ماتزوجتي اذن خشي فيذا عندي لتس حتسوه

السلام عليكم ورحمه الله وبركاته
صباحكم //مسائكم عسل وقشطه ومربى خ صار فطور
الموهم ياحلوات
ابعترف لكم في البدايه عني
وهو اعتراف سيء جدا
بس بقوله
بصراحه انا انا <<يالله قولي وخلصي
انا انسانه متشائمه من الدرجه الاولى ومتشائمه بقوه
ايه متشائمه
وبس اعطي غيري تفاؤل واقولهم تفائلوا
بس انا لما اتفائل بالخير يصير عكس فصرت اتحطم وداايم اتشائم
وهذا حالنا انا وخواتي كلنا تسذا
نتشائم علشان يصير عكس الي نتوقعه استغفر الله ياربي لاتعاقبنا
ومرات اقول بنخطب بذا الزواج وانتظر الخبر و يمر يوم ورى يوم واسبوع ورى اسبوع وشهور وسنين
ومحلك سر مافي احد يطق بابنا <<يمكن خربان خ
ومره قريت حديث او مدري وش عن الرسول عليه الصلاه والسلام تفائلوا بالخير تجدوه وعن فضل التفاؤل
فقلت اكيد هالتشاؤم من الشيطان ولازم اتفائل مهما كان الشي مستحيل يصير بس اني اتفائل
والحمدالله اتفائل بس مايصير الي ابي
بس رجاي بربي كبير
الموهم اني لي فتره الحمدالله اتفائل
وبالصدفه سبحان الله قريت آيه كانها تتكلم عني وعن حالي وحال الي مثلي
سبحان الله كأن هالآيه مكتوبه لي ولكل ماتزوجوا وعانوا من كلام الناس السخيف الجارح
عمري 27 ولا بعد تزوجت وكل ربعي يتشمتون فيني اني عنست ومسيكينه
واحس روحي منكسسره حيل
والآيه الي اعطتني تفاؤل كبيير بربي
وهي قوله تعالى :{ ولقد نعلم أنك يضيق صدرك بما يقولون فسبح بحمد ربك وكن من الساجدين واعبد ربك حتى ياتيك اليقين }
اقروا هالايه اكثر من مره وتمعنوا فيها زين
وشوفوا ربي وش كان ينصح رسوله بالصلاه والتسبيح انها هي سبب الراحه
ولازم يكون عندنا يقين ان الله مااخر عنا شي الا لخير يراه سبحانه
والله يرزقنا الصب بر
يا ارب
ان شاء الله تكونون استفدتوا من الموضوع
لاتنسون ان الدعوه لاخيك المسلم في ظهر الغيب مستجاابه
فلا تنسونن من الدعوات ربي يرضى عليكم
وان شاء الله ربي مايخيب ظني فيه ويستجيب دعائي ودعائكم
يارب يااحي ياقيوم
يامن لاترد دعوه عبد دعاك ورجاك استجب لي دعواتي
ودعواتي لاخواتي في منتداي الغالي الفراشه
ولا تجعل في قلوبهم حزن ولا هم ولا غم الا كفيتهم برحمتك يارحم الراحمين