ماذا بعد فشل الأنابيب

1. السلام عليكم فراشات....

السلام عليكم فراشات....

بغيت اسال كل اللي سووا أطفال انابيب وحقن مجهري ومانجحت عملياتهم....ايش الخطوات اللي اتبعتوها أو ناويين تتبعوها بعد الفشل....
أنا عن نفسي صار لي 3 ستوات و8 اشهر وماحملت ولا مرة....سويت تلقيح صناعي مرتين ومانجح...شهر 8 في الصيف سويت أطفال أنابيب بتقنية الحقن المجهري وهم كذلك ماصار حمل....قررت اني مااراجع مستشفيات لأني مليت...قلت خلاص انا بتوكل على ربي ومتى ماأراد اني أحمل بحمل.....طبعا سويت العملية بالأردن وعشان اتأكد ان فشل العملية صار بإرادة الرحمن ومافي شي ثاني رجعت راسلت الدكتور ويش التحليلات اللي لازم اسويها عشان أعرف شبب فشل الأنابيب...يعني عشان اقتنع انها ارادة الرب ومافي سبب ثاني....عطاني تحاليل في الدم قال لي سويها ......بعد مرور كم شهر قررت اني اراجع دكتورة في بلدي وأخبرها باللي صار واني لازم اسوي التحاليل....هي تحاليل مو عادية يعني مو تحاليل الهرمونات لا اشياء تتعلق بالأضدادا وتخثر الدم وأشياء أول مرة اسمع عنها.....قالت أنا بعطيج تحاليل من عندي ومارضت تسمع عن تحاليل الدكتور ....المهم انا اكتشفت ان التحاليل متشابهة يعني مافي فرق تقريبا بس هي طلبت اسوي منظار وخزعة من بطانة الرحم....
المهم أنا الأسبوع اللي فات سويت المنظار وأخذوا لي خزعة من بطانة الرحم والظاهر انهم سووا لي تنظيف ...لأني قعدت انزف لمدة خمسة أيام واتصلت عليهم وقالوا لازم متوقع تنزفي من اسبوع لعشة ايام والسبب الخزعة.....وكمان سويت التحاليل كلها ...بافي اسبوع عشان تطلع نتيجة البطانة وبعدها راح اراجع الدكتورة ونشوف وش السالفة.....لأني ماراح اسوي عملية مرة ثانية الا لما اتاكد ان مافي سبب يمنع نجاحها غير رب العالمين...طبعا انا لما سويتها أول مرة اخذت التحاليل اللازمة لعملها مثل تحاليل الهرمونات وهالسوالف بس هالمرة شوي تعمقت أكثر عشان أعرف سبب الفشل....
هذي هي تحاليل الدم اللي قالي الدكتور اسويها :
Anti phosphlipid Ab

• ANA
• Anti thyroid Ab

Thrombophilia screen
protein S
protein C
antithrombin 111
activated protein c resistance
عشان جذي حبيت تشاركوني....يعني حبيت اعرف من سلك مثل طريقي أو طريق ثاني أو من ناوية تسوي مثلي ...يعني نتكلم عن تجاربنا عشان كل وحدة تستفيد......ايش مقترحاتكم انتوا؟؟؟