ماعندي احد اشكيله الا الله ثم انتم

السلام عليكم ورحمه الله وبركاته
حبدء موضوعي على طول
واتمنى من بنات وحريم رزينات عاقلات يفهمو موضوعي بالتمام ويحكمو ويعطوني مشورتهم
بس بامانه ما ابغى احد يجرحني والله يا فراشات حرج قلبي كفايه
الله لايجعلكم تدوقو هادا الجرح
اول شي انا انسانه متزوجه من سنتين ولم يرزقني الله باطفال ولكن ليس هاذه مشكلتي
انا وزوجي نعشق بعض لحد الجنون
ماشاء الله مره نحب بعض
لكن كالعاده لازم من بهارات الحياه والمشاكل الزوجيه
اكيد طبعا حصلت مشاكل جدا كبيره بيننا ووصلت لمده اليد انه يضربني (اوقات اكون انا الغلطانه وبصراحه استاهل اللي يحصلي عشان كدا ارجعله)
بس اوقات يكون هوا السبب ولمن اروح بيت اهلي يترجاني ارجعله الحمدلله على قد مشاكلنا وصعوبتها
بس كنا نرجع لبعض في النهايه
لاننا نحب بعض
يوم الاحد اللي فات كنا سمن على عسل ومبسوطين ورايقين
شويه اتشدينا في الكلام وعصب وزعق وضربني وانا ماقصرت سرت ازعق واخاصموه وهوا يضربني
خرج من البيت انا اتصلت على اهلي وقلتلهم بابا امتنع انه يجي ياخدني ..قاللي كالعاده تتضاربو وتتصالحو واحنا اللي وجهنا يسير بايخ و....
المهم قفلت من اهلي لقيت زوجي ارسلي رساله (دقي على اهلك ياخدوكي)
كلمت اهلي مره تانيه قاللي بابا خدي كل اغراضك اللي تحتاجيها (انا اخدت شنطيتين كبار)
ورحت بيت اهلي من يوم الاحد ....اليوم يوم الجمعه ..من يوم الاحد الين اليوم ما اتصل لا هوا ولا اهله ولا رساله ولا شي
كنت نايمه وسمعت جرس البيت ..فتح بابا ولقى كل الحوش كراتين واكياس تقريبا 6 كراتين كبار
وكلها عفشي ودبشي وملابشي واغراضي
كل حا اجه جابوها
طبعا لمن بابا فتح الباب ماكان في ولا احد بره تركو الاغراض ودقو الجرس ومشيوو
قمت من نومي وكنت حاسه بانو حاجه سارت
لقيت في وجهي كل اغراضي....تعرفو يابنات والله مانزلت مني ولا دمعه
رحت وحضنت امي الله يخليها ليا
بس برضو مابكيت
تعرفو ما عندي صحبات اشكيلهم ولا اخوات انا بنت وحيده بس عندي ولد اصغر مني
واللهي ما اشتكيت ولا لاحد ولا قلت لاهلي ايش شعوري
ما حد يعرف اللي في قلبي غير ربنا سبحانه وتعالى وجيت دحين افضفضلكم واقول اللي جواتي
طبعا دحين احنا مانعرف اذا هوا طلقني او لا!!!!
بس يابنات واللهي انا اعشقو واموت فيه وهوا كمان مره يحبني
ويعشقني
زله لسان قلت لماما يمكن اضعف واتصله
قالتلي في نفس الوقت يجي ابوكي ويهزئك وماعاد يعرفك
طبعا اكيد انتو عارفين (مافي اهل في الدنيا يتمنو طلاق او تعاسه بنتهم)
بس اهلي اتخدو هادا القرار لانهم شافو ايش سوا فيا
واللهي يابنات ابغى اقلكم اللي في قلبي
انا مره احبو ومستحيل حاقدر اكمل حياتي من غيرو
في كل شي افتكروو ...حتى لمن اكلم الناس ماحد في بالي الا هوا
اقول اسمو لا ارادي
لمن اكون لحالي اتدلع كانو جنبي يدلعني
ما ابغى اتطلق رغم كل اللي سارلي
وكل عفشي جاني
نفسي اكلمو والين قلبو
بس من جد ماحتكون عندي كرامه لو كلمته ..بعد ماجاب اغراضي
ايش حيكون وجهي قدام اهله واهلي
بنات نفسيتي جدا مكتئبه ومتضايقه واللهي نفسي انام واصحى الاقي نفسي في حضنو
مني قادر رغم سيئاته هوا انسان جداطيب وهوا يحبني اكتر من ما انا احبه
يابنات ساعدوني والله اختباراتي قربت وما ذاكرت شي ونفسيتي جدا سيئه والله مني قادره ..اكلم الناس وابتسم وورى ابتسامتي جرح كبير
اعطوني رايكم ومشورتكم وخففو عني
ولو تعتبروني اختكم اكيد راح تدعولي لو افتكرتوني ربي يفرج همي ويجمعني مع زوجي حبيبي
والله كل وحده منكم تقول الحمدلله على وضعها كل وحده تشكر ربنا على حالها
لا اسمع وحده فيكم تقول طفشانه او مقهوره من غير سبب
كل المشاكل تهون
بس بعدك عن زوجك شي تاني
يارب اجمعني بزوجي واهديه واصلحه وخليه يرجعلي ويحس بقيمتي وحنن قلبه عليا
جزاكم الله خير