ماكنت احبه بس

بسم الله الرحمن الرحيم
حبيباتي زي اي بنت كنت لما اشوف عروس في اجمل صورة اقول في نفسي اش ناقصني ماكون زيها
ومرةالسنوات وصرت اكره اروح افراح وزواجات لان حسيت ان مهملة مالي اهمية
ولما خطب ولد خالتي بنت عمه فرحت ونزلت دمعتي لان عالاقل من قرايبي راح يتزوج
بس كنت زي العادة احزن لان العمر بيمر ووصلت الثلاثين وقلت راح اعنس زي فلانه وفلانه
وخطب اخوي اللي اصغر منى بنت خالتي وفرحت اكثر بس الاحساس بالعنوسه مازال مصاحبني
ومادريت انه في واحد من الناس كان يموت فيني ويعرف كل اخباري من اخته وامه وابصراحه كنت احس بيني وبين نفسي انه هو نصيبي وماكنت احبه ولا شئ
قبل 3 سنوات تقدم نفس هالشخص لاهلي وخطبني ووافقت مو عن حب لا والله علشان مااعنس او يفوتني قطار الزواج
ولظروف مرت عليه تم تاجيل كل شئ سنه او اكثر وبعد هالظروف كنت اببطل لان جاتني حالة نفسية صعبة وهو ياعيني عليه صابر
وصار كتب الكتب والملكة وانا مو مقتنعه به لسى بس هم والله يموت فيه ويقولي من زمان وانا افكر فيكي من كثر ماسمعت امي واختي يحكون عن جمالك واخلاقك وانك مزوحه وتضحكي كثير وانا احب الانسانه اللي برتبط فيها انها تكون فرحة ومزوحه مو نكده ولا كلمه
وفي شهر شعبان العام تم الزواج وانا برضه مو مقتنعه به ولا في قلبي مشاعر تجاهه
وكنت اشوف كل العيون انها حاسدتني عليه وكمان عمى قلي حصنوا نفسكم تراكم محسودين وعمي سمع ناس يقولون كيف اجتمع فلان مع فلانه
وكان يقولي خطيبي ان في ناس كثير من اصحابه يخطبوني لاخواتهم او احدى قرايبهم وانا ارفض اقول ماابي الا فلانه هي حياتي وعمري وبرضه قلبي مالان له ولا حبه ولا حس بذرة حب
ورحت زيارة لاهلي من يوم الاحد اللي راح لانه بيروح مع ابوه يتمشى مع رجال وقلي اوديكي عند اهلك لحد الخميس
وابصراحه من البارح وانا قلبي يحن ويشتاق للجلسه معه وبديت احبه واقول في نفسي انت محظوظه صابر عليكي كل هالوقت وانتي ولا حاسه
ومن جد احس ان نفسي اسرق سيارة اخوي واروح طيران ارتمي في حظنه واحسسه بالحب والحنان
وهو جائ الخميس ياخذني وابي اعمل له شئ يفرحه وهي اروع ليله في عمره بس عيبه انهه سريع في افكاره وتصرفاته
نفسي يعاملني بالكلام الحلو ةالرومانسي زي اي عروسين
كل شئ عنده حار وبسرعه
بس والله صرت احبه موت وكل يوم حبه في قلبي يكبر
تتوقعون اللي صار في البدايه اش معناه
فنصيحة منى ومن تجربة
خذي اللي يحبك مو اللي انتي تحبيه
لان بيننا كنت احب واحد غيره وكنت اظن احلى ايامي مع هالشخص
بس حبيبي وحياتي وهو ولد خالتي نساني الدنيا ومافيها