ماذا تفعلى لو

السلام عليكم ورحمه الله
هذه اول مره اشارك فى القسم لجميل دا بس انا متابعه كل مواضيعه .... انا عندى مشكله واتمنى من الله كل من يقرا موضوعى يشاركنى حتى بكلمه ان لم يكن هناك حل.
انا فتاه عمرى 25 عاما احببت شابا 6 سنوات واتخطبنا سنتان وسبعه اشهر وتزوجنا منذ 4 اشهر 20 يوم والان انا حامل .
عندما التقينا تقريبا من 9 سنوات كان هو يحب فتاه اخرى ولكن خانته مع صديقه بمعنى انها اقامت قصه حب مع صديق عمره المهم انه كان مجروحا وقدرت اخلصه من جراحه على الرغم من انها حاولت اكتر من مره تكلمه وهو كان بيكلمها بس كل مره كانت بتسبتله انها خاينه .
المهم انا بطبعى رومانسيه جدا وحساسه جداا وهو عارف كده بس بيتجاهل دا فى ايام الحب كان اوقات قليله جدا يقولى كلمه حلوه وبعد الخطوبه بقت نادره والزعل والخناق بقى كتيرجدا يمكن 2 فى الاسبوع
وبعد الزواج قلت ممكن يتغيرلكن اكتشفت ان بمجرد الزواج انتهى كل شىء خلاص الكلام الحلو لاالفعل هو اللى يعبر (العلاقه الحميمه) حتى دى انا الى الان لا اشعر بما يسمى بالمتعه بحس انه واجب وخلاص حتى بطلب منه حاجات بسيطه يقولى لا واتعودى على كدا
انا بجد تعبانه جدا نفسى يحس بيا حد يقولى اذاى اغيره هو عايزنى على طول حلوه وقوام جميل وشكل زى الفنانات بس اذاى وانا نفسيا مش مرتاحه
طولت عليكم بس اعذورونى دى قصتى ومستنيه نصايحكم

• *كلمه حق.... انا عارفه انه بيحبنى وبيغير عليا

بس هو مش بيحسسنى بدا بلعكس بيحاول يدارى وكمان حاجه بحس انه ؟؟؟ مش عارفه اقولها ازاى يمكن بيكلم بنات وخاصه انه بيفتح ايميله بلصدفه ولاقيت عليه اسامى بنات طيب انت اتجوزت ايه لزومه واصدقائه فى العمل
انا محتاره وتعبانه وحزينه ارجوكم انصحونى ولا تتركونى هكذا