تزوجت أخيرا بعد معاناه مع ابيها قصة واقعيه

1. المهم


2. بادخل بالموضوع ع طول

السلام عليكم
كيفكم ياأحلى فراشات

المهم

بادخل بالموضوع ع طول

هذي قصة صديقة اختي امس اختي كلمتها بعد ماانقطعت عنها كم شهر لظروف وبعدين جات اختي تبشرني انها تزوجت هالبنت وربي فرحت لها لاني من كم سنه وانا اعرف معاناتها مع تأخر زواجها وكنت وربي كل ماذكرتها ادعيلها من كثر الضيقه اللي كانت تمر فيها وقسم بالله اني كتبت قصتها زي ماقالت لي اختي بالحرف
وسامحوني لو الكلام مو مرتب لاني تعبت وانا اكتب بس قلت اهم شي باوصلها لكم
طبعا البنت هذي عمرها تقريبا 28 أو 29هي قبل الصغيره وهم ماشاءالله بنات كثير وخواتها كبار بعد اعمارهم
فوق الثلاثين وكلهم ماتزوجوا
والسبب ان ابوهم يرفض كل اللي يتقدمون يقول يبي يزوجهم لاقاربهم واذا جا واحد من الاقارب
يطلع فيه ستين عيب ويرده لانه اصلا مايبي يزوجهم <<< تفكيره ان الزواج مو ضروري
طبعا هذي البنت مااستسلمت زي اخواتها اخوانها اللي توظفت واللي راحت تكمل دراستها كله عشان يشغلون وقتهم لانهم خلاص شايلين الزواج من بالهم ويائسات ان ابوهم يرضى
الا هي ماشاءالله عليها استمرت تقرأ البقره وتستغفر وتدعي ومايئست ظلت كم سنه على هالحال تدعي وتستغفر \
لين بالصيف هذا اللي فات وتحديدا بشهر 8 شافوها ناس يصيرون من نفس ديرتهم اعجبتهم وتقدموا وخطبوها وابوها اللي كان كل مره يرفض سبحان الله نزل عليه هوء وسكون غريب ووافق من دون اي اعتراض وهو اللي رفض حتى عيال اخوه
وتحدد كل شي بسرعه وتزوجت بعد العيد مباشره
الله يوفقها ويسعدها
شوفوا سبحان الله كيف الثقه بالله وحسن الظن والدعاء والاستغفار
في خلال شهرين ماشاءالله تبارك الله تزوجت
وهم اللي لهم سنين يقنعون ابوهم وهو رافض
والاهم من ذا كله شوفوا الله كيف كريم
سبحانه كافل الارزاق
حفظ لها رزقها لين جا وقته وعطاها ولو كان ذا الخاطب ربي مو كاتبه لها ماكان تزوجته لو وش صار بالدنيا
بنات لاتيئسون من رحمة الله وتأكدوا ان رزقكم عنده مو بيد احد من الخلق ومتى ماكتب له الله يجيك بيجيك لو بينك
وبين الموت شعره
(لاتموت نفس الا وقد استوفت اجلها ورزقها)