النجده ساعدوني

يسعد مساكم تكفون ابي مشورتكم بدخل بالموضوع على طول انا وزوجي كنا قيس وليلى يحبني واحبه كشفته ان له علاقه معى بنات وواجهته وماقلت لاحد هو انكر ولاكن انكر بشده الى درجة ان الخلاف كبر بينا وانا رحت بيت اهلي وجلست عندهم 7شهور يرسل مصروف عيالي ويجي ياخذهم ويردهم بس انا مايسئل عني ابدا المهم انه تزوج علي صارله شهر وربي ماعندي مشكله بزواجه وبالعكس ودي يكون بالحلال ولايكون بالحرام عشانه قريبي وسمعته من سمعتي وغير كذا عشان سمعة بناتي المهم في الامر انه بيجي بكره يراضيني وسمعت انه يقول لو تطلب بنت نوره اللي تبي بعطيها بس ترجع انا فرحانه انه مهتم فيني حتى بعد زواجه وهو لسى ماكمل شهر طبعا انا عارفه اللي يحبه واللي يكرهه عشرة 20 سنه مو زي بنوته توها تبي الدنيا وبهرجتها وتبي تتدلع لاكن زوجي متعود اني انا اللي ادلعه مايحب اكل المطاعم ابدا والعروسه تبيه يوديها للمطاعم وللمنتزهات وهو مايحب الحرمه اللي تطلع كثير وهي اكيد توها عروسه تبي تطلع وتتمشى وتشوف الدنيا اهو عمره 45 وهي عمرها 25 وانا عمري 35 حرام والله اني راحمتها احس انها بس وسيله يبي يذلني بها والله مالها ذمب تعيش هالعيشه بس الله يعينها المهم انا ابي ارجع بس على اي اساس يعني لما يجيني وش اقوله وش اطلب منه معى العلم انه تاجر وبنفس الوقت مو مقصر معي بشي تكفون شورو علي انا خايفه من الرجعه وش اسوي احس اني ماوصلت لكم القصه بحذافيرها بس هذا اللي قدرت عليه واسئلوني اي اسئله وانا بجاوب جزاكم الله خير