ماذا أكتسبت من زوجك وماذا اكتسب منك

كيف الحال يا أحلى فراشات ؟؟؟
لاحظت أنه أكثر الأزواج بيكتسبوا صفات من بعضهما ، مع الوقت والعشرة ، وحتى لو كانت صفات غير مستحبة احيانا ...
هنا كل متزوجة ستخبرنا بما اكتسبت من صفات زوجها ، وهو ماذا اكتسب من صفاتها هي مع العشرة والوقت
نبدأ بي أنا :
أنا كنت هادئة جدا جدا ، ومع الوقت أخذت منه العصبية وصرت عصبية لكن مو عصبية كتير ......
وكنت لا أتكلم كثيرا ، ومع الوقت صرت اتكلم وأفتح احاديث ، لكن مو ثرثارة
وكنت خجولة جدا جدا ، ومع الوقت أخذت منه الجرأة ، وبطلت خجولة كتير ، لكن مو قليلة حياء
وأخذت منه بعض الكلمات يللي بيرددها دائما أو بعض الأمثال...
وهو أخذ مني :
كان عصبي كتير كتير ، اذا طلع فيه حدا بالشارع ، بيقولو ليش تنوظر ، خير شو فيه ، لكن الآن أصبح أهدى بكتيير الحمد لله
وبيفكر أحيانا بنفس طريقتي ...
وأخذ مني التعامل بتسامح وحب مع الآخرين بعد ما كان ياخذ مواقف كتير
و في بعض الكلمات أو الجمل والصفات أخذها مني مثل أذا عجبني شي بقول ناعم وحلو ، وهو صار بيقول نفس الشي
حفظ الله أزواجكن يارب ، وجعل منزلتكن عندهم مثل منزلة أمنا خديجة رضي الله عنها عند رسولنا الحبيب صلى الله عليه وسلم
أنتظر مشاركاتكن الفعالة
وشكرا لكن