا على الانجاب عند استعمال الحبوب...التاريخ المرضي يابنات للاسره مهم
يعني كل وحده تشوف امها...خالتها...عمتها وقرايبها....لان القدره على الانجاب متوارثه يعني كان الام منجبه واستعملت حبوب ولسنين وماجاها شي فالارجح انك مثلها ....اما كان انها سببت لها عقم ولو مؤقت فلازم نحسب هالشي ونحطه بعين الاعتبار
نفس الشي ان كان عندك خالات ولاعمات عندهم مشاكل مرضيه بالجهاز التناسلي من تكيس واورام بينما انتي سليمه فلازم تذكرين هالشي لدكتورتك عشان تكون عارفه زين كيف تتعامل معك
وطبعا ترى كل شي قضاء وقدر...وكل شي من الله فيه خير ولو عقم...والخيره فيما اختاره الله
وبالاخير ياحلوين لا اشوف وحده فيكم تروح للصيدلي وتقوله ابي حبوب كذا والطريق
لازم دكتوره نسائيه
والله يوفقكم جميعا ويرزقكم الذريه الصالحه ولايحرم احد منكم
اتمنى أفدتكم ياأحلى عرايس
ويارب يكتب لكم اللي فيه الخير
دعواتكم